Barcelona player ‘ropui’ Lionel Messi chuan Premier League-a player ṭha a tih pathum a thlangchhuak a, heng player pathumte hi striker vek niin, Arsenal captain Robin van Persie, Manchester United innghahna Wayne Rooney leh Manchester City striker Kun Aguero te hming a sawilang.
Messi chuan, “Premier League-ah hian player ṭha tak tak an awm a, ka ṭhianpa Kun Aguero pawh hi chung zing ami chu a ni. A khelh dan hi hmuhnawm ka tih chi a ni a, ani bakah hian Rooney leh Van Persie te hi an khel ṭha em em a, anni hi Premier League-a player ṭha bik an ni.” a ti.
Premier League-a heng player pathumte khelh dan chu kan hmu ṭhin a, sawizui vak pawh ngai lovin an thiamzia chu kan hre ṭheuh awm e. Tun season-a club tâna an khelh tawh zat leh an pet goal tawh zat te han en ila, goal thuntu ropui an ni tih hai rual a ni lo. Messi record pawh dah tel a ni (an pet goal zat hi bbc.co.uk aṭanga lak a ni).
- Lionel Messi (Barcelona): 36 games, 48 goals
- Robin van Persie (Arsenal): 38 games, 33 goals
- Wayne Rooney (Man Utd): 32 games, 27 goals
- Sergio Aguero (Man City): 39 games, 21 goals
Keimah chu keimah
Messi chuan sawizawmin, “Player tin hian mahni style kan nei ṭheuh a, kan inang lo vek a ni. ” a ti.
A khelhpui tawhah tunge ṭha a tih ber tih zawhna chu player pakhat thlanchhuah harsa a tih thuin a chhang a. “Teammate ṭha tak tak ka nei ṭhin a, Ronaldinho, Deco leh Samuel Eto’o te ka khelhpui hman kha vannei ka inti a, tunah Xavi, Iniesta leh Fabregas te ka khelhpui leh a, anni zing aṭanga a ṭha ber pakhat thlanchhuah hi a harsa ka ti.
“Anni hi player ropui leh hmuhnawm tak tak vek an ni a, an bula ka khel thei hi ka lawm em em a ni.” tiin a sawi.
Messi chuan a naupan laia a khelh dan leh tuna a khelh dan chu a danglam tawh tih sawiin, “Kum 12 vel ka nih lai chuan ball ka chanin tumah ka pass ngai lova, ball ka chan loh chuan min pass turin midang ka ti ang a, pet goal kha ka rilrua lian ber a ni ṭhin.” tiin a sawi bawk.
source: bbc.co.uk
hehe, ka tawmpui ang. Messi te ang tan chuan midang fak pawh a nuam ngawt ang chu
a hre dik hlawm hle mai..:D
messi hi chu a chapo lo em a hei vang hian tum6 chu khawvel a thiam ber nihna a hauh theih k ring e #D;
@Lalthanzama vanchhawng -ka thianpa pawn Balotelli pawh aloin hope ngawt ang a ti ve asin.hehehe.
Messi hi chu a tawng chapo lo a, a proud lo bawk hi ka fakna em2 ani. Inkhel a thiam piah lama.
MESSI HI CHU ….. a fakawm ve thlawt.
Bengvarthlak hle mai. An tha hlawm bawk em a ni, Balotelli-a’n a tel ve a lo in hope ru ngawt ang chu, a tel ve der si loa.. hahahha