Mohun Bagan Midfielder thar tur Denson Devadas chuan India Football team coach Wim Kovermans a mit tlung tura theihtawp chhuah a tum thu a sawi. Kerela lam chhul chuak season hmasa lam hlawhtling taka Prayag United tana khel chuan a club hlui chu fakin, “Indian Football kal mekah Prayag United chu team hmasawn ber pawl a ni a, kum liam ta te kha chhui kir ula, he team hian dinhmun tha tak an luahin, in unauna tha tak leh team inlungrual tak an ni.” a ti. Prayag United chu sawi chhunzawm zelin “Kum hnih liam ta te kha ngaihtuah u la, he team (Prayag United) hian theihtawp an chhuah tih a chiang a, Kolkata Club lian pahnih East Bengal leh Mohun Bagan te an elna kawngah hian an tih tak zia chu a hriat a , Bagan-a ka lo luh hian chona thar hmachhawn turin leh engtiang chiaha thui nge ka kal dawn tih in zawt chungin he hmun hi ka lo kal ni a ti bawk.”
Denson Devadas hian I-league a coach awm mek Santosh Kashyap chu fakin , “ Coach tha tak a ni a, Air India Club -in an dinhmun an luah theih chhan pawh amah vang a ni a, a that em vang a lawm tunah pawh Kolkata Club lian tak hnuaiah Coach hna tur a hmuh theih.” tiin an pu thar tur chu a fak zui bawk.
Denson Devadas hi tunah hian India Wim Koevermans -a squad puan chhin 37 zingah telin, Nehru Cup khel turin inbuatsaihna an nei mek a, he midfielder hian he hun tha hi theihtawp chhuah beih hmun chan ngei tumin tan a la a ni.
Devadas chuan, “ India Camp atan vawi khat min koh na a ni a, kum 2010 khan hetiang dinhmun hi ka chan ka lo beisei ve a, he kumah hian I-League-ah session tha tak ka hmang a, chutiangin Santosh Trophy-ah (West Bengal tan) nen , mahse vanduaithlak takin he hun tha hian min kalsan a ni .”a ti.“Engkim hian hun leh hmun a nei a, tun hun hi ka tan chuan hun tha leh hlu niin, theihtawp chhuah ka tum a, hun lo kal zel turin a hril ang chu. Kan coach tahr hi mi danglam bik a ni, mi tu pawh intluktlang taka en, duhsak bik nei lo, hmatlir zau tak nei a nih angin ka tan he hun hi theihtawpchhuah hun a ni , thil tam tak zir turin ka inpuahchah bawk ” tiin India camp-a koh anih chungchangah a Devadas sawi.
Buy cialis discount
Generic cialis next day shipping
Rindika a tluk hauh lo ang
A ngaihnawm e. Post tha khawp mai