Naktuk hian Rajiv Gandhi Stadium, Mualpuiah kum 2017/18 season atana North East Derby hmasa ber kan hmu dawn a, Aizawl FC leh Shillong Lajong FC te an inkhel ang.
.
Head to head:
Team pahnihte hi I-League bikah vawi li intum tawhin vawi khat ve ve an chak tawh a, vawi hnih an inhnehtawk tawh. Hei bakah hian friendly match-ah vawi khat an inhnehtawk tawh bawk. An intum vawi nga ah inchhuang thei zawk an awm lo a, I-League 2015/16 season khan Aizawl-ah goal awmlo in an innehtawk a, Shillong-ah Lajong hi 3-1 in an chak thung. Season liamta khan Aizawl-ah Aizawl FC hi 2-1 in an chak a, Shillong-ah sikhat ve ve inpe a inhnehtawkin Aizawl FC in champion nomawi an lakna inkhel a ni nghe nghe a nih kha. Naktuk hian chak zawk an awm ang em hriat a chakawm a, inkhel hmuhnawm tak kan beisei thei ngei ang.
.
Full squad nen Lajong:
Lajong hian tun season I-League-ah vawi li khel tawhin vawi hnih an chak tawh a, vawi khat chak lo in vawi khat an khingpuite an hnehtawk a, point sarih an hmu tawh. An match hmasa berah Gokulam chu sikhat faiin an hneh a, Churchill Brothers lakah sihnih faia chak lehin East Bengal chu 5-1 zetin an hneh lo a, Mohun Bagan nen sikhat ve ve inpe in an inhnehtawk bawk. Heng an game-ah te hian goal nga thun tawhin goal ruk an chhuah tawh a, an captain Samuel Lalmuanpuia chu an innghahna niin goal hnih a thun tawh bakah goal hnih dang assist a nei bawk. East Bengal laka an tlawm hnuah Mohun Bagan laka tha taka khelin point an sual chhuak thei a, inhliam neilo in full squad nen inkhel an hmachhawn ang. Captain Samuel chu Mohun Bagan an khelh tumin lakchhuah ngai mah se Aizawl hmachhawn turin a dam hman beisei a ni bawk.
.
Hliamin a tihbuai Aizawl FC:
Aizawl hian game hnih khel tawhin point li an hmu tawh a, an match hmasa berah East Bengal lakah sihnih an phurh hnuah goal hnih thunin point khat an hlawhchhuak a, Aizawl-ah Churchill Brothers chu sikhat faiin an hneh bawk. Anni hi hliamin a tihbuai avangin an full squad kan hmu thei dawn lo a, David Lalrinmuana leh Albert Zohmingmawia te khelmualah kan hmu thei dawn lo. Tin, inhliam vanga Churchill Brothers hmachhawn ve thei lo Andrei Ionescu leh William Lalnunfela te chu training zawm tawh mah se khel thei turin an fit hman ang em a la chiang lo a, S. Malsawmtluanga (Mama) pawh training zawm tawh mah se a khelh theih leh theih loh tur a la chiang lo bawk.
.
Point thum hmu turin kan lokal – Nongbet
Shillong Lajong coach Nongbet chuan Aizawl FC chu team tha tak an nih thu sawiin inkhel hautak tak hmachhawn tura an inpeih thu a sawi a, chutih rualin chak ngei tuma lokal an nih thu leh point thum hawn ngei an tum thu a sawi uar hle. Sawi zelin captain Samuel a fak a, kum naupangte mah nise experience tha tak a neih thu leh Shillong Premier League-ah te pawh tha taka lo khel a nih vanag captain atana thlang a nih thu a sawi a, chak ngei tuma nasa taka an beih thu sawiin attacking game nen inkhel an hmachhawn tur thu a sawi.
.
Kan tumpui turte ka hrechiang a, kan buai lo ang – Paulo Meneses
Aizawl FC coach Paulo Meneses chuan inhliam nei nual mah se a khingpui turte a hriat chian avangin an buai a rin loh thu a sawi a, player tha tak tak a la neih ve tho avangin inkhel hmuhnawm tak an khelh chhuah ngei a rin thu a sawi. Tin, Churchill Brothers nen an inhmachhawn tumah game thunun viau chungin goal zawna an pet a tlem avangin a buai loh thu sawiin goal thun tura chance an insiam hnem avangin a lawm thu a sawi. Tin, naktuk inkhel turah mipui an pawimawh dawn avangin a tam thei ang ber inkhel en turin a sawm a, mipuite chu an chakna hnar tia sawiin a tawp thlenga anmahni tana aw chhuah leh turin a sawm a ni. Hei bakah hian an khelhpui tur ah ven bik an neih loh tur thu sawiin tunhnaia form em em mai Samuel pawh a hranpa a an ven bik loh tur thu a sawi tel bawk.
.
Tun season tana North East Derby hmasa ber hi naktuk, December 18, chawhnu dar 2-ah RG Stadium-ah khelh tur a ni a, entu mipui a tam thei ang ber Aizawl FC tawiawm tur hian thawh chhuah i tum ang u.
generic cialis india
cialis coupon
Discount cialis
Buy cialis in usa