FOOTBALL TEAM CHUANNA THLAWHNA CHESUAL .

Brazil football team Chapecoense team chuanna mi 81 phur Colombia thlawhna chu Medellin, Colombia khaw daiah a chesual.
.15179097_1068670953260519_8970838002371893003_n
An chetsualna hmun hi a kilkhawrin a chhengchhia a, ke chauha tlawhpawh theih a nih avangin chhanchhuahna hna thawh a chak mawh hle. He thlawhna hi electric short vanga chesual niin hriat theih chinah damchhuak 13 an awm.
.
Bolivia atanga thlawk chhuak he thlawhnaah hian Brazilian Football Club thangduak tak South America khawmualpui football club te inelna sang ber dawttu Copa Sudamericana final khelh hmabak, Chapecoense football team te a phur a, an chetsualna bul lawk Medellin khawpuia club pakhat Atletico Nacional nena final first leg khel tur an ni.

Final hi nilainia khelh tura ruahman nimahse he chetsualna avang hian South American Football Confederation (Conmebol) chuan eng intihsiakna mah chhunzawm rihloh tur tiin thuchhuah a siam.
.
Thlawhna chetsualnaa tel Football Club – Chapecoense hi Brazil khawpui pakhat Chapeco-a innghat niin kum 1973 a din kha a ni a, kum 2014 khan Brazilian top division, Serie A,-ah an club chanchina a vawikhat na’n an kaisang.
.
Tunah hian league table-ah 9-na hauh mekin Copa Sudamericana (Europa League ang) semi-final ah Argentina club San Lorenzo hneh zo hlim an ni a, an phur vanglai a ni. Mahse, an hlim vanglai takin he vanduaina hi an tawk ta a ni.