Kan hma lawka Nehru Cup khelh tur inbuatsaihna kal mekah India National Team Camp-na hmun Jaypee Greens Atlantis, Greater Noida chu ruahin a tihbuai avangin vawiin tlai hian Bangalore Footbal Stadium, Bangalore panin an insawnchhuak dawn.

Director of the National Teams, Subhankar Mukherjee chuan, current awm ṭha tawk lo chuan an campingna hmun chu a tibuai lem lova, mahse ruahsur nasat vangin practice a har thu leh ruah hian turf a tichhe tel bawk a, hei hian ground ah tui a tling nasa a, chuvang chuan vawiin tlai hian Banglore lamah kan insuanchhuah mai a ngai dawn ta a ni, a ti a, Bangalore-ah hian ni 15-16 vel hun an hmang ang a, hemi hnu hian Delhi lam hi an pan leh theih a beisei thu a sawi bawk. Bangalore kal an tum hma hian Ambedkar Stadium an be hmasa zet a, mahse Independence Day Function hmanna tur atana ruahmanna a awm avangin Bangalore Football Stadium lam hi an pan dawn ta zawk a ni. Hetihlai hian Karnataka State Football Association (KSFA) President A.R. Khaleel chuan AIFF-te hian players leh staff zawng zawngte Bangalore panna tura thlawhna chuan man an neih a rin loh thu leh Nehru Cup khel leh tura New Delhi pan chhoh puina tur an neih a rin loh thu a sawi bawk. Sawi dik tak ang maw?

National Coach Wim Koevermans chuan India Camp zawm tur hian (probables)player 37 a thlang tawh a. Chungte chu:

Goalkeepers: Subrata Pal, Subhasish Roychowdhury, Karanjeet Singh, Arindam Bhattacharya, Gurpreet Singh Sandhu.

Defenders: Nirmal Chhetri, Denzil Franco, Nicholas Colaco, Gourmangi Singh, Gurwinder Singh, Rowilson Rodriguez, Raju Gaikwad, Khelemba Meitei, Shouvik Ghosh, Gurjinder Singh, Syed Rahim Nabi, Mohan Raj.

Midfielders: Mehtab Hossain, Adil khan, Rocus Lamare, Milan Singh, Baldeep Singh, Denson Devdas, Lalrindika Ralte, Jewel Raja, Francis Fernandes, Alwyn George, Anthony Pereira, Gilbert Oliviera, Sanju Pradhan, Clifford Miranda, Joaquim Abranches.

Forwards: Robin Singh, Sunil Chhetri, Manandeep Singh, Jeje Lalpekhlua, Sushil Singh.