MFA Premier League lo awm turah Mizoram-a club lian ten players an in chuh nasa tan hle mai. He tournament lo awm tur hi Mizoram football tournament-a sum tam na ber tur anih angin footballer, football tuipuite leh ngainatute chuan an ngaihven hle a. Chutihrual chuan Club official te pawh an che nasa tawh hle a ni.

Aizawl FC, Luangmual FC, FC kulikawn leh Dinthar FC te’n tan an la nasa hle a. Hemi piah lamah hian Chanmari FC chuan Red ribbon -a an players te chelh vek an tum tih thawm hriat a ni bawk. Chelh thei tak maw? AFC in pawisa an ui lova, an players thenkhat chhuah tirin players thar an inlakbelh mek niin an club Offcial te hnen atanga thudawn a ni. R.S Annexe an rawn inlar dawn bawk a, sum an ren lova, players thar tam tak an seng lut mek niin thu dawn a ni. Dinthar FC chuan mi 8 thar hlak an la lut tawh bawk a ni. Dinthar FC Coach Zara’n attacking leh defensive ah chuan eng team mah ka huphurh lo a ti tan der ta mai le ! Club dang pawh rawn tarlan tum zel a ni.

Dinthar FC Players thar kan hriat theih te
1. Zico zoremsanga – Southern samity
2. Samuel Laltlanthanga – FC kulikawn.
3. Lalnunmawia – Lajong FC
4. Ronald Zothanzama – Lajong FC
5. B.Lalchhanchhuaha – Dinthar (a nghet tawh ang)
6. R.Laldanmawia – 1st MAP Academy
7. Malsawma – Luangmual FC
8. Buangpuia – Luangmual FC.