1. Artem Dzyuba (Russia)

Russian player hmalam tawngte an kum lam a upat deuh tawh vang leh an tha a zuai deuh tawh vangin Manager Dick Advocaat chuan he Spartak Moscow Striker hi a ring tawh hle a ni. Dzyuba hi 6′ 4″ a sang a ni nghe nghe a, flank lam aṭanga ball an rawn thlawh luhte chu lehlam defender-te tan lo dan a hautak hle ṭhin. Hei mai bakah hian Winger atan ala hman theih cheu bawk. Kum 23 lek ni siin tunah hian a club tan league match vawi 82 lai a khel tawh bawk.

2. Jordi Alba (Spain)

Alba hi chu mi thenkhatte chuan ka hre nual tawh maithei, mahse International lamah hmelhriat ala nei lutuk lem lova, tun hi a tan chuan hun tha tak a ni ngei ang. Valencia left defender niin tunah hian a ṭha pawl a ni bawk a, Barcelona lam pawhin an ngaihven ru hle bawk. Joan Capdevila a lo upat ve deuh tawh vang leh Manager La Furia Roja hian Vicente del Bosque a duhsak em em si loh vangin tunah hian Alba chance hi a sang hle thung.

3. John Guidetti (Sweden)

Kum 19 leka upa John Guidetti hi kan lo chhinchhiah hmaih miah loh tur pakhat pawimawh tak a ni. A khelhna mekna club Feyenoord tana a khelh tluk zeta a khel thei a nih chuan a rawn bawn vei roh viau ang. Tunah hian Manchester City atangin loanin a chhuak mek a, Eredivisie league-ah tun season hian game 21-ah goal 19 lai a thun nghe nghe tawh a, Manager Erik Hamren hian he rawlthar thang duang tak hi a chhawr lo a nih ngat chuan a tisual fu ang. Mahse, Zlatgan Ibrahimovic nen a inkawp tir vaih thung chuan EURO Team hmatawng nei tha ber an ni thung ngei ang.

4. Oleh Husyev (Ukraine)

Dynamo Kyiv tana game 249 khel tawh leh an ram Ukraine tana game 68 khel tawh Husyev hi player tha tak ni siin khawvelin kan la hre lo viau a. Player tlan chak tak, midfield tha tak a ni a, goal a thun theih bakah midang tan a siamsak tha thei em em bawk. Arsene Wenger a tawngkam takin a team khelna club engine tana oil tha tak a ni bawk.

5. Sebastian Giovinco (Italy)

Tun ami ve thung hi chu tun EURO 2012 lo awm tura player tawi ber a ni thei hial maithei. Amah hi 5’4″ a sang chauh a ni a, mipuiin a khel an hmuh tam poh leh a tet ang aiia a that zia an hmu telh telh bawk ang(Mizo player lian lutuk lo tan a CHALLENGING khawp mai). He Parma player hi Pirlo, Marchisio leh de Rossi-te hnung chiaha player tha leh pawimawh tak a ni chhoh ngei a rinawm bawk. He player tawi tak hi a tawi anga namnul mai chi a ni hauh lo bawk. A che rang a, midang sang pui pui karah a inhnawh zet zet thei reng bawk a, defender-te a chhaihbuai nasa thei hle. Guiseppe Rossi a khel theih dawn loh vangin tunah hian Manager Cesare Prandelli chuan Giovinco hi a phu tawka a kheltir a rinawm hle.