Vawiina Premier League club hrang hrang te inrawnkhawn chuan thutlukna siamin naktuk atang hian training tan an rem ti.
“Medical lama khuahkhirhna nasa tak leh mitin himna ngai pawimawh chungin training hi kalpui tur a ni a, training tluang taka a kal zel theih nan hmalak zel a ni ang,” tiin Premier League thuchhuah chuan a tarlang a, ‘social distancing’ kalpui chunga training hi neih tur niin ‘contact training’ neih phal a ni lo.
Ruahman lawk ang chuan Premier League hi June ni 12 – ah khelh hmabak te khelh tan beisei ni mahse thil awmdan enin hei hi sawn hlat leh a nih rin a ni a, June ni 19 emaw, June ni 26 – ah inkhelh hi tan leh a nih a rinawm.
Vawiinah “Project Restart” inrawnkhawmna hi video conference hmanga neih niin Premier League club 20 te aiawh bakah league official leh damdawi lam thiam te an tel a ni.
