AFC U-19 2012 qualifier khelh mekah India U-19 team te chuan an qualifier khelhna stadium neitu ram Iran U-19 te chu 0-3 ngawt in an hneh lo a. Mahse an game a lungawi thlak hle thung.

India awmna group ah hian India tan chuan Iran hi an huphurhawm ber a, a dawtah Uzbekistan. A bak chu hnehthei mai tura ngaih an ni. Iran an tum dawn hian khua a vawt hle a, degree 4 a vawt niin, khua a dur hle bawk a, vur te pawh a tla hial a ni. India player te tan chuan an thil tawn zen zen loh a ni. Mahse inkhelh lum nen chuan harsatna an tawk em em lo.

Iran hi an hneh hlauh chuan an tlang chiang angah angaih theih tih hre ranin Iran te hi an khel a. An khel pawh a ṭha hle. India player te anin rin hma minute 8 naah Abdollazadeh chuan Iran tan a rawn thun nghal mai a. India lam an ṭang leh hle a. Lehlam defence pawh an ṭhiat zing hle nangin an ti goal hleithei lo a, Iran center back Vahid a hi an paltlang hleithei lo a ni. India player te khel hian Iran ho lu pawh a ti hai hman khawp mai a. Mahse goal an thun hleithei lo a. 67′ ah Penalty India in a chawi leh hlauh a, Jahan chuan a pet goal leh ta si a. India tan chuan beisei san theih ber chu draw a ni tawh mai a, chu pawh vanneih tawpkhawk in ani tawh mai. 81′ ah Jahan bawk hian a rawn thun leh a. Goal dang awmlo in a tawp zui ta a, 0-3 in India hi an chaklo ta a ni. FIFA ranking a sang zawk na na na chu age level ah pawh an lo thiam zawk a ni e.

India hian ti hian game 2 ah point 3 an hmu tawh a. Ni 4 ah hian Uzbekistan an tum leh dawn a. Anni hi an hneh hlauh chuan AFC U-19 hi khel ve thei ngei turah a ngaih theih tawh ang.  Hetih lai hian India hneh tawh hnu Turkmenistan chuan Pakistan chu 2-1 in an lo hneh ve bawk.