Barcelona fans kawmna kha chu kan chhiar ṭheuh tawh em e. Barcelona elpui ber Real Madrid  fans H.Lalhlupuia (Hlupuia) leh HJ Lalnunpuia (Manuna) te ZoFooty in a kawmna kan rawn chhawpchhuak leh e. A hlimawm a, a ril a, a khamawm loh ngei mai.

H. Lalhlupuia (Hlupuia)   HJ Lalnunpuia (Manuna)

ZoFooty:  A hmasain i chanchin tawite in min hrilh thei angem?

Hlupuia: Ka hming chu H.Lalhlupuia a nia,Mizoram khawchhak lama East Lungdar khuaa Pu Hauhnunpuia fapa ka ni a,naupang tê ka nih aṭanga tun thleng hian ground chhung leh pawnah football hi ka sêp peih ve reng thin.

Manuna: Ka hmingpum chu HJ Lalnunpuia ania, Manuna tiin min ko mai thin, tunah hian Maulana Azad Medical College, Delhi ah ka zir mek ani. Nuih nuam ti ve tak mi ka ni.

ZoFooty: Engtik atangin nge Real Madrid hi i ṭan? Engnge i ṭan chhan ber?

Hlupuia:Football khel hi a hmuhnawm ani tih ka hriat atangin Real Madrid hi ka ṭan nghal bur ringawt mai a ni,ka tan chhan tak hi Raul hi ni maiin ka hria.

Manuna:  Kum 2002 kum thleng kha chuan football club han ṭan em em hi ka nei lo a, a ram ang chuan Brazil hi ka ṭan ber thin. Ronaldo kha a mimal ang chuan ṭha ka ti ber bawka, khami kum khan World Cup an champion bawk nen, ka ṭan zual sauh ani ber ang chu. Khatih hunlai khan Real Madrid ah khan Ronaldo kha a kal ta a, Roberto Carlos nen khan ka ṭan phah chhan chu an ni ber mai.

ZoFooty: Cristiano Ronaldo leh Lionel Messi. Season tharah tunge ropui zawk tura i rin?

Hlupuia: Sawi thiam a har angreng khawp mai,Ronaldo hi chu ropui zawk turah chuan ka ngai. A chhan chu a physical a tha em em a,eng defender tanah pawh dan beh reng theih  ani tlat lo. A tlanchak leh ball thiamzia kan hre vek a, goal tam tak min thunsak leh ngei ka beisei!

Manuna: C.Ronaldo leh Messi han tih hian a ropui zawk sawi thiam a har hle ang. Goal chu Ronaldo a’n a thun thei mah zawk a, mahse Messi ball han chawk vel hmuh hi chuan thin hi a phu dep dep ani ber mai, amah ṭan lemlo tu tan chuan. Season tharah chuan a dán ngaitein Ronaldo a’n goal a thun leh miah miah anga, Messi a tlankual leh ball siam a ṭhat leh hle ka ring. Tunge ṭha zawk tih ah kha chuan mimal duhdan a inanglo a, ka tan chuan C.Ronaldo hi chu ka duh zawk ani.

ZoFooty: Real Madrid game i en tawhah chhinchhiah tlak i tih ber.

Hlupuia: Real Madrid khel hi chuan engtiklai mai pawh hian min pawt na em em reng a,2001-02-a Champions League title kan lak kha a chhinchhiah tlak khawp mai.

Manuna:  Real Madrid fans ruh tak ka ni e ti lo hian, India rama kan TV channel-ah hian EPL deuh chiah hi Live in regu deuha kan en theih awmchhun ani deuh mai a, Real Madrid game hrim hrim chu en loh pawh ka ngah mai. Ka en tawhah chuan nikum season Copa del Rey final kha chhinchhiahtlak ka ti khawp mai, kum 18 meuh he CUP kan chawi tawhloh hnua Ronaldo an a rawn ti goal kha , ka lawm lutuk hi ka insawhmuk vek thei zu nia.

ZoFooty: Real Madrid hian Kaka hi an la mamawhin i hria em?

Hlupuia: Mesut Ozil hi chu Kaka aiah chuan lut se chu ka ti zawk ngei mai. Mahse Canales loan-a a chhuah si chuan Ozil pressure pe tuah chuan ka la duh khawp mai.

Manuna: Eng team in nge Kaka mamawh lo ang tih ka rilru ah a rawn lut nghal. Mahse kan hmuh theuh angin last two seasons ah hian a game pangngai a phalo riau a, a kum a la upa lo bawk nen, a hrisel that chhoh chuan player pawimawh ber pawl a la ni leh ngeiin ka ring tlat ani, a class a sâng em mai.

ZoFooty: Coentrao nge Marcelo hi first XI atan i duh zok? Engnge a chhan?

Hlupuia: Fabio Coentrao te hi a khel ka la en tam lo khawp mai a,a khel ka hmuh chhunah chuan a defensive chu ṭha reuh viauin ka hria a,Marcelo thung hi attacking wing back ṭha tak a nih si avangin inluhchhawk zak zak turah ka ngai.

Manuna: Coentrao hi a defensive game ngawr ngawr ah chuan ka duh zawk. Marcelo game hi a lai ka ti khawp mai a, defence line a tihsual a neih leh zeuh hi kan tuar ngun tawh hle. Chuvangin Coentrao hian 1st eleven chu a chang ngun zawk ngeiin ka ring.

ZoFooty: Real Madrid fans i nih anga i hlim ber lai leh hrehawm i tih lai ber.

Hlupuia: El Classico-a kan chak apiang hian ka hlim em em zel mai,a ber ang zawng chuan 2006-07 season-a Barca kan hneh kha ni awm e a,Raul-a’n a score nghe nghe kha.

Nikum nipui transfer-a ka player duh ber mai pahnih,Real Madrid hmangaih em em tute Raul leh Guti an chhuak tih ka hriat khan hreawm ka ti khawp mai.

Manuna: Real Madrid fans nih hi a nuam a, mahse an champion loh hi chuan a hrehawm duh hle bawk. Nikum season-a UCL semi-final a kan chakloh dan kha ka la na ve khawp mai, Mourinho pawhin scandalous match a tih hial kha ania, ka theihnghilh tawhlo ang. A nuam ka tihlai ber chu a hmaa ka rawn sawi tawh, Copa del Rey kan champion loh rei na bera kan champion kha ka lawm khawp mai.

ZoFooty: Season tharah eng team nge hneh i châk ber?

Hlupuia: Guardiola team,Messi+Xavi+Iniesta aia hneh chak hi ka nei lo.Kan hneh ngei pawh ka ring tlat a ni.

Manuna: RM fans nih chuan kan hneh chak ber tur chu a chiang hle mai….. Barcelona ngei mai le!!!! Kan hneh ngei tawh dawn pawhin a lang, kan en danah hian, ruling party pawh an insuanluh rawih rawih lai hian an tlachhe rup duh ania!!!!!!….. RM pawh hman deuhlawka an tlakchhiat tak tak lai kha Galacticos hunlai kha ani ve tlat.

ZoFooty: I hneh chak ber team atang hian player pakhat thlang thei dawn ta la, Real Madrid-a khel turin tuge i thlan ang?

Hlupuia: Ka thlang chak lem lo khawp mai,Real Madrid kawr ha tlak tumah awmin ka hre lo!!!

Manuna: Real Madrid a khel tur chuan Puyol kan mamawh berin ka hria (a fairlo deuh na a!!), defense line lo ah hi chuan Barca ai hian kan chungnung zawk mahin ka hria, an inkhel ka en pawh khan.

ZoFooty: Tunah hian player lei belh ngai i la ti em? Eng position ah nge leibelh ngai nia i hriat?

Hlupuia: Duhthusamah chuan Alonso leh Ozil te inkara tlan tur ball pass thiam tak,taima bawk si ka la duh khawp mai.Tin, Garay kan chhuah tak siah chuan centre-half ṭha tak chu kan mamawh belhin ka hria.

Manuna: Defence leh midfield chu kan inlakbelh tha tawk tawh viau a, world class striker pakhat hi lakbelh leh theih chuan duhthusam chu ani. Rooney te hi rawn kal thut tak ang maw!!!!!! (haha).

ZoFooty: Mourinho aiin Guardiola a ṭha zawk an ti fo mai hi engnge i ngaihdan?

Hlupuia: He Barca team, an naupanlai atanga a enkawl,duhtawka a hrual puitlin ho kaihruaitu atanah bak chuan a ṭhatna ka hre lo.

Manuna: Hei hi chu zawhna chhan awlsam tak ani, FIFA hian an lo hre ber mai coach tha chu, Mourinho kha an thlang reng anih kha Coach tha ber ah. Mourinho ai hian Guardiola a tha zawk an tihfo nachhan tur chu a support system vang ani a. FC Porto te ang team langsarlo rawn European champion pui thei anih leh, kum 6 ngawt mai a zawna a team te champion pui thei anihna atang ringawt pawh hian a tha zawk chu a hriat ani, btw, STATISTIC SPEAKS.

ZoFooty: Real Madrid player (first XI) zingah hian pakhat hralhchhuah ngai ta se, tunge i hralh ang?

Hlupuia: Ka ui viau hlawma, a ngai ṭalh anih chuan Sami Khedira hi ka hralh ang.

Manuna: Diarra kha hralhchhuah ka chák ber ṭhin a, mahse coach in a hman thiam chuan a lo tangkai dawn hle mai tih ka mitin ka hmu a, hralhchhuah tur list ah ka telh ta lo. Ball a possessed ve vak lo a, a tackle a, a pass nghal zel chuan defensive midfielder ṭha ber pawl a la ni thei ang (the next Makelele!!!)….. Chuvangin tunah chuan kan ṭha tawk a, hralhchhuah tur min zawh ṭalh chuan  loan a kan lak Adebayor hi ka chhuahtir daih ang…… kan mamawh lemlo.

ZoFooty: Real Madrid player ni lo ah tunge i ṭan/duh ber a,tunge i huat/ngei ber?

Hlupuia: Real Madrid player ni loah chuan Frank Lampard hi ka duh ber, lo lut se pawh ka ti khawp mai….Tuna la khelah chuan heti tak maia Barca pan chak Fabregas leh Dani Alves hi ka haw ber. A chawl tawhah chuan Real atanga Barca pantu Luis Enrique kha ka haw hle bawk.

Manuna:  Tunlai football khawvel ah chuan Real player lo ah chuan Rooney hi a ṭha ka ti khawp mai. Big match player ani a, a zam lo lutuk leh a work rate hi ka fak khawp mai. Amaherawhchu, MANU player anih angin ṭha deuh chuan khel reng se ka ti lem lo (hahaha). Carloz Tevez hi ka ṭan pawl tak ani bawk…. PUYOL KA NGEI BER.

ZoFooty: Real Madrid i ṭan hnua player an lei tawh ah tunge an la tihfuh loh ber nia i hriat?

Hlupuia: Jonathan Woodgate kan lei ve ringawt kha fuh lo ka la ti ber,England-a ke bai(h) thin kha Spain-ah a rawn bai(h) a ni ber alawm le…

Manuna: Hei hi kan sawi hmasa lawk: Mizoram thil tawna khaw khawm a pawi ber ang in, Real thil tih ah chuan khawvela defensive midfielder ṭha ber Claude Makelele an hralh kha a pawi ber mai. Player an lei tawha an la tihfuhloh ber nia ka hriat chu Michael Owen kha ani ve tlat, a khel ropui lemlo a, leh an lei lai khan player tlachhe lam kha ani ve tawh. Nistelrooy hi kan la lei fuh ber pawl ani bawk.

ZoFooty:  Zofooty.com i hmuh dan tawite..

Hlupuia: A tha ka ti khawp mai,mizo football-a tuimite tan chuan pheichham a ni ringawt.Hmasawn zel tur leh tluang taka kal zel turin ka duhsakna ka hlan bawk a che u.

Manuna: Zofooty.com hi football a tui mi te inkawmkhawmna, in share tawnna, football chawisangna zel ni bawk si,. “tangkai si, nuam si” tih hian a sawifiah ber ang…..

ZoFooty: I hun hlu tak min pe a, kan lawm e.

Hlupuia: Keipawh ka lawm e.

Manuna: Keipawh ka lawm e….. Zofooty.com dam reng rawh se……