India tan AFC U-22 Asian Cup-ah hmun a awm ve ta lo !

AFC U-22 Qualifiers pawh tluang takin khelh zawh a ni ta a. India chuan an match hnuhnung ber, nizan (3th July)-a khelhah a thlengtu Oman chu 4-0 ngawta hneh lovin AFC U-22 Asian Cup atan an in pet tling zo ta lo a ni. An group atang hian United Arab Emirates (UAE) leh Iraq an lut ang.

Inkhelh hma chanchin
India hi Group A-ah awmin an group-ah hian ram paruk an awm a. Heng ho hi vawikhat theuh an inkhel chhuak a, chuta a sang pahnih te chiahin an qualify dawn a ni. Match hnuhnung ber khelh hma hian UAE, Iraq leh India chu la qualify thei vek an ni a. India leh Oman an intum ang a, UAE leh Iraq an intum thung dawn a. Iraq leh India hi an chak ve ve chuan India leh Iraq an lut dawn a, UAE leh Iraq hi an in draw hlauh chuan UAE leh Iraq hi an lut thung dawn a ni.

Chutiang tehnuaih anih avang chuan India hi chak ringawt mah se UAE leh Iraq hi an in draw hlauh chuan India an tla dawn thova. Hemi anih avang hian AIFF lam paw’n Oman nena an inkhelh hun chu UAE leh Iraq inkhelh hun nena inang turin AFC hnenah an thehlut a. Pawmsak an ni a, a rualin an khel ta a ni.

India hian Narayan Das leh Tirthankar Sarkar chu double yellow card vangin an chhawr thei lova.  Tin, Jeje-a pawh a la fit tawk loh avangin bench-ah a thu a ni. 4-2-3-1 formation tho an rawn hmang leh a ni.

Tute nge khel?
Goalkeeper : Gurpreet Singh Sandhu (Captain)

Defenders : Vishal Kumar (Abhishek Das – 71’),Souvik Ghosh, Prathamesh Maulingkar, Pritam Kotal

Midfielders:Milan Singh, Pranoy Haldar (Deepak Prakash – 82’), Romeo Fernandes (Jeje Lalpekhlua – 64’), Alwyn George, Lalrindika Ralte

Striker : Manandeep Singh.

First half-ah India an vanduai
India hi Coach thar Arthur Papas hnuaiah harhtharna an chang a, beisei leh rin phak bakin an rawn kheltha a. Hun rei lote chhung chauh an practice nain hmuh theih khawpin hma an sawn a ni.

Inkhelh tantirh atang India hi an tang nghal a. Iraq an chak emaw chak lo emaw Oman hi hneh hrim hrim an tum a ni. Bul pawh an tan tha a, khelh pawh an kheltha hle. Didika leh Alwyn bawk kan hmu tam leh a. Didika freekick atang India-in goal an thun thelh a. Minute 21 chauh a la ni a, India striker pasang Manandeep Singh chuan chance tha tak a nei a, Oman goalkeeper Mazin Masud chuan a lo dang out hman hlauh a ni. Minute 30 naah Manandeep Singh tho hian chance a nei leh a, mahse keeper chuan a lo dang leh hman a ni.

Oman tan hian kum 19 chauhva upa Raed Ibrahim chu a kheltha hle a,India defender te a chhaihbuai hneh hle a ni. Raed Ibrahim hian Oman Senior team-ah a khel tawh a ni. India lam hian game an thunun a, an hneh zawk a, a pawimawh ber goal erawh an thun thei lo a ni. India playmaker Alwyn paw’n chance a nei a. Minute 43 naa a back-volley chu a out hlauh a ni. Goal a lut lova. Half time a ni zui mai a.

Second half-ah beiseina beidawnthlak
An ruala inkhel ve UAE leh Iraq te chu an la in draw mek a. Hetiang anih chuan India hi chak mah se an tlang dawn chuang lo a ni. Mahse India lam hian an theihtawp an chhuah a. An beidawng duh lova, an nawr tang tang a ni.

Second half an tan leh a. Bul an tan tha leh viau a mahse rei an khel rei deuhva, an game a buai chho tan a. Oman game-ah an lut a. Oman lam hian counter attack atang ho takin an rawn ti goal a. Minute 54 naah Oman player Abdullah Saleh chuan Hamood Saleh tan ball tha tak a pe a, Abdullah Saleh hian a lo ti goal a ni.  Abdullah Saleh hian hemi hnu lawk hian post a head per leh nghe nghe.

India lam hian chak an tum a. Romeo Fernandes lachhuakin Captain Jeje-a an luhtir a. Mahse awmzia a nei thui lo. Nawr viau mah se counter attack-ah Oman an ngam lo leh thin a. Minute 67 naah Faed Ibrahim chuan Oman tan a rawn ti goal leh a. India tan chuan a beidawnthlak ta hle a ni. Beiseina beidawnthlak dik tak a ni awm e.  India hian Manandeep Singh hman bawkin chance an nei leh a. Corner atanga Didika cross tha ak chu Manandeep hian a lo head out hlauh a ni.

India beidawnna tizual turin Oman lamin penalty an hmu a. Pranay Halder chuan Badar Nasib a titlu a. India keeper Gurpreet Singh chuan a lo save hlauh a mahse ball per chu Saleh Hadid chuan a ti goal tho a ni. India tan beisei tur a awm tawh lova. Minute 87 naah Jejea’n chance a nei a mahse keeper-in a lo save hman leh chiah chiah bawk a ni. Heta tanga ball chhuak chu Oman lam hian Mubarak Humaid hmangin an ti goal a ni. Hun tawp zui deuh mai a, UAE leh Iraq an in draw avangin Oman hi chak mah se an qualified ta  lo a ni.

Sawi zui ang

  • India hi chak pawh ni se Iraq leh UAE an in draw miau avangin an qualify dawn chuang lo a ni.
  • India team hian qualify lo mah se AIFF hotute chu an lawm tho a ni. An beisei baka thaa an khelh thin vang a ni.
  • AFC U-22 qualifiers khel turte chu Group 7 ah then an ni a. Group tinah hian ram 6 ang vel zel an awm a. Vawikhat theuh an intum a, a sang ber 2 chauh an lut zel a ni.
  • Heng ram te hian an qualified tawh a ni : Group A – Iraq & UAE, Group B – Saudi Arabia & Syria, Group C – Iran & Kuwait, Group D – Jordan, Group G – South Korea & Myanmar, Group F – North Korea & China. Group D (Jordan an tling tawh) leh Group E atang te hian lut tur a la chiang lo a ni.
  • Mynamar team-ah hian over-age an awm avangin AFC lamin an disqualified mai thei a ni.
  • AFC U-22 Asian Cup hi June 23- July 7, 2013-a khelh tura tih a ni a mahse January 11-26, 2014 atan sawn leh zawk a ni. A thlengtu tur hi tihchian a la ni lo bawk.

Enge an sawi?

  • ZoFooty chuan Jeje-a leh Didika kan be fuh leh hlauh a. Jeje-a chuan “Min lo tawngtaipui thin naah lawmthu ka sawi duh a. Ka ui khawp mai tih bak lo chu sawi tur ka hre lo. Mahse kan performance ka thlir letin ka lawm tho e. Rei lo te chhung chauh kan camp a, rin aiin ka nkhel zawk ka ti. Kan khelh leh zelna turah pawh min lo tawngtaipui chhunzawm zel ula tiin ka chah duh che u a. Kei phei chu inhliam dam hlim ka ni a. Ka la fit tawk lova, chuvang chuan ka khelh chhoh zelna turah pawh min lo tawngtaipui zel turin Mizo mipui zawng zawng ka ngen duh a ni” tiin ZoFooty a hrilh.
  • Didika chuan “Min lo tawngtaipui naah lawmthu ka sawi duh a. Vawiin kan chak lo erawh pawi ka ti hle. First half kan khelhtha a, kan chak pawh kan ring a, midang paw’n an ring vek. Mahse, second half-ah ho deuh deuhvn counter attack atang an rawn ti goal zel a,kan chak loh phah ta a ni. Kan kal leh zelna turah pawh min tawngtaipui chhunzawm turin ka chah duh cheu a ni” tiin ZoFooty a hrilh ve bawk.

14 thoughts on “India tan AFC U-22 Asian Cup-ah hmun a awm ve ta lo !

  1. Pingback: cialis 5mg price

  2. Pingback: Best price for cialis

  3. Lalthanzama Vanchhawng Post author

    @dustin : iti lawmawm e. Enge emawni kan an dawn ni.. Nangpawh hi tum mumal nei tak chu iniin ka hre ve tho asin. Thalai te hian kan thiamna leh theihna te hi ram tan hman kan tum lo thin hi a pawi a ni..

  4. Dustin Sampler14

    @Zama, fak phu hi chu fak mawlh mawlh mai tur. Keini chu kan tui vang mai mai a ziak/chhiar/en kan ni. Nang erawh chu tum mumal tak neiin iti tih ka chiang. Vawiinah kan college-ah USA atangin Holy Cross father pakhat a rawn kala, heti hian a thu sawinaah a sawi, “Reliance neitupa nen NY ah kan inhmu hlauh mai a, ani chuan Reliance hmachhawp te min hrilh in, India chungchang tlem a sawi bawk. India hmasawn theih dan hi ka ngaihtuah reng thin a, mahse engkima hmasawn tur chuan thalai mithiam tak tak te hi kan mamawh a ni,” ati. A challenging khawp mai. Thalai ten kan thiamna ram hmasawnna atana kan hman a hun tawh khawp mai.

  5. Lalthanzama Vanchhawng Post author

    @dustin : iti mah mah lo maw? iti zahthlak e mai. hahaha I sawi hi a dik chiah. kan working system hi a ngaihna awm lo. Hmanni U-22 camp ka va chhim atang khan ka hre ve nual, mumal lo lutuk.. ATTITUDE problems pawh a ni khawp mai.

  6. Dustin Sampler14

    ‘Zama’ tih leh ‘India U-22’ tih leh ‘jeje & Didika te pawh…’ tih hi an inhmeh tlat tawh 🙂 Ani hi chu Indian + Mizo football promoter diktak a ni. Jeje-a kha Rangers-ah khan lo khel ta se, bbc.co.uk, ESPNSTAR, etc.. velah ‘Jeje-a agent Lalthanzama chuan…’ tih vel kan hmu nual in ka ring 🙂

    India chu kan hmanhmawh thin lutuk hi kan chhiatna chu a ni. Manager tha deuh deuh te pawh hi India-a an awm tirh hi chuan an tha ve viauva, mahse Indian working system leh thil dangte hian an rei deuhhlek hian a ti chhe leh vek thin in ka hria. Manager ni lovin kan ATTITUDE hi kan thlak hmasak phawt a ngaiin ka hria. Ka lawm e.

  7. Valpuia

    Jejea dam kawr ( fit tawk lo) chu pawi hle mai. Didika fakawm thei hle mai. Hun tha lain her chhuak ngei ang..

  8. Cleverley VRT

    A va pawi ve aw, kan tla reng bik lovang, tlin ni chu kan nei ve em em ang. Tlem tlem hian hma han sawn ve zel phawt ila.

  9. bawmrang

    Burma chu an in pet kai ta der mai. Southeast a tang in pet kai hmasa ber an ni.
    Over-age an awm chu ka lo ring ru deuh reng reng a. An awm tak tak a nih chuan paihthla ngei se ka duh khawp mai.

Leave a Reply

India tan AFC U-22 Asian Cup-ah hmun a awm ve ta lo !

AFC U-22 Qualifiers pawh tluang takin khelh zawh a ni ta a. India chuan an match hnuhnung ber, nizan (3th July)-a khelhah a thlengtu Oman chu 4-0 ngawta hneh lovin AFC U-22 Asian Cup atan an in pet tling zo ta lo a ni. An group atang hian United Arab Emirates (UAE) leh Iraq an lut ang.

Inkhelh hma chanchin

India hi Group A-ah awmin an group-ah hian ram paruk an awm a. Heng ho hi vawikhat theuh an inkhel chhuak a, chuta a sang pahnih te chiahin an qualify dawn a ni. Match hnuhnung ber khelh hma hian UAE, Iraq leh India chu la qualify thei vek an ni a. India leh Oman an intum ang a, UAE leh Iraq an intum thung dawn a. Iraq leh India hi an chak ve ve chuan India leh Iraq an lut dawn a, UAE leh Iraq hi an in draw hlauh chuan UAE leh Iraq hi an lut thung dawn a ni.

Chutiang tehnuaih anih avang chuan India hi chak ringawt mah se UAE leh Iraq hi an in draw hlauh chuan India an tla dawn thova. Hemi anih avang hian AIFF lam paw’n Oman nena an inkhelh hun chu UAE leh Iraq inkhelh hun nena inang turin AFC hnenah an thehlut a. Pawmsak an ni a, a rualin an khel ta a ni.

India hian Narayan Das leh Tirthankar Sarkar chu double yellow card vangin an chhawr thei lova.  Tin, Jeje-a pawh a la fit tawk loh avangin bench-ah a thu a ni. 4-2-3-1 formation tho an rawn hmang leh a ni.

Tute nge khel?

Goalkeeper : Gurpreet Singh Sandhu (Captain)

Defenders : Vishal Kumar (Abhishek Das – 71’),Souvik Ghosh, Prathamesh Maulingkar, Pritam Kotal

Midfielders:Milan Singh, Pranoy Haldar (Deepak Prakash – 82’), Romeo Fernandes (Jeje Lalpekhlua – 64’), Alwyn George, Lalrindika Ralte

Striker : Manandeep Singh.

First half-ah India an vanduai

India hi Coach thar Arthur Papas hnuaiah harhtharna an chang a, beisei leh rin phak bakin an rawn kheltha a. Hun rei lote chhung chauh an practice nain hmuh theih khawpin hma an sawn a ni.

Inkhelh tantirh atang India hi an tang nghal a. Iraq an chak emaw chak lo emaw Oman hi hneh hrim hrim an tum a ni. Bul pawh an tan tha a, khelh pawh an kheltha hle. Didika leh Alwyn bawk kan hmu tam leh a. Didika freekick atang India-in goal an thun thelh a. Minute 21 chauh a la ni a, India striker pasang Manandeep Singh chuan chance tha tak a nei a, Oman goalkeeper Mazin Masud chuan a lo dang out hman hlauh a ni. Minute 30 naah Manandeep Singh tho hian chance a nei leh a, mahse keeper chuan a lo dang leh hman a ni.

Oman tan hian kum 19 chauhva upa Raed Ibrahim chu a kheltha hle a,India defender te a chhaihbuai hneh hle a ni. Raed Ibrahim hian Oman Senior team-ah a khel tawh a ni. India lam hian game an thunun a, an hneh zawk a, a pawimawh ber goal erawh an thun thei lo a ni. India playmaker Alwyn paw’n chance a nei a. Minute 43 naa a back-volley chu a out hlauh a ni. Goal a lut lova. Half time a ni zui mai a.

Second half-ah beiseina beidawnthlak

An ruala inkhel ve UAE leh Iraq te chu an la in draw mek a. Hetiang anih chuan India hi chak mah se an tlang dawn chuang lo a ni. Mahse India lam hian an theihtawp an chhuah a. An beidawng duh lova, an nawr tang tang a ni.

Second half an tan leh a. Bul an tan tha leh viau a mahse rei an khel rei deuhva, an game a buai chho tan a. Oman game-ah an lut a. Oman lam hian counter attack atang ho takin an rawn ti goal a. Minute 54 naah Oman player Abdullah Saleh chuan Hamood Saleh tan ball tha tak a pe a, Abdullah Saleh hian a lo ti goal a ni.  Abdullah Saleh hian hemi hnu lawk hian post a head per leh nghe nghe.

India lam hian chak an tum a. Romeo Fernandes lachhuakin Captain Jeje-a an luhtir a. Mahse awmzia a nei thui lo. Nawr viau mah se counter attack-ah Oman an ngam lo leh thin a. Minute 67 naah Faed Ibrahim chuan Oman tan a rawn ti goal leh a. India tan chuan a beidawnthlak ta hle a ni. Beiseina beidawnthlak dik tak a ni awm e.  India hian Manandeep Singh hman bawkin chance an nei leh a. Corner atanga Didika cross tha ak chu Manandeep hian a lo head out hlauh a ni.

India beidawnna tizual turin Oman lamin penalty an hmu a. Pranay Halder chuan Badar Nasib a titlu a. India keeper Gurpreet Singh chuan a lo save hlauh a mahse ball per chu Saleh Hadid chuan a ti goal tho a ni. India tan beisei tur a awm tawh lova. Minute 87 naah Jejea’n chance a nei a mahse keeper-in a lo save hman leh chiah chiah bawk a ni. Heta tanga ball chhuak chu Oman lam hian Mubarak Humaid hmangin an ti goal a ni. Hun tawp zui deuh mai a, UAE leh Iraq an in draw avangin Oman hi chak mah se an qualified ta  lo a ni.

Sawi zui ang

  • India hi chak pawh ni se Iraq leh UAE an in draw miau avangin an qualify dawn chuang lo a ni.
  • India team hian qualify lo mah se AIFF hotute chu an lawm tho a ni. An beisei baka thaa an khelh thin vang a ni.
  • AFC U-22 qualifiers khel turte chu Group 7 ah then an ni a. Group tinah hian ram 6 ang vel zel an awm a. Vawikhat theuh an intum a, a sang ber 2 chauh an lut zel a ni.
  • Heng ram te hian an qualified tawh a ni : Group A – Iraq & UAE, Group B – Saudi Arabia & Syria, Group C – Iran & Kuwait, Group D – Jordan, Group G – South Korea & Myanmar, Group F – North Korea & China. Group D (Jordan an tling tawh) leh Group E atang te hian lut tur a la chiang lo a ni.
  • Mynamar team-ah hian over-age an awm avangin AFC lamin an disqualified mai thei a ni.
  • AFC U-22 Asian Cup hi June 23- July 7, 2013-a khelh tura tih a ni a mahse January 11-26, 2014 atan sawn leh zawk a ni. A thlengtu tur hi tihchian a la ni lo bawk.

Enge an sawi?

  • ZoFooty chuan Jeje-a leh Didika kan be fuh leh hlauh a. Jeje-a chuan “Min lo tawngtaipui thin naah lawmthu ka sawi duh a. Ka ui khawp mai tih bak lo chu sawi tur ka hre lo. Mahse kan performance ka thlir letin ka lawm tho e. Rei lo te chhung chauh kan camp a, rin aiin ka nkhel zawk ka ti. Kan khelh leh zelna turah pawh min lo tawngtaipui chhunzawm zel ula tiin ka chah duh che u a. Kei phei chu inhliam dam hlim ka ni a. Ka la fit tawk lova, chuvang chuan ka khelh chhoh zelna turah pawh min lo tawngtaipui zel turin Mizo mipui zawng zawng ka ngen duh a ni” tiin ZoFooty a hrilh.
  • Didika chuan “Min lo tawngtaipui naah lawmthu ka sawi duh a. Vawiin kan chak lo erawh pawi ka ti hle. First half kan khelhtha a, kan chak pawh kan ring a, midang paw’n an ring vek. Mahse, second half-ah ho deuh deuhvn counter attack atang an rawn ti goal zel a,kan chak loh phah ta a ni. Kan kal leh zelna turah pawh min tawngtaipui chhunzawm turin ka chah duh cheu a ni” tiin ZoFooty a hrilh ve bawk.

Leave a Reply