NAKTUK ATANGIN SAFF U-18 CHAMPIONSHIP; MIZO PARUK TEL DAWN

Naktuk atang hian Bhutan ram khawpui Thimphu-ah SAFF U-18 Championship khelh tan a ni dawn a, tun thla ni 27 thleng a awh ang.

Tun tum hi Bhutan ramin SAFF inelna a thlen vawikhatna niin ram panga – Bhutan, India, Bangladesh, Maldives leh Nepal te an tel dawn a. Ram pangate hi vawikhat theuh inkhel chhuakin chu ta point hmu hnem ber chu champion an ni ang. Nepal hi champion lai niin 2015 final-ah khan India chu penalty-shootout ah an hneh a ni.

Kumin India team-ah hian Mizo paruk an tel a, anni hi I-Day Tournament Aizawla kan hmuh tawhte kha an ni hlawm. Edmund Lalrindika, V.Lalengzama, Zonunmawia, R.Lalliansanga, B.Lalnuntluanga leh Lalawmpuia te hi India team-ah an tel satliah a ni lo a, player pawimawh ni pha vek an ni.

India hian naktukah Bangladesh hmachhawnin bul an tan dawn a, an chesual viau a nih loh chuan chak tura beisei an ni. Inkhel zawng zawng hi mipui 25,000 lenna Changlimithang Stadium-ah khelh a ni ang.

India fixtures : 

18 September vs Bangladesh

22 September vs Bhutan

25 September vs Maldives

27 September vs Nepal

Posted in AIFF, India, Ramchhung.

Leave a Reply

Or