MPL6 : CHANMARI DERBY – AH CHAK ZAWK AWM LO

H. Vanlalthlanga naute’n Lalthasiama hmanga an goal thun an hum zo lo a, vawiin tlaia Chanmari derby inkhelah Chanmari West nen 1-1 in an inhnehtawk.

An game hnuhnung pahniha chak zo lo ve ve te inkarah chak zawk an awm thei chuang lo.

Tute nge khel ?
Chanmari West XI : J.Vanlalhriata, Lalmalsawma, Lalmawizuala, H.Lalhlimpuia, Calvin Zosangliana, Lalremruata, Lalengmawia, Lalromawia, Vanlalthlamuana, Lalnunmawia (Jacob Lalrawngbawla 52′), H.Lallianzama (R.Lalthanmawia 55′)

Subs : Vanlalnghena, Lalmalsawma Hmar, Lalrintluanga, David Lalnunfela, Jacob Lalrawngbawla, JH Lallawmkima, R.Lalthanmawia, Tlangthanpuia, Lalramluaha

Chanmari FC XI : F.Lalmuanawma, Thomas Lalengkima, Joseph Lalnunpuia, C.Lalrosanga, Joe Zoherliana, Vanlalbiaa Chhangte, Joseph Lalfakzuala, Rochhingpuia (Lalmuanzuala 74′), Thasiama, Lalmuanzoa, P.C. Zosangliana (Lalnunzama 66′)

Subs : Lalmuanawma, MS Dawngliana, Lalnunzama, David Lalchhuanawma, Lalmuanawma, Lalmuanzuala, Lalruatfela, Lalmalsawma, Alex Whittemore

Inkhel chu

Chanmari in an striker rinrawl Alex Whittemore bench-ah dahin inhliam vangin Jacob Vanlalhlimpuia an chhawr thei lo bawk a, West Warriors lamah hrem vanga inlan lo Ronald Zothanzama leh bench-a thu Jacob Lalrawngbawla te chu bultan lo langsar an ni.

Inkhel tan tirh lamah ‘goal mouth action’ hmuh tur a tlem a, Rochhingpuia free-kick kal zel Chanmari forward te pet goal loh te, Thasiama pet goal sira kal leh Chanmari West captain Lalnunmawia’n box chhung atanga hun tha a hlah te chu au na tur awmchhun an ni.

Minute 33-naa Chhinga corner petah keeper tawnhriat ngah Hriata a chesual a, ball a man zet hnua a thlauh leh chu Thasiama’n remchangah la in goal-ah a thun.

Second-half ah inkhel a kang hret a, Zara’n minute 52-naa Jacob Lalrawngbawla a luhtir hnu phei chuan West Warriors an phur sawt. Thlanga’n khel tha lo zawk Joseph Faka aiin khel tha zawk Chhinga a la chhuak a, khelmual laiah Shillong Lajong midfielder hlui Jacob-a a lansarh phah.

Minute 77-naah Chhinga chhuah vanga captain armband hrengtu C.Lalrosanga a chesual a, anmahni box chhungah tuma tihbuai loh a awlsam taka ball lak mai theih chu a back volley thelh a, ball pet thiam Jacob-a’n kawh zetin an si phurh sut nan a hmang.

Hun tawp dawn hnaihah team pahnihte’n hun tha nei leh ve ve mahse goal an thun belh thei lo a, goal thun harsat pahnihte hian transfer window hawn chhungin hmatawng tha an melh a ngai niin a lang.

ZoFooty Statistics :
Chanmari West FC 1-1 Chanmari FC
Jacob Lalrawngbawla 77′ – Lalthasiama 33′

51 % Ball Possession 49%
21 Shots 15
10 On Target 7
0 Yellow Card (s) 2
0 Red Card (s) 0
MoM : Lalromawia (CWFC)

Match Officials :
Lalhriatpuia Sailo – Referee
Alvin Lalramnghaka – Asst. Referee
Lalrinhlua – Asst. Referee
Lalruatfela – Fourth Official