MPL6 : CHHINGA VENG AN TLAWM; LAMMUALAH AIZAWL FC AN LAM

Match 22 zet hneh loh nei lo a an kal hnuah Chhinga Veng FC in ngam loh an tawng a, I-League champion Aizawl FC in 2-0 in an hneh.
 
He inkhelah hian H.Lalmuankiman goal mawi bik thunin Jonathan Lalrawngbawlan mawi takin a tauh lut bawk a, Bawngkawn tlangval Mka hi man of the match atan thlan a ni.
 
Tute nge khel ?
 
Chhinga Veng FC (4-1-4-1): Zothanmawia; R.Laldinliana, Lalrinchhana Tochhawng, K.Lalthlahlova, Ramfangzauva; Lalrinchhana; MS Dawngliana (Vanlallawma 65′), R.Malsawmtluanga, Malsawmfela (Lalrammuanpuia 85′), Laldampuia; Lalkhawpuimawia
 
Subs : Laldingngheta, Vanlallawma, Lalchhuanpuia, Lalmuansanga, Lalrammuanpuia, Hmingthanmawia, Joy Mrong Kharraswai, Olawale, Lassi Adeyami
 
Aizawl FC (4-2-3-1): Avilash Paul; Lalrinzuala Khiangte, Ramdinsanga, Masih Saighani, Lalramhmunmawia; H.Lalbiakthanga (K.Lalthathanga 86′), David Lalrinmuana; Albert Zohmingmawia (Rochharzela 68′), Andrei Ionescu, H.Lalmuankima; William Lalnunfela (Jonathan Lalrawngbawla 81′)
 
Subs : Lalawmpuia Hnamte, F.Lalremsanga, Jonathan Lalrawngbawla, Rochharzela, Jonathan Lalhriatkima, K.Lalthathanga, Lalrozama Fanai, F.Liandala, Lalawmpuia
 
Match Referee : MS Dawnga
 
India champion nge nge
 
Inkhel tan tir lamah Aizawl FC in ball an chan tam bakah inkhel an thunun a, goal pawh an thun hmasa.
 
Minute 16-naah box pawn hreta Albert Zohmingmawia ball pass naran tak chu H.Lalmuankima’n Chhinga Veng keeper Zothanmawia inrin hma in a ke veilamin goal-ah a pet thut a, mawi takin a kum lut.
 
Aizawl FC tan Andrei-a’n box chhung atanga a pet chu K.Patea’n tha zetin a dang a, tlang ngat se chu a hlauhawm khawp ang.
 
Chhinga Vengin half-chance insiam zauh thin mahse goal an thun thei lo a, Zautea cross K.Patean goal kham chungah a thlawh chu a uiawm pawl a ni.
 
Hemi hnu lawk hian Zautean box chhungah Albert-a chiang takin a ti tlu a, inkhel thununtu MS Dawngan hamrik a ham lo.
 
Second-half ah Masih Saighani-an free-kick atanga ball lokal chu goal zawnah a pet thei lo a, striker ke a ball tla nise a dan a dang mahna. Hemi hnu lawk hian David Lalrinmuanan box pawn atanga a pet chu goal kham chungah a kal bawk.
 
Tlawm duh lo Chhinga Veng tan bench atanga lo lut Vanlallawman goal a thun thelh a, goal ruaka a pet chu H.Lalbiakthangan a dansak.
 
An si phurh sut tuma Chhinga Vengin tan an lak mek laiin H.Lalmuankima bawk a rawn lang a, dinglam kil atanga a ball vawrh chu Jonathan Lalrawngbawlan mawi zetin a tauh lut a, 2-0 in hun a tawp.
 
Inkhel pumpui thlirin Aizawl FC in chak an phu a, tlarhnunga an player Masih Saighani, midfielder thawkrim Bta leh goalkeeper Avilash Paul te’n ball an dang hnem hle. UEFA Pro License nei Paulo Menezes a naute hian point 19 neiin semi-final an hnaih ta hle.
 
Match 23 hnuah Chhinga Veng an tlawm ve ta a, goal zawnah vawi 9 zet pet mahse goal an thun thei lo. Nidang ang lo takin ball an hloh hnem bakah an hmatawngte ke a tawih tawk lo a, semi-final lut hmasa ber mah nise champion tur chuan hmahruaitu nih ringawt a tawk lo tih lantirtu pakhat a ni.
ZoFooty Statistics:
Chhinga Veng FC 0-2 Aizawl FC
H.Lalmuankima 16′ Jonathan Lalrawngbawla 90+4′
49% Ball Possession 51%
13 Shots 11
9 On Target 6
3 Yellow Card 3
0 Red Card 0
MoM : H.Lalmuankima (AFC)
 
Powered by : Rainbow Multibrand Mobile Showroom
(Pic : Aizawl FC)
Posted in MFA, MPL, Tualchhung.

Leave a Reply

Or