MPL6 : CHANMARI CHUNGAH AIZAWL FC

Tute nge khel ?

Aizawl FC (4-3-3): Lalawmpuia; Lalrinzuala Khiangte, Lalhriatrenga, Masih Saighani (Ramdinsanga 77′) Lalramhmunmawia; Liandala (H.Lalbiakthanga 66′), David Lalrinmuana; Albert Zohmingmawia, Andrei Ionescu, H.Lalmuankima; William Lalnunfela (Jonathan Lalrawngbawla 72′)

Subs : Lalremruata, Ramdinsanga, Jonathan Lalrawngbawla, H.Lalbiakthanga, Lalawmpuia Hnamte, F.Lalremsanga, Rochharzela, Jonathan Lalhriatkima, K.Lalthathanga

Chanmari FC (4-4-2) : MS Dawngliana; Thomas Lalengkima, Joseph Lalnunpuia, C. Lalrosanga (C.Lalmuanawma 13′), Joe Zoherliana; Vanlalbiaa Chhangte, Joseph Lalfakzuala (Lalmuanawma 67′), Sajid, Thasiama; Jakob Vanlalhlimpuia, MC Malsawmzuala (Gani Ahammed 28′)

: C.Lalmuanawma, Lalmuanzoa, Zomuanpuia, Lalmuanawma, Gani Ahammed, Lalnunzama, F.Lalmuanawma, Lalruatfela, Lalmalsawma

Match Referee : Lalbiakhlua

Inkhel chu

Aizawl FC in inkhel bul an tan tha zawk a, Romanian midfielder Andrei Ionescu ball pek a hlauhawm teuh thei hle. Minute 13-na lekah Chanmari in an defender pawimawh C.Lalrosanga inhliam vangin an chan a, tlarhnung an siksawi a ngaih phah.

Inkhela bet zawk Thlanga naute’n goal an thun hmasa thung a, Jakoba ball pek luh chu right-back a khel Joe Zoherlianan box chhungah luhpuiin Liandalan a titlu a, Chanmari in penalty an hlawh. Penalty pet thiam MC Malsawmzuala a rawn pen chhuak a, a club thar tana a goal hmasa ber a thun.

Minute 33-naah Chanmari midfielder thar Sajid-a ball hloh chu Albert Zohmingmawian tlanpuiin box chhungah William Lalnunfela tan ball tha a pe a, Kolasib tlangval hian an siphurh sut nan a thun.

Goal an chhuah hnuah Chanmari in game awmze nei an khel thei lo a, Aizawl FC tan Mka, Albert-a leh Ionescu te an hlauhawm thei hle.

First-half tawp hma in Mka ball pek chu Ionescu chuan box chhung atangin far post-ah mawi takin a pet lut a, Europa League khel tawh goal thun atan chuan a mak hran lo e.

Second-half ah Aizawl FC bawkin nawr chhunzawmin Lalramhmunmawia (Tea) pet chu Msan tum hnih tha zetin a lo dang a, Chanmari an him hram.

Minute 65 ah Albert-a leh khel tha tak Ionescu thawhrahah William Lalnunfela a par a, 3-1 in Aizawl FC in hma an hruai.

Hun tawp dawn thlengin Paulo Menezes a nauten an nawr chhunzawm a, Albert-a leh David-a pet Msa lo dan te, Jojo-a thun loh leh Mkan a khalh tlang hnua line atanga Chanmari defender te’n an rawn then fai te chu a uiawm zual a ni.

Pune khawpui a zuk zin Chanmari player te an chau tih a hriat a, an vanduaina belh chhah turin an defender pawimawh C.Lalrosanga inhliam vangin lakchhuah a ngai. 1-0 a hma an hruai laiin first half-ah Thlangan goal thuntu MC-a lachhuakin Pune City atanga an hawh Gani Ahammed a luhtir a, he rawlthar hi khel chhe lo mahse substitution an siam hma hret niin a lang.

Tlarhnungah anmahni line ve ve a khel tha tluang tak Thomas Lalengkima leh Joe Zoherliana te phun sawn an ni a, midfield lai a thawl hle bawk. Champion lai hian tunhnaia game 5 an khelhah point 3 chauh an hlawhchhuah avangin tan lak thar an ngai hle.

Aizawl FC in an player tha thenkhat bench-ah dah mahse an khel a buai lo a, inkhel pumpui thlirin point thum hlawhchhuah an phu hle. Chutih laiin an player te finishing a tawih tawk lo a, goal thun theihna hun tha tam tak an hlah.

ZoFooty Statistics :

Aizawl FC 3-1 Chanmari FC
William Lalnunfela 33′ 65′ Andrei Ionescu 37′ – MC Malsawmzuala 20′ (pen)

57% Ball Possession 43%
23 Shots 4
14 On Target 2
3 Yellow Card 0
0 Red Card 0
MoM : Andrei Ionescu (AFC)

Powered by : Rainbow Multibrand Mobile Showroom