Carling Cup Final 2012 :

England ram a knockout Tournament lian, team tinte telna Carling Cup Final chu Wembley Stadium ah Cardiff City leh Liverpool ten an khel dawn a. He tournament hi FA Cup aia ngaihhlut loh zawk ni thin mahse tun hnaiah pawisain Inkhel a thunun ta em em a, chuvangin team tin ten hlawhtlinna teh nan Cup chawi an duh vek a, kum in League Cup ah phei chuan Club tin ten an player tha te an khelhtir nasa hle a nih kha. Chawimawina Nopui dawn theih chu hlawhtlinna a nih miau avang leh Football hlutna hi sum chelek ah a innghah thui tak viau vang te pawh a ni thei ang.

Carling Cup final

Venue: Wembley Stadium
Date: Sunday 26 February, 9:30 IST Live : Ten ACTION
MATCH OFFICIALS
Referee: Mark Clattenburg
Assistant referees: Simon Beck and Mick McDonough
Fourth official: Anthony Taylor

Wembley zin kawng :

League Cup Final thleng tur hian Cardiff City hian zinkawng harsa lutuk lo an kal ti ila kan sawi sual awm lo ve!!An fixture a fuh ang reng hle a, Premier League team zing ah Blackburn chiah an tum a,a bak zawng chu division hnuai lam vek an ni thung. Liverpool erawh 4th Round atang in Premier League ah pawh team tha, top ten a awm an tum a Stoke City, Chelsea leh Man City te an zin kawngah an awm a ni.

Inkhel tur thlir ang :

Liverpool hian FA Cup 2006 an lak hnu ah Cup engmah an la chawi leh ta lo a, 2007 ah UCL Final ah AC Milan an hnehloh hnuah phei chuan chuai lam an pan a tih theih ber. An manager te thlak in, player te pawh tam tak an hralh a, tam tak an lakluh belh bawk. Ṭhat lam pan hleithei lo a an awm mek laiin, an player leh manager lo ni tawh Kenny Dalglish chu nikum January khan an ko kir leh a, tun dinhmun ah hian a rawn hruai thleng leh ta a ni. Liverpool hi League Cup ah hian hnuhma nei tha ber ni in vawi 7 an champion tawh a, final vawi 3 an lo chak lo tawh bawk.

Cardiff City hian 1927 ah FA Cup an lak tih bak chu hnuhma lian tham an la nei vak lo a, League Cup ah hian final an luh vawi khatna a ni bawk. Tunah hian Championship division ah pangana ah awm mek in an game hnuhnung 10 ah vawi 4 chak , vawi 3 draw, vawi 3 chakloh an nei bawk.

Liverpool leh Cardiff City hi an lo intum tawh na record ah chuan Cardiff vawi 18 an chak tawh a , Liverpool vawi 9 leh draw 3 a lo awm tawh a. Hemi te team inkhel vawi 29 match ah hian goal 95 lut tawh in match tin ah 3.2 goal lut ziah ang a ni a, match tin ah goal luh miah loh ṭum a la awm lo a ni!! An intum hnuhnun ber chu 2007 FA Cup 4th Round ah ni in Liverpool in 2-1 in Cardiff an hneh a ni.

Liverpool team ah hian inhliam Lucas tihloh chu an khel thei tur a ngaih a ni a, Agger inhliam pawh a dam leh tawh tur a beisei a ni. Cardiff City lam ah an keeper Tom Heaton chu khel thei tur a beisei a ni a, an captain Mark Hudson  leh Stephen McPhail inhliam te erawh an chiang lo thung. Craig Bellamy chuan a club hlui a hma chhawn dawn a. Liverpool captain Steven Gerrard lo dang tur in a cousin Anthony Gerrard chu Cardiff City defender ah a lo tang ang.

Liverpool tan he final hi game pawimawh tak ani dawn a, Premier League ah champion an in beisei tawh lo va,Champions League khel tur in Newcastle, Chelsea, Arsenal leh Tottenham te nen 3 leh 4 dinhmun an inchuh chho mek zel a, UCL bawm a tawt tawh hle. Amaherawhchu, League Cup an champion hlauh chuan player te ah inrintawkna a pe nasa hle tur a beisei a ni a, chuvangin Premier League an khelh leh na tur atan a tangkai dawn hle a ni. Cardiff City tan pawh Premier League team ni lo Final thleng an ni a, an chak chuan hlawhtlinna ropui tak a ni ngei ang. Tin, Premier League kai phak tuma tan la mek an ni bawk a, nikum lam ah te an lo vanduai tawh a, kumin a League khelh zel turah pawh hmasawnna a pe ngei in a rinawm. Inkhel hmuhnawm tak a beisei theih awm e.