23rd August 2012 atanga tan tur, Nehru Cup khelh turah India Coach thar Wim Koevermans chuan players 37 a ko chhin a, heng a players thlante hi tun thla ni 27 a India Camp a in report tur a tih an ni.

Heng zingah hian tun hnaia AFC U-22 Qualifiers khel zawh tak atangin players pasarih ngawt a ko tel a. Mizo tlangval pahnih, Striker Jeje Lalpekhlua leh Midfielder Lalrindika Ralte te pawh koh chhin zingah hian an tel bawk. Coach thar Koevermans chuan “Nehru Cup inbuatsaihna atan players tha tak tak duh thlan tur ka hmu hi ka lawm hle a, anni ho leh staff dangte nen tha taka kan thawh hova, hmasawnna duhawm tak kan neih ngei ka beisei a ni ” a ti a. Tin, Koevermans  hian sawi chhunzawm zelin “AFC U-22, Muscat a khelh zawh takah khan players te ankhel thain an game a hmuhnawm em em a, chuvangin India Senior team a khel turin thenkhat te hi koh tel a thain ka hria a, senior team players-te nen an khelh ho dan thlir a, an hmasawnna te enchhin a chakawm hle.” a ti bawk.

Tuna players 37 thlan chhuahte hi Nehru Cup khelh huna India ram tana khel ngei ngei tur an ni lova, players 37 atang hian mi engemaw zah paih anni leh dawn a, a tawpah India ram aiawha khel turte hi puan chhuah anni dawn chauh a ni. Tuna kan Mizo tlangval pahnih te erawh Nehru Cup khel thei ngei tura an tlin chhoh nan duhsakna ZoFooty ai awhin ka hlan duh a ni.

India probables squads te chu :-

GOALKEEPERS: Subrata Paul, Subhasish Roychowdhury,  Karanjit Singh, Arindam Bhattacharya, Gurpreet Singh Sandhu.

DEFENDERS: Nirmal Chettri, Denzil Franco, Nicolas Colaco, Gouramangi Moirangthem, Gurwinder Singh,  Rowilson Rodriguez, Raju Gaikwad, Khelemba Meitei, Shouvik Ghosh, Gurjinder Singh, Syed Rahim Nabi, Mohan Raj.

MIDFIELDERS: Mehtab Hussain, Adil Khan, Rocus Lamare, Milan Singh, Baldeep Singh, Denson Devdas, Lalrindika Ralte, Jewel Raja, Francis Fernandes, Alwyn George, Anthony Pereira, Gilbert Oliviera, Sanju Pradhan, Clifford Miranda.

FORWARDS: Robin Singh, Sunil Chhetri, Manandeep Singh, Jeje Lalpekhlua, Sushil Singh, Joaquim Abranches.