Brazil captain hlui leh Brazil team pawh lo enkawl tawh Dunga chuan Italy/Juventus playmaker Andrea Pirlo chu fakin Brazilian player niawm zawk ta a ni tiin a sawi. Dunga chuan “Juventus-in Brazilian player an nei a, Amauri a ni lo, Pirlo a ni. European zinga Brazilian player awmchhun leh Juventus-a Brazilian dik tak chu Pirlo hi a ni” tiin a sawi.  “Dream team siam dawn ta ila, Pirlo hi ka player lak hmasak ber tur a ni a, a teammate te’n an zah thiam a, team leader dik tak a ni. A positioning,technique,rhythm leh passing tha lutuk avang hian thiam ka ti tak zet zet a ni” tiin a sawi bawk.

Pirlo bakah hian goal.com chuan player 10 zet an khelhdan ena an ram awmna tur nizawka a rin a tarlang bawk a. Chung te chu tute nge an nih i lo en dawn ang.

10. Gennaro Gattuso – English
A hmel en ringawt pawha pa rorum tih hriat lutuk leh pa thinchhe ve tak hi a khelhdan en hi chuan English anih duh hmel khawp mai. Italian player te chu piannalh leh hmeltha tia an sawi thin, 90s chho vel phei kha chuan Mizo hmeichhia tawh phawt chuan Italy an tan phah anih kha. Inzaghi,Buffon,Nesta,R.Baggio te chu nulain an star rawn a,’The Bull’ tia an koh Gattuso hi chu a khelhdan mai bakah a hmel en ringawt hi chuan English pa rorum tak anih duh hmel zawk khawp mai.

9. Gervinho – Brazilian
Arsenal-in Lille atanga an lak thar hi a khelhdan en mai chuan Brazilian anih duh hmel khawp mai. He Ivory Coast forward/winger hi a ball khawih leh a chezia hrim hrim en chuan South American player emaw tih awl tak a ni. Skills pawh a nei tha khawp mai, Arsene Wenger-a hnuaiah hian eng ang chiahin nge hma a sawn ang aw? A sam tihdan en hi chuan Anderson-a (Man.Utd) unaupa niawm tak a ni.

8. Javier Zanetti – German
He Inter Milan full back hi kum 38 lai ni tawh mah se a khel en mai chuan kum 25 vel niawm tak a la ni. Tharum a ngah a, a khelhdan hrim hrim hi tunlai tawngkam takin a ‘man’ khawp mai. A zawna mihring hi a chhuah lo a ni ber mai. Ball a chhuah paw’n mihring tal ka dang dawn ti chi hi a ni a. He vang pawh hi aniang a upat tawh ngaihtuahin a that em em ni ! German player te hi player chak leh rorum tia sawi an ni a, an game pawh hi a mawi em em lo mahse a rum thei khawp mai. German player thenkhat nena khaikhin fo a ni.

 7. Zlatan Ibrahimovic- Italian
He Swedish pasang, ‘selfish’ tak hi player sawisel hlawh tak leh chapo ve tak a ni a. A pet goal theih em avang hian an sawisel tur ang ai hian an sawisel lo mai zawk pawh a.Feet 6 leh inches 5 zeta sang anih avang hian ball kang (air ball)-ah a hlauhawm em em a. Tin, sharp shooter tia sawi a ni bawk. Juventus leh Inter Milan-a a khelh laiin player ropui leh goal thun thei tak a ni a. Barcelona-ah erawh player tha pangai ve tak a ni thung ! Italy-ah kir lehin AC Milan-ah a khel leh a, goal pawh a thun leh nual. Serie A-ah chuan an game a muang a, defender te an tha a, an game a hmuhnawm loh tih a ni thin a. Hei vang hian ani ang player selfish leh ball ‘hold’ thei tan chuan Serie-A game hi a inhmeh ber a ni.

6. Mark Van Bommel – Balkan
Yugoslavia (Croatia, Serbia) player-te kha player thinchhia leh foul nasa thei tia sawi an ni thin a.Game khatah hian yellow pawh an hmu hnem thin khawp mai. Buaina siam an hreh lova an tumpuite pawh tihnat an hreh lo a ni. Tin, goal thun hmasa annih emaw an chak dawn hi chuan lehlam player te laka uchuak taka foul leh an concentration lak pen nana foul an hrat em em a ni. Dutch player ni mah se tul lo taka a foul hrat vang leh a game rorum ve em vang hianVan Bommel pawh hi hetiang rama khel niawm tak a ni.

5. Ramires – English
A tlanchak a, a taima a, tharum a ngah em em bawk. A hmel en hi chuan African anih hi tih theih tur a ni a, mahse tenawm khawpa ball thiam ‘Ronaldinho’ te ang bawkin Brazilian ve tho a ni a. A game en mai hi chuan English game khel chi tak a ni. Brazilian player anihna hi a lang lo a tih theih. A passing hi duh angin a tha tawk lova,Copa America-ah pawh khan ball pass sual a ngah hle a ni.  Game rum leh game rang khel chi a ni a, Champions League Quarter Final-a Manchester United an hneh lo tuma double yellow card a hmuhna te kha thil tul lo lutuk atih vang a ni. Brazilian midfielder dang te nena tehkhin chuan ani hi chu English game khel tur niawm tak a ni.

4. Fernando Torres – Brazilian
Chelsea striker hi Liverpool leh Atletico Madrid tana a khelhlai angin tuna a khelhna club ‘Chelsea’-ah hian ala ropui chiah lova. Striker tlanchak tak leh finishing nei tha tak a ni a. Mi tam tak chuan Brazilian Ronaldo vanglai ang hial te’n an sawi thin a. An tlan chak dun a, an finishing thatdun vang te pawh a ni mah na. Ball thiam tak leh skills neitha tak a ni a.Hei bakah hian amah hi a tawngtam lova, a stylish em em thung. A khelhdan en hi chuan Brazilian striker niawm tak a ni. Ronaldo, Robinbo, Ronaldinho te ho nena Brazil tana khel nise a inhmeh ngawtin a rinawm. Chelsea-ah hian eng chen nge ala khelh dawn a, a ropui zel dawn nge a zuih ral dawn tih hi tunlaia media-te chaw tui ber a ni.

3. Luca Toni – Norwegian
He Italian pasang hi ‘late bloomer’ dik tak a ni a. A upat hnuah rawn lar tha lehin khawvela striker hlauhawm ber pawl a rawn nileh a ni. A san em avang hian ball kang (air ball) leh long ball-ah a hlauhawm em em a. Winger tha leh tlanchakin ball an pek that phawt chuan goal a thun hnem a ni mai. John Carew,Jostein Flo leh Tore André Flo te pawh hi Norway player-a long ball leh air ball-a hlauhawm leh goal thun thei tak te an ni a. Hei vang hian Luca Toni khelhdan en hi chuan Norwegian player niawm tak a ni. Tunah hian Juventus-ah a khel mek a, a upa ve tawh bawk nen 1^st eleven-ah hmun a chang meuh tawh lo a ni.

2. Carlos Tevez – Dutch
Holland hi tunhma atang tawha team tha leh chhiatlai nei ngai lo ti ila kan sawi sual awm lo e. Ajax leh PSV awm chhung hi chu an chhe tak tak lovang. Player tha tak tak an thawn chhuak a, an chher chhuak reng bawk a. World Cup emaw Euro-ah pawh hian chhiat lai tak tak an nei ngai lova, player tha tak tak hlir an nei a mahse ho deuh deuhvn uihawm takin an tla leh thin a ni. Hei vang hian team tangrual lo leh inlungrual lo tia sawi an ni fo.An fighting spirit atha tawk lo tia sawisel an awm bawk.  Chuvang chuan Carlos Tevez pawh hi player talented tak leh tha tak ni mah se buaina neuh neuh a neih thin avang leh a discipline chhiat avang hian Holland team-ah a tel duh hmel ! Team boruak tichhetu a ni a, team-in a tawrh phah a ni.

1. Jose Mourinho – Argentine
Tunhma deuh kha chuan World Cup sawi hi chuan Argentina, Brazil, Italy leh Germany te hi rilruah a lo lang nghal thin. Record an nei tha a, bul tan tha lo mah se an hmawr bawkna a ropui a, an finishing a ‘tawih’ thin vang a ni. Italian historian, philosopher,writer ‘Machiavelli’ chuan “the end justifies the means” tiin a lo ziak a. Hei vang hian kawng engkimah a tawpna hi a pawimawh a, bul tan that loh paw’n a tawpna a that hi chuan mihring chu kan ropui thin a ni. Tunhma chuan Maradona a ropui thin a, tunah erawh Messi a ropui leh em em thung ! Chutiang chiah chuan Jose Mourinho pawh hi hniam te atanga tan chhovin tunah chuan a lawmman lak theih ang chu a la kim tawh khawp mai. Chak loh duh lo mi a ni a, a tul chuan midang sawisel mai pawh a hreh lo a ni.

ZoFooties te ngaihdan hriat ve a chakawm hle mai. Comment lamah sawi zui ang aw..

Source : www.goal.com