Deutsche Fussball Liga (DFL) CEO Christian Seifert chuan Christiano Ronaldo chu La Liga leh Premier League-a a ropui ang em em hian Bundesliga-ah a ropui a ring lo. Spain atang Germany-ah hian rawn kal se ‘superstar’ a nih ka ring lo a ti. Chutih rualin Schweinsteiger erawh a fak hle thung.
Christiano Ronaldo hi Real Madrid chuan khawvela footballer man to ber ni turin Manchester United atang £80 laiin 2009 khan an lei anih kha. A man a to bawk a, an lei fuh tho mai le. 2010-2011 season phei kha chuan La Liga-ah season khata goal thun hnem ber record a siam a, record dinglai goal 38 chu khumin goal 39 ngawt a thun a, Pichichi trophy a dawng a ni.
Manchester United-a a khelh lai paw’n Premier League-ah 2007-2008 season khan top scorer a ni a, 2008-2009 khan Anelka kha goal khat lekin a pha lo bawk.
Real Madrid tan hian competition hrang hrangah goal 98 lai a thun tawh a, mahse DFL CEO Christian Seifert chuan Bundesliga-ah chuan hetianga ropui hi a ni lovang a ti. “C.Ronaldo hi Germany-ah Superstar a ni lovang” a ti hial a ni.
Christian Seifert chuan hei hi duh tawk mai lovin Ronaldo mana £80 hman ai hian training centre leh thildang siam nan hmang se a hlawkthlak zawk a rin thu leh kum 2000 hnu lama training centre tam tak siamthat a nih hnu hian Bundesliga pawh hian hma a sawn hle a ni a ti bawk.
Christian Seifert hian Bastian Schweinsteiger chu fakin kum 27 chauh a la ni a, Germany tan match 100 dawn a khel tawh a, 2006 atang phei kha chuan rinrawl ber pawl a nih thu a sawi bawk. Midfielder a ni a, defender leh keeper aiin mawhphurna sang zawk a nei a ni a ti.
Enge i ngaih ve dan?
Tunhnaiah Football Legend Pele chuan Messi chu ‘incomplete player’ a ni tiin a lo sawi tawh a, hei hian titi a ti tam khawp mai. Pele hian Messi hi Brazilian ni se a fak tho lo’ng maw, amah aia ala ropui a rin vang zawk a ni tiin mi tam tak chuan an sawi ve thung. Tunah DFL CEO Christian Seifert chuan Ronaldo chu Bundesliga-ah a ropui a rin loh thu a sawi a, hei pawh hian titi a ti tam leh khawp mai.
Ronaldo hian Manchester United a chhuahsan dawn khan mi tam tak chuan United-a a ropui angin a ropui an ring lova. Real Madrid-ah chuan superstar rual an ni dawn a, a khelh chhiat deuh hlek chuan bench-ah a thu ang a, a ral zui mai lo’ng maw ti pawl kha an tam hle a ni. Mahse ziah tawh ang khian a ropui tual tual mai bawk si, record te a siam deuh deuh. Germany-ah pawh hian kal se a ropui tho ang em?
Tunlai chu footballer tha te hian fak aiin sawisel an hlawh tlat, hei hian an ropui zia a tilang zawk em? Thiam lo se an sawisel kher dawn em ni? An thiam vang leh ropui vang zawk a ni lo maw? Enge i ngaih ve dan le?
Discount brand name cialis
Buy cialis without a prescription
Germany-ah chuan skill an dah sang ber a, chuvang chuan power player Ronaldo te ang hi chu an hlawhtlin a ring lo a ni maithei. Mahse kei chuan superstar a nih ka ring tho tho mai.
Kei pwn ka pawm vek eh.
Ker pwn ka pawm vek eh.
@ zama, rozam, lra : in sawi hi keipawh ka pawm vek e:D
player tha hi chuan titi anti tam ania,Germany ah poh super star chu ani leh tho ang ani leh mesi hi zawng a ber an nih hi.
he2..nuih ti xa xok lom mole…a soi tu hian Ronaldo hi a phak lo ltk vng ni soi mai2 ni…Bastian a tha a ti xok ni om a a ron soi hmng hian..tha xok cu nise player fifa player ofthe year robaldo in lak tm te khn bastian hian la xok om tak….tn din hmn nana ah hi cuan..bastian hian a la tluk lo ni e..tin a soitupa hian Ronaldo hi a ngaisang ltk a a ngeixok ni om tk ni..haha
An thiam vang mai2 male. a thiam lo an sawisel ngai mile. a ropui zia chu filed chhung ah kan hmu vek tho lawm.Khawvel a awm chhung chuan sawisel tu an awm reng ang.
@SinlungSuok : nia, bundesliga ah pawh hian ani hi chu a ropui leh tho ang
@ ben : dik ciah, kn khaw field ah chuan Schweinsteiger pawh hia a ropui biklo ngawt ang. in fak hle2 mai se tha tur nia .:D
Superstar a nih loh pawn star player chu a ni tho2 ang.. :-)… Schweinsteiger pawh hi kan khaw field khawkrawkah chuan U Khawmte-a, Ku Chala leh Valrawna te ho chuan an dah nil tho ang ma le.. Hehe..
Enge i ngaih ve dan?
Ti a tang hian i ngaih ang chiah hi ka ngaih dan ani.GOOD POST
An thiam vanga an sawisel ani ka ti lo theih lo kei pawh.
Khwvela league tha ber EPL ah akhel zoin a dawt La Liga ah kal leh in a ropui tual2. Engvangin nge Bundesliga-ah a ropui lo ang. Superstar dawn sa. (Ronaldo fan chu ka ni miah lo, mase thiam ka ti thlawt.)