India football captain hlui Subimal ‘Chuni’ Goswami chu kum 82 mi niin vawiin tlai dar 5 khan Kolkata – ah a boral a, a nupui Basanti leh a fapa Sudipto te a kalsan.
1962 Asian Games – a India in gold medal a lak tum khan Chuni hi captain niin 1964 Asia Cup – ah silver medal a lakpui bawk. Kum 27 mi lek niin ram tana khelh a chawlhsan.
Club lamah junior level atanga a hun tawp thlengin Mohun Bagan tan a khel a, Mariners tan hian kum 5 chhung captain a ni. Kum 1968 khan kum 30 mi niin football a chawlhsan.
Chuni hi first-class cricketer a ni bawk a, first-class cricket match 46 zet khelin Bengal tan Ranji Trophy-a captain armband hreng pha a ni.
Kum 1986-89 chhung Tata Football Academy – ah Director niin 1990-91 chhung India team a enkawl a, Padma Shri leh Arjuna Award a dawng tawh bawk.
