INDIAN FOOTBALL LAWRKHAWM

Durand Cup champion Gokulam

Asia khawmualpuia football inelna upa ber Durand Cup final – ah Gokulam Kerala chuan Mohun Bagan 2-1 a hnehin an champion.

He inkhelah hian vawi 16 zet champion tawh leh he inelnaa record nei tha ber Mohun Bagan hi chak zawk tura rinkai ni mahse semi-final a East Bengal hnehtu Gokulam in India chhimtawpah nomawi an hawn ta zawk.

Bino George – a naute hian minute 76-naah Mahmoud Al-Ajmi hmangin goal an thun a, minute hnih hnuah Marines tan Dipanda Dicka chuan a sut. Hun tawp dawn minute 90-naah Bagan striker hlui Henry Kisekka chuan Gokulam nomawi chawina goal a rawn thun a ni.

Bengaluru – ah Augusto

Chennaiyin FC tana ISL nomawi vawi hnih lo chawi tawh leh fans te ngainat Raphael Augusto chuan Chennai khawpui chhuahsanin Bengaluru FC tan kum hnih daih contract a ziak. Kum 28 a upa Brazilian midfielder hi ISL – a player hmuhnawm pawl niin Brazilian zinga Bengaluru tana khel hmasa ber a ni ang.

Messi pawh Kerala – ah

ISL club Kerala Blasters chuan Messi an lalut a, a hming pum chu Raphaël Éric Messi Bouli a ni. Kum 27 a upa Cameroonian forward hi Iran club Foolad atanga an lak a ni a, an ram team tan vawi 6 a khel tawh.