ANFIELD-AH CHELSEA AN LENG LUT DAWN – Lawmkima Hmar

Tunkar tawp English Premier League Fixture zinga mit la berah zanin dar 11:00 hian mikhual team ten vui hmupu a an chhuahsan fo thin Anfield-ah Premier League champion lai Chelsea an leng lut dawn a, football ngainatu tan chuan hei lo liama ennawm mak tak a awm chuang lo vang.

Inhliam/dam :
Liverpool manager Jurgen Klopp chuan an tlarhnung pawp thawmpui turin defender Joel Matip a inlan thei mai thei tih sawiin Cameroon international hi a inlan thei a nih chuan ‘Goal thun thei, a venhim dan thiam lo,’ tia an sawisel thin The Reds tan kuk ruihna tham a ni ngei ang.

Pre-season a inhliam Adam Lallana chu a inhliam hnua a hmasa ber atan a inlan thei dawn a, German midfielder pawimawh Emre Can erawh tihrawl na avangin a dinhmun tur a chiang lo thung.

Chelsea head coach Antonio Conte tan lwmna tur awm ve bawkin chawlhkar ruk chhung inhliam tawh wing-back Victor Moses a dam tawh a; Michy Batshuayi, Charly Musonda leh Kenedy te erawh mual chhung lut tur khawpin an la dam tha lo. Anni 3 awm lo hian an game plan a khaiwh dnaglam pha lo vang.

Manager thu hla :
Liverpool manager Jurgen Klopp chuan Sevilla an hmachhawn tuma khel chhe fal tal Alberto Moreno chungchang sawiin: “Kan titi zui alawm, Alberto khelh danah khan ka lawm! Game hautak a ni a, keimah zawk hi a mawh latu tur chu ka ni, khatiang lo deuha khel thei tur kha chu kan ni alawm.

“(Goal 3 kan hum theih loh chhanah khan) player mawhpuh tur a ni lo, Keimah hian za-ah zain mawh ka phur a ni” tiin Sevilla laka 3-0 a hma an hruai tahw hnuah an sut zawhtir vek chungchang a sawi.

Chelsea head coach Antonio Conte chuan: “Nikhat chauh chawlhhahdamna hun neih a, nikhat chauh inbuatsaihna hun neiha inkhel hautak zet hmachhawn chu a rumra deuh a ni.

“Chhuanlam siam erawh ka duh lo, hetiang chang hi chu a awm chawk reng a; amaherawhchu, mi hian kan dinhmun hria se, hetiang harsatna sukiang tur hian tan la tlang ila, Press leh TV lamte pawh hian thil awmzia tarlan thin se a fuh khawp ang,” tiin chawlh hahdamna hun an nei lutuk thin chu tha tih loh thu a sawi.

Sulhnu leh Nunhlui :
* Premier League -a an intawn hnuhnung 5-ah Liverpool hi an tlamw lo va, vawi hnih phei chu Stamford Bridge-ah hnehna an chang nghe nghe.

*Chelsea hi Anfield-a an lenluh hnuhnung 5-ah khan an tlamw bik miah lo va, an tlawm haw hnuhnun ber chu May 2012 daih kha a ni tawh (W2, D3).

*Tun tum hi kum zabi thara team pahnihte vawi 55 an intawnna tur chiah a ni.

Liverpool :
*The Reds hian kum 2017-a a vawikhat na’n a zawnin Premier League-ah vawi 3 hnehna an chang tawh a, nikum December thla khan a zawnin vawi 4 an lo chak tawh bawk a ni.

*Tun season-ah Liverpool hi an mualah an la tlamw lo va, Anfield-a an game hnuhnung 33-ah vawi 2 chiah an tlawm (W20, D11, L2).

*Tun season Premier League-ah an mualah goal khat chiah an la chhuah, Burnley tlarhma an veng zo lo.

*Liverpool hi tuna an manager ni mek Jurgen Klopp-a’n October 2015 atanga a neklaw hnua Big Six te laka point hmu tam ber niin game 22 atangin point 37 an thawkchhuak tawh. Chelsea hian dawtin anni hian game 22 atangin point 31 an hlawhchhuak thung.

*Mohamed Salah hian tun season Premier league-ah goal 9 thun tahwin Liverpool player zinga club tana an match hmasa 12-a goal thun tam ber a ni. Chelsea tan khan game 13 atangin goal 2 chiah a thun thung.
..
Chelsea :
*The Blues hian mikhual nih an tlin a, Premier League khualmuala an fehchhuah hnuhnung vawi 12 atangin vaiw 10 hnehna an chang thei; Manchester United leh Crystal Palace chiah an hneh lo!

*Chelsea hi tun season a hmasa ber atana a zawna vawi 4 chak a, a zawna match 3 goal chhuah lothei dinhmunah an ding mek.

*Tun season EPL-a Chelsea goal thun 15 te hi Spanish player te thun a ni.

*Alvaro Morata hiahn Premier League game 12 atanga goal 8 thunin assist 4 a nei tawh a, tun season-a The Blues player zinga goal-a inralwh tam ber a ni.

*Eden Hazard hian Antonio Conte hnuaia Premier League match 16-a goal a thun tumte khan a team te hi a chakpui vek.

11:00PM -Liverpool vs Chelsea (Star Sports Select 1)
Venue: Anfield; Capacity : 54,074

Match Officials :
•Referee – Michael Oliver
•Assistant Referee – Gary Beswick
•Assistant Referee – Simon Bennett
•Fourth Official – Craig Pawson