A GENTLEMAN OF FOOTBALL: XABI ALONSO

A sam a tiphirsi ve lem lo va, tattoos a lawm lo va, thawmhnawm rang rei ruai a ha ngai hek lo. Hun pawimawhah suit rawng simple tak nen a inlan thlap thin a, a hun awl neihte chu a nupui Nagore Aranburu leh a fa pathumte nen a hmang mai thin.

Tlang titia than mawi loh a nei ngai lo va, Liverpool a zawm pawh khan, a khaw mipuite ngainat a hlawh hma hle a ni.

Midfielder dang angin a tlan chak ve lem lo va, thahrui nei tam tak a ni lem lo bawk. Tin, technique (themthiamna) lamah pawh mi chungah a awm hran lo. Ani a special-na chhan erawh – Thluak hmanga football khel thin a nihna kha a ni.

Kum 2017-a football khelh a chawlhsan tur thu a puan khan, he thu pathum hi a sawi: “Lived it. Loved it. Farewell beautiful game.” Kha ni kha football ngainatute tan chuan ni lungchhiatthlak tak a ni. A chhan chu football hian ‘gentleman’ a chan ni a ni tlat a ni.

Khelmual chhungah tawng bawlhhlawh emaw, chet ze mawi lo emaw phuhchhuakin a lantir ve ngai lo va; a opponent te pawh a zah thiam thei em em thin a ni. Amah kha a dam dap a, a uap a na a, mipa zahawm tak a ni.

Tum khat chu, Champions League-ah Liverpool chuan Inter Milan an tlawh dawn a… Mahse, chu hun chu a nupuiin nau a hrin hun a ni si a, chuvang chuan a nupui a hmangaih em em bula awm thlang zawkin hreh takin Champions League inkhel pawimawh chu a ch├ón phah ta a ni. Mahse, ani chuan, “Ka chhungkua hi he khawvela ka thil neih hlu ber a ni miau si a, engkimah a hmasa berah a awm thin tur a ni,” tiin a sawi thung.

He thil thleng avang hian khatih laia Liverpool boss, Rafa Benitez nen pawh an inkar a that loh phah reng a ni.

Khatia kum 3 liam taa football a mangtha tum khan, Bayern Munich CEO, Karl-Heinz Rummenigge chuan heti hian a sawi: “Football chuan mi ropui a chan ta! Mihring ropui tak a ni a, ani kha Gentleman of the game a ni,” tiin.