Khuavel chhinga ! :
“Ka naupan laia ka suangtuahnaa lian ber chu Milan tana khelha European Cup lak hi a ni thin. World Cup-a champion hi ka suangtuah pha lo hrim hrim. Vawikhat tal World Cup khelh ve, champion zui! A teuh lo, duhthusamah pawh a lutuk tlat.
“Kum 2006 World Cup champion tura kan hun harsa tawn kha a namai lo hle. Germany nena semi-final kan khelh hma lawk khan Italy-a kan haw leh te a ngai thul. A hunlaia thil awmzia kan hrethiam lo kha a lawmawm zawk.
“Calciopoli scandal avangin kan team kha a buai a, kan training apiangin mipui lam atangin min au nawmnahtu leh tiheltu an awm zel a, khati chung khan kan phur em em thei a. World Cup trophy lain a hma lawka an auh nawmnahte kha pasaltha thangchhuah chan kan chang ta a ni! Kha thil inlumlet dan leh inthlak teh thut dan kha mak ve tak chu a ni.
(Calciopoli scandal hi kum 2006 a Italy football a inthamna lian tham tak kha a ni. Serie A leh Serie B club thenkhat ten referee te thamin an referee duhzawng thlangin inkhel an hmachhawn thin. Heng zingah hian AC Milan, Fiorentina, Lazio leh Reggina te an tel a, Police in an chhuichhuah hnuah hremna pawh a na hle.
(AC Milan chu 2005-06 season Serie A a an point 30 paihsak an ni a, 2006-07 season ah point 8 paihsak an ni bawk. Reggina pawh point 11 paihsak an ni. Juventus, Fiorentina leh Lazio chu Serie B ah tlaktir niin Old Lady phei chu 2004-05 season a an trophy lak chhuhsak an ni a, point paihsak an nih avangin 2005-06 season hian anmahni aia point hmu hniam Inter Milan an champion tir).
“(Italy manager) Marcello Lippi lakah khan bat tam tak kan nei. Eng dinhmun pawh min thlenpui se World Cup zawh khan Italy a enkawl zui dawn lo tih kan hria a. Inthamna thubuaia a fapa a tel ve avangin engemaw hlekah khan thuthar thehdarhtuten an bawr luih luih reng mai a, a tan khan a hrehawm zual hle ang tih kan hrethiam.
“Chuvang chu a nia kan champion ve leh khan tih tak zeta pana ka lawmpui ni. Min enkawl tur khan cham zui se ka ti hliah hliah bawk. In enlet chuan kan inkuah lai in hmu ang.
“Mahse, ka che chhe lehpek. Penalty shootout hnuhnung en tura kan dingchhuak thut kha kan thutna khan ka kekawr a lo tai thler a, kekawr thler hnuang chungin ka thiante penalty pet lai ka en a, kan chak zui ta si lawm lutuk kha mual chhungah ka tlan lut zui ta mai si a. Ka hriatchhuah meuh chuan kekawrte nen champion ka lo lawm reng chu niin. Kha kha ka hun tawn tawha ka hlim ber tum a ni, ‘substitutes bench atang maw?’ tiin ka la inzawt let fo thin.
“Inkhelh leh ka chakin in ring em? Ka chak hranpa tawh lo! Ka theih bak bak mual chhungah ka sawrchhuakin ka hria a, han pek leh tur chuang ka nei tawh lo. Ka thil ngainat tak, ka hmangaih tan ka theihna ka hlan a, ropuina tlanga vawi 10 chuang lai ka ding thei kha a ropui.
Na thei lova :
Han let leh lawk ila. Milan leh Catania kan inkhelh tumin minute 5-na vel lekah ka khup ruh tuamtu duar a chat a, mahse, ka khel tluan. Hetiang hi thil tha ber chu a ni hauh lo, hliam leh na neuh neuh hi ka lo nei fo tawh thin a, chutiang zinga pakhat ve maiah chuan ka ngai.
“Milan hi ka hmangaih a, Milan kawr ka hak tawh chuan tih huam loh ka nei lo; rulh let beisei vang ni hauh lovin chawlh ka inpe ngai lo.
“Ka kut te hi han en ula, kut pangngai ruangam pawh a pu tawh lo tih in hmu ang. Zai a ngaih tur thu leh thla 2 chawlhpui a ngaih tur thu min hrilh a, mahse, ni 4 hnuah an tuamna ka phelh a, ka inkhelhpui lehnghal. A hnu kum hnih chhung kha chu ball inchuha kan han intawksir deuh hian a ri leh tuarh tuarh thin.
“Ka inkhelh ve lai ka han thlirkir hian tlang taka thil ti mi ka nihzia a lang. Tihsual ka neihin thupha ka chawi ngei ngei thin a, midang ka mawhpuh ngai lo. Manager ka nih hnu thleng pawhin hei hi ka ze nghet ala nih chhunzawm zel.
“Insum theihna pawh ka ngah ve viau tawhin ka hria. Mahse, tuin emaw ‘puithiam nih i hlat lo ve’ min tih se chuan dawt muhlum a nih chu tiin ka chhang nghal ang.”
Thubelh :
Gattuso hi a rilru zawng zawnga inkhel mi, a inkhelh lai chuan football bak ngaihtuah ngai lo a ni. Thil ti mai mai chi a ngai thei lova, inchei a hne hluah hluah thin. Hlimhlawp thila inchiah thuk duh lo mi a ni bawk. A player puite a chhanna lamah hrem a tawh phah fo. A huai pawh a huai na rawh.
September 2003 khan UEFA Champions League group stage a Ajax nena an inhmachhawn tumin Ajax striker inla pa ve tak Zlatan Ibrahimović chuan a chhaih kawlh a, Gattuso hian second-half injury time-ah Swedish striker hi a beng siah … red card.
December 2005 Champions League a Milan-in 3-2 a Schalke 04 an hneh tumin Schalke midfielder Christian Poulsen chu a khat tawkin a cho deuh reng a ni ber! A hnuah a chhan an hria : first leg-ah Paulsen hian Milan player Kaka chu ven bikah neiin a lo dim lo deuh a, Gattuso hian phuba a laksak!
February 15, 2011 Champions League AC Milan leh Tottenham Hotspur an inhamchhawn tuma Tottenham aast. coach Joe Jordan hrawka reka a nam leng lawp kha a larpui viau. Italian midfielder rorum hian inkhelh zawha Spurs player te a chibai hnuah Joe hi panin a rek bakah a tauh. Buaina nasa zawk a chhuak teuh hle. A chhan chu hetih hunlaia kum 59 mi, ‘Jaws Jordan’ tia an koh fiam thin hi pa satliah a ni lo.
A vanglaia centre forward lar hian Leeds United tana par a chhuan mek laiin an fans ten an ngei ber Manchester United a pan lui ngat. FA Cup a Tottenham nena an inkhelh tumin Spurs goalkeeper Milija Aleksic chu a khabe ruh a tihtliah sak a, hei vang hian a hming lemah ‘Jaw’ (khabe ruh) tih an telhsak.
Insual hrat ve tak niin kuttum an in ‘khilai’ tawnnaah a ha hmai a hloh tawh bawk.
Gattuso leh Joe an intihbuai tum hian Italian midfielder hian Spurs Asst Coach-in an inkhelh chhung zawnga a auh nawmnah thu a sawi a, engtiang chiahin nge a lo auh thin sawi lo mahse Chanchinbu mite chuan Joe hian ‘Italian mawl liana’ tiin a khat tawkin a au reng, an ti.
Joe hian touchline ah buaina a nei nual tawh a, Roy Hodgson, Paul Ince leh Newcastle goalkeeping coach Andy Woodman te nen inhnial buai tawhin an duh hun huna insualpuiah a cho heu mai.
Gattuso nena an inchaltauh tum pawh hian hetih hunlaia Tottenham manager Harry Redknapp chuan : “Joe kha insual turin a inpeih at tawh. Buaina awm hnu khan a tarmit a la thla…” a ti. A video en letin Joe hian a tarmit hi an substitute player pakhat pein a ze ngai chhuah a inpeih hle niin a lang.
Gattuso hi Champions League match 5 khel thei lo tura hrem zui niin Joe pawh hi Technical Area-a awm zui thei lo turin hrem zui a ni.
December 2, 2012 khan Gattuso hian coach cum player nia Switzerland (of the West) club Sion tana a khelh laiin Swiss Super League-ah referee Nikolaj Hänni chu a yellow card kenlai a chhusak a, a hnuah a pe let leh !
A TAWP TA
cialis cost
online cialis
Real viagra without prescription
Canada viagra