Premier League atangin Wolverhampton Wanderers an tla tawh a. Blackburn Rovers-in an zui ve leh ta.
Thawhtan zan khan Ewood Park-ah Blackburn chuan Wigan an lo mikhual a. Inkhelah inhnehtawk hle mahse, hun tawp hma minute 3 la awmin Wigan tan Antolin Alcaraz chuan goal a khung a. Wigan an him phah a, Blackburn an tlak phah ta thung.
Blackburn hi an dinhmun a chhe ve tawh hrim hrim a. Chak hrim hrim an mamawh a. Amaherawhchu goal an khung thei lova, an player tha Yakubu leh Morten Gamst Pedersen-te pawhin he inkhelah hian awmzia an nei thei lo a ni.
Hun rei tak goal khung lova an innawr tawn hnuah minute 87-naah Alcaraz chuan a head goal a. Blackburn chuan season tharah Championship football an khel dawn ta a. Premier League champion thei club tlem te zinga mi Blackburn an tla thla ringawt hi chu a uiawm ve khawp mai.
Hetih lai hian tla thla thei dinhmuna hun rei tak awm tawh Wigan boss Roberto Martinez chuan, “A tak pawh a la ang lo zawk. Premier League-ah kum 8 kan awmna tur a ni ve dawn ta a, a ropui khawp mai. Hun rei tak chhung a hniam pathum zinga awm chuan kan lakah pressure a sang duh khawp mai a. Mahse player-te leh chairman-te tlawm duh lohna vangin hei hi kan thleng a ni,” a ti a, amah a insawi tel duh lo.
Blackburn boss Steve Kean chuan season tharah Championship atanga Premier League-a let leh nghal thei turin a player neih sa a tam thei ang ber hum a tum thu a sawi a. ‘West Ham ang bawkin player kan neih sate a tam thei ang ber humin, experienced player kan lalut bawk ang a, Premier League-a let leh nghal kan tum dawn a ni,” a ti.
Kum 11 chhung Premier League-a an awm tawh hnuah, tun season-ah Blackburn hi an che chhe hle a. India company Venky’s in an lei a. Steve Keane ban duh lovin, kumin March ni 20 khan Sunderland an hneh a, relegation zone atangin point 6 laiin an hla hman tawh a, tifuh an inti hman. Mahse an game hnuhnung 8 ah vawi 7 lai an chak lo va. Premier League-a champion tawh zinga relegate hmasa ber niin, 1999 khan Championship lamah an tla thla a. 2000-2001 season-ah lo let lehin, tunah an tla thla leh ta a ni.
cialis black
online cialis
cost of cialis
cialis daily cost
Blackburn meuh han tla cu an va gaiwm dwn vug vug ve aw..rwn kir leh ghal mai an wma,kir leh ta lwklo te,a ai hniama twlhthla ta zel te pwh an wm thina..anni hi egtak ag zel ag maw aw..rwn kir leh vat teh se..mihausa ina lei ve si player thar lwk deuh an la lo ve em ani..
Blackburn chu an va uihawm don ve le, an vanglai te kha chuan an that theih phian kha maw, hetiang em em hian club hi a tlakchhiat theh ang tih pawh hi ka ring ngai lo a sin mawle.
Tge w kn t lh te’ng,chmpnshp div playoff tekha post ava wmlo vele,fnal atn in khek hlwm ge ni,rslt hriat hnu pn mi ril in in jiah gei hn ciar lh sak hyan a nemghet riau thn asn le
Kan vengpa te(ti ve maiag) archaw tha chi in a chhanhim jo talo cu nia,an uiwm khp mai,ne an twlhsag hman viau naa a pumpui thlir cuan season an hmangchhe lulai m atin nie
Blackburn chu an va uihawm dawn ve aw.. An sawi ang deuhvn “from ronaldinho to Relegation” nimaw.. Steve Keane an ban duh si lova a pawi a ni, Chu aia pawi chu Relegation zone atanga an chhuah khan an zuzi leh atin ni. han tang rei deuh se nitur nia.. pawi khawp mai. TU in nge blackburn hi zui ang aw???