MPL6 : CHANMARI LEH CHHINGA VENG INTHATHEN

Zanina Mizoram Premier League semi-final inkhel hmunawm takah Chanmari in an goal thun an hum zo lo a, Chhinga Veng nen 1-1 in an inhnehtawk. He inkhelah hian Chanmari keeper F.Lalmuanawma chu man of the match atan thlan a ni.

Tute nge khel ?

Chhinga Veng FC (4-4-2) : Zothanmawia; R.Laldinliana, Lalrinchhana Tochhawng (c), K.Lalthlahlova, Hmingthanmawia; Lalrammuanpuia (Vanlallawma 89′), Lalrinchhana, R.Malsawmtluanga, Laldampuia (Laldingngheta 84′); MS Dawngliana (Lalkhawpuimawia 67′), Malsawmfela

Subs : R.Lalhmangaihzuala, Lasisi Adeyemi Wahab, Ramfangzauva, Olumide Olawale, Joy Mrong Kharraswai, Lalchhuanpuia, Laldingngheta, Lalkhawpuimawia, Vanlallawma

Chanmari FC (4-4-1-1) : F.Lalmuanawma (c); Thomas Lalengkima, C.Lalmuanawma, C.Lalrosanga, Joe Zoherliana; Vanlalbiaa Chhangte, B.Zoramthara, Joseph Lalfakzuala (Lalrintluanga 84′), Thasiama; MC Malsawmzuala (Lalmuanzoa 75′); Jakob Vanlalhlimpuia

Subs : MS Dawngliana, Lalmuanawma, Lalruatfela, Rochhingpuia, Lalmuanzoa, Emmanuel Chijioke, Gani Ahammed, Lalmalsawma, Lalrintluanga

Match referee : MS Dawngliana
Assistant referee : F.Lalramsanga & Lalhriatliana
Fourth official : Lalrawngbawla Renthlei

First-half ah Chanmari

League hmahruaitu Chhinga Vengin bul an tan tha zawk a, a tir minute 10 chhungin half chance a sawi theih tum hnih nei hman mahse an duh tui luatah a zuih ral.

Chanmari in half-way line atangin ball an vawrh nasa a, khelmual dinglama tlan Vanlalbiaa Chhangte an zawng thin. MPL6-a goal 5 thun tawh Hriangtlang tlangval hi a put tlang fo a, Msa ball pek goal kham chunga a thlawh chu uiawm tak a ni.

H. Vanlalthlanga naute’n inkhel an thunun chhunzawm a, Mabiaa, Jakoba leh MC-a te goal hmaah hlauhawm thin viau mahse Chhinga Veng captain Lalrinchhana Tochhawng leh a naute an su tlang thei lo.

First-half ah Chhinga Vengin sawi tur an nei tam lo a, Rosanga lakah Apuia tal put mahse keeper Muanawma a rawn inrawlh hman. Goal awm lo in minute 45 a ral mai dawn emaw tih hnuah Jakoba pass chu Mabia’n lalutin keeper T.Mawia chauh a hmachhawn tawh tihah a pet khum thei lo a, ball lo per hi Mabia’n goal-ah petin Rinchhana Tochhawng in a lo dang.

Ball kal chak tak karah inkhel thununtu MS Dawngliana’n penalty spot a kawk a, penalty pet thiam MC Malsawmzuala’n Chanmari hmahruai nan a thun. TV Replay ngun tak a en chuan Rinchhana hi a awmah a fuh zawk niin a lang.

Second-half ah Chhinga Veng

Second-half ah team pahnihte an innawr tawn a, fans pahnihte thawm a tha bawk a, inkhel a nung hle.

Minute 55-naah Chhinga Veng siban nghaktu T.Mawia ball ben per chu Jakoba’n dawngin Hnahthial tlangval hian goal kham chungah a pet.

Si phur zawk Chhinga Vengin ball an chang tam chho a, Dampuia pet Muanawma’n vawi hnih a dan chu perchhuakin Msa’n goal kham a pet per a, Sawmfela’n goal kham chungah a thlawh.

Chhingcows te au ring viau mahse goal an au chhuak thei lawk lo a, Dawngtea pet Muanawma’n a dansak bakah Malsawmfela’n box chhung atangin goal zawnah a pet thei lo.

Chanmari tana B.Thara cross Muanawma tauh chuan T.Mawia ke a per a, goal ngat se chu Chhinga Veng tan thlawh leh a har tawh ang. Inkhel boruak tang tak karah minute 77-naah Msa free-kick pet chu Joseph Lalfakzuala’n an lamah ti lut palhin Chhinga Vengin an siphurh an sut.

Team pahnihte’n goal thun belh tumin an innawr reng a, Round 8 atanga goal thun tawh lo Malsawmfela pet kawh zet chu Muanawma’n a dan sak a, MPL5 Best Player Sawmfela’n goal thunna remchang a neih a hmang tangkai zo lo lehpek.

Inkhel pumpui thlirin Chhinga Vengin goal thunna hun remchang ngah mahse an hmang tangkai zo lo a, goal thun hmasa zawk Chanmari in own goal vanga an si phurh an hum zawh loh avangin vanduai an inti bawk ang. Second-leg hi November ni 30 ah khelh a ni ang.

ZoFooty Statistics

Chhinga Veng FC 1-1 Chanmari FC (FT)
Joseph Lalfakzuala 77′ (og) – MC Malsawmzuala 45′ (pen)

52% Ball Possession 48%
13 Shots 11
6On Target 6
4Yellow Card 1
0 Red Card 0
MoM : F.Lalmuanawma (CFC)

Powered by Rainbow Multibrand Mobile Showroom

Posted in MFA, MPL, Tualchhung.

Leave a Reply

Or