I-League champion Gokulam Kerala

Hero I-League season ngaihnawm takah league tawp ni thlengin champion thei team pathum an la awm a, a tawpah Gokulam Kerala dingchangin nomawi an chawi.

India rama football thiam tamna Kerala atanga I-League champion hmasa ber ni ta Gokulam hian anmahni ang bawka champion la beisei ve TRAU chu 4-1 in an hneh a, inkhel dangah Churchill Brothers in hnehna chang bawkin Gokulam nen an point hmuh zat inang chiah mahse head-to-head ah kum 4 chauha upa Gokulam hi an that zawk avangin an dingchang ta a ni.

Tihian Gokulam hi AFC Cup 2022 khel turin an tling bawk a, Gokulam – a khel kan Mizo player Zodingliana Ralte (Adinga) leh Lalromawia te kan lawmpui takzet a ni.

I-League 2020-21 Awards

Golden Boot: Khangembam Bidyashagar Singh (TRAU)
Golden Glove: Kiran Chemjong (RoundGlass Punjab FC)
Best Defender: Hamza Kheir (Churchill Brothers FC)
Best Midfielder: Konsam Phalguni Singh (TRAU)
Emerging Player: Emil Benny (Gokulam Kerala FC)
Best Coach: Leimapokpam Nandakumar Singh (TRAU)
Hero of the League: Khangembam Bidyashagar Singh (TRAU)