Indian Super League team Odisha FC striker Daniel Lalhlimpuia chu National Tobacco Control Programme, Serchhip District chuan Ambassador atan an hmang dawn.
Kan hma lawk, May 31,2020 hi World No Tobacco Day a ni a, kumin hian “Zuk leh hmuam lakah kan ṭhalaite venhim” tih thupui hman a ni ang. Ruihhlo,zuk leh hmuam lak a a insum theih rah seng mektu Serchhip tlangval Daniel-a hi Anti-Tobacco Campaign nei tur pawhin a inhmeh hle.
India senior team tan pawh a inlan tawh Daniel Lalhlimpuia pawh a phur a, “NTCP Serchhip District in Ambassador atana min sawm hi ka lawm hle mai. Program ṭha tak a ni a. Tunlâiin ruihhlo, zuk leh hmuamin kan thalai tamtak a tibuai mek a. Hêng lakah hian kan ṭhalai te leh kum naupang zâwk te an lo fihlim theihnan kan zavai a kan ṭan tlân a, theihtawp kan chhuah a pawimawh takzet a ni.” tiin a sawi.
