England in Euro 2012 a an squad tur an puang tawh a, group stage-a England elpui ber tur nia lang France pawhin mi 26 awmna provisional squad an puang tawh e.

France ah hian Lique 1 a khel player 14 leh France ram pawna khel player 12 an awm a, players te hming ringawt atang pawhin Euro 2012 ah hian team chhe pawl an ni dawn lo tih a chiang. Europe club lian tak taka khel an awm nual a, Nasri, Ribery, Mexes, Evra, Malouda, Benzema te ho awmna hi tla hma lutuk lo turah ngai phawt teh ang.

France provisional squad ah hian koh tel ngei tur zing ami Younes Kaboul (Tottenham Hotspurs), Bacary Sagna (Arsenal) leh Eric Abidal (Barcelona) te chu an inhliam vangin koh tel an ni lo a. Chutihlaiin inhliam ve tho Loic Remy (Marseille) erawh koh tel a ni thung. Remy hi Euro ṭan hmain a dam hman dawn lo a, a vannei hle a nih loh chuan an match hmasa bera England nen an intum hunah pawh a khel thei lo ang.

Koh tel zingah season liamtaa club tâna che ṭha lo tak Alou Diarra (Marseille) leh Yoann Gourcuff (Lyon) an tel a. France coach Laurent Blanc chuan club tân khel ṭha lo mahse ram tan an khelh ṭhat ṭhin avanga koh tel an nih thu a sawi nghe nghe a ni. May ni 29 hmain mi 26 zinga pathumte hi chhawk leh an ni ang.

FIFA World Cup 2010 ah players leh team enkawltute inkar fuh loh avanginFrance national team an mualpho tawh a, Euro 2012 a an hlauh ber chu buai nawn leh a ni ngei ang. He ram hian Zinedine Zidane leh player ropui dangte hmangin football khawvel a lo awpbet tawh ṭhin a, A hnuaia players te hian France tlahniam mek hi Euro 2012 hmangin ropuina ramah  hi an hruaikir leh thei angem? Han en ve teh le.

Goalkeepers:
Cedric Carrasso (Bordeaux),
Hugo Lloris (Lyon),
Steve Mandanda (Marseille)

Defenders:
Gael Clichy (Manchester City/ENG),
Mathieu Debuchy (Lille),
Patrice Evra (Manchester United/ENG),
Laurent Koscielny (Arsenal/ENG),
Philippe Mexes (AC Milan/ITA),
Adil Rami (Valencia/ESP),
Anthony Reveillere (Lyon),
Mapou Yanga-Mbiwa (Montpellier)

Midfielders:
Yohan Cabaye (Newcastle United/ENG),
Alou Diarra (Marseille),
Yoann Gourcuff (Lyon),
Florent Malouda (Chelsea/ENG),
Marvin Martin (Sochaux),
Blaise Matuidi (Paris Saint-Germain),
Yann M’Vila (Rennes),
Samir Nasri (Manchester City/ENG),
Franck Ribery (Bayern Munich/GER)

Forwards:
Hatem Ben Arfa (Newcastle United/ENG),
Karim Benzema (Real Madrid/ESP),
Olivier Giroud (Montpellier),
Jeremy Menez (Paris Saint-Germain),
Loic Remy (Marseille),
Mathieu Valbuena (Marseille)