AIFF chuan Savio Medira chu National Football Team Coach atan a ruat a, May 2012 thleng contract a ziah pui a ni. Savio Medira hi National team-ah hian a mikhual lo hle a, National team coach hlui Bob Houghton leh Armando Colcaco-te assistant thin a ni. Experience pawh a nei tha hle tura ngaih a ni.

Coach atanga Colcaco ban hnu khan tuna Salgaocar SC coach, Moroccan coah Karim Bencharifa hi  India team enkawl tura rinkai ber a ni a. Mahse Salgaocar SC-ah hian contract ala nei bawk nen AIFF sawmna hi a hnawl ta a ni. Hemi hnu hian Pailan Arrows technical director Sukhwinder Singh hming a ri leh a, mahse ’Sukhi’ hian AFC ‘A’ license a lo nei lova, hei vang hian India national football team coach a ni thei ta lo a ni. Hemi anih tak avang hian India team-a mikhual lo tak Savio Medira chu ruat a ni ta a ni.

AIFF lam hian Technical Director atan Rob Baan (Netherlands) an lo lak tawh avangin pawisa tam tak an lo seng tawh a. Chuvang chuan National team coach atan hi chuan foreigner man to tak lak an tum tawh lo a ni. Technical Director Rob Baan-a hnuaiah youth development, grassroot football, infrastructure leh coaching lam tih changtlun leh hmasawn an tum zawk a ni.

Savio Medira chuan” Head coach nih hi a lawmawmin chawimawina sang tak ni hialin ka hria a. Mawhphurna ka nei sang hle a. Challenge thar a ni dawn a, a chak pawh ka chak khawp mai” a ti

National Team te hian tun thla, November ni-13 leh ni-16  hian Guwahati leh Kolkata-ah Malaysia nen friendly match an khel dawn a.Hemi chungchanga zawhna chhangin” Team inphuahchah nan hun ala tam a, players te pawh an rawn phur thar ka ring” a ti bawk a ni.

Friendly match atan hian players 27 a thlang chhuak a. Mizo players pawh pahnih ngawt an tel leh a. Tunhnaia club tana chetha tak Jeje-a leh Lalrindika Ralte te chu an tel leh a ni. Squad i lo thlir ang –

Goalkeepers: Gurpreet Singh Sandhu, Karanjit Singh, Subhashish Roy Chowdhury.

Defenders: Raju Eknath Gaikwad, Jaspal, Sameer Naik, Mahesh Gawli, Debabrata Roy, Anwar Ali, Syed Rahim Nabi, Gouramangi Singh.

Midfielders:  Mehtab Hossain, Baldeep Singh, Rocus Lamare, Mehrajuddin Wadoo, Francis Fernandes, Climax Lawrence, Anthony Periera, Clifford Reyes Miranda, Jewel Shaik Raja, Steven Benedict Dias, Lalrindika Ralte.

Forwards: Baljit Singh Sahni, Jeje Lalpekhlua, Sushil Singh, Joaquim Abranches, Sunil Chhetri.

OFFICIALS:

Head Coach: Savio Medeira

Assistant Coach: Marcus Pacheco

Manager: Mandar Tamhane

Doctor: Sandeep Kumar

Massuer: Liaqat Ali