A vanglaia khawvela footballer hmuhnawm ber pawl Ricardo Quaresma chu Indian Super League – ah kan hmu thut maithei !
Kum 36 a upa ni tawh Europe – a club lian tak tak Barcelona, FC Porto, Inter Milan leh Chelsea tana lo khel tawh Quaresma hian season liam ta khan Turkish club Kasimpasa tan a khel a, game 24 khelin goal 4 a thun sak. Tun season zawh rual khan a contract a tawp a, club nei lo in a awm mek.
Indian football – a journalist rin hlawh tak Marcus Mergulhao chuan Potugal tan a vawi 80 lai inlan thei Quaresma hian ISL – a lokal a hreh lo niin a sawi a, a agent – te pawh an inhawng viau niin a sawi. ISL club zingah Hyderabad FC chuan an ngaihven deuh ber niin a lang a, amaherawhchu season liam ta mai pawh khan Quaresma hian India pawisa crore 20 lai a hlawh a, ISL – a rawn pan dawn a nih chuan a hlawh hi tihhniam viau a ngai thung ang.