#ZoFooty
I-League Qualifiers hi 2nd Division I-League tih a ni țhin a, a khelhdan phung pawh thlak a ni fo. Hmun khata khelh vek chang a awm a, home and away hmanga khelh chang a awm bawk. A changin team te chu zone-ah țhen niin zone champion ten home and away hmangin final round an khel leh țhin bawk.
Tun țumah erawh Bangalore Football Stadium, Bengaluru-ah khelh a ni dawn a, AIFF chuan Bio Bubble hmangin fimkhur taka khelh a nih tur thu an tarlang.
October ah khelh țan a ni ang a, team 10 zinga team 7 te chu an vawikhat inlanna tur niin RA FC (Gujarat), Kenkre FC (Maharashtra) leh FC Bengaluru United (Karnataka) te erawh an lo inlan tawh a ni.
Team 10 te hi group hnihah team 5 ve ve in țhen an ni a, vawikhat țheuh an inkhelh kual hnuah a sang 2 ten final round an lut ang. Tichuan, final round lut team 4 te chu vawikhat țheuh an inkhel kual leh ang a, chuta sang ber chuan Hero I-League 2021-2022 an khel dawn a ni.
Tun hmain Aizawl FC bakah Luangmual FC, Chanmari FC leh Chhinga Veng FC te chuan 2nd Division I-League hi an lo khel tawh țhin a, Aizawl FC tih loh chu I-League-a in pet kai an la awm lo.
I-League Qualifiers khel tur team 10 te chu
Hyderya Sports FC (J&K)
Corbett FC (Uttarakhand)
Delhi FC (Delhi)
Madan Maharaj FC (Madhya Pradesh)
Rajasthan United FC (Rajasthan)
ARA FC (Gujarat)
Kenkre FC (Maharashtra)
FC Bengaluru United (Karnataka)
Kerala United FC (Kerala)
Ryntih SC (Meghalaya)
