Chelsea leh Samsung chu 2015 thleng sponsorship ah an inthurual in contract an sign thar leh ta. Chelsea jersey hma a Samsung tih an tarlan vang hian Samsung company chuan season khatah pound 18ml a pe thin dawn a ni. South Korea lam Electronics company lian Samsung chuan “Chelsea nen a kan thawh ho na hi kan thlir hnu in 2015 May thleng tawh ho na sign leh tha kan ti a ni” ti in European champion thar hi an product te tilar tur in an la duh a ni.
.
Samsung hi tunhnai ah Smartphone leh Tablet siam chhuah chungchang ah Apple nen an inkhinna ah chaklo zawk ah an tang a, dollar 1 billion lai chawi tur an ni a, chuti chung chuan an tlak chhiah phah lo tih chu a hriat hle mai awm e. Chelsea jersey hma ah season 2 dang chu a la chuang zel dawn tihna a ni ta a ni.

Chelsea : European Club of the Year
European Club Association ten an thlan thin European Club of the Year (2011-12) ah Chelsea chu tlan chhuah an ni. ECA Awards sem ah hemi nih na hi UCL leh FA Champion Chelsea hian an dawng . Season hmasa ah Chelsea kan hriat ang in chhetthat leh thatloh inkar ah an awm chho a, an manager Adre Villas Boas an ban a, League ah phei chuan 6-na an ni phak tawk a, chu tih laiin FA Cup leh UCL ah te an bitum te hneh chho zel in, tun an an manager ni ta Di Metteo hnuaiah season ropui takin khar ta a nih kha. European Champion an ni a, European Club of the year an ni leh ta bawk a ni