La Liga BBVA a Real Madrid leh Barcelona te inum a hmuhnawm chho zel. Inrinni zanah Spanish club lian pahnihte hian an tumpui an hneh ve ve a, Real Madrid hian Santiago Bernabeu ah Higuain, Cristiano Ronaldo leh Karim Benzema te goal hmangin Sporting Gijon chu 3-1 in an hneh a, Barcelona hian Lionel Messi goal 2 hmangin khualmualah Levante 2-1 in an hneh thung a ni. Inkhelh ṭan hma hian Italian Serie B player Morosini sûn nan minute 1 ngawirenga dingin hun hman a ni bawk.
Real Madrid hian game 33 ah point 85 an hmu tawh a, Barcelona in game 33 ah tho point 81 an hmu tawh thung.
Real Madrid 3 – 1 Sporting Gijon: Mamawh chhânna Ronaldo
Real Madrid hian tunhnaiah point hloh nual mahse an game hnuhnung berah away-a Atletico Madrid an sawp theih avangin team hlauhawm an ni tih hairual a ni lo. Sporting Gijon an mikhual ṭum pawh hian a tir aṭangin inkhel an thunun a, Gijon in Real Madrid pet goal tur an lo veng a ni deuh ber. Veilamah Ronaldo a langsar a, inkhelh ṭan aṭanga minute 25 chhungin Higuain, Ronaldo leh Marcelo ten chance ṭha tak tak an nei vek a, an ṭhelh fai vek.
Minute 30 a ni a, Sporting Gijon attack hlauhawm hmasa berah Sergio Ramos chuan penalty box chhunga a handball avangin penalty a chawi a, hei hi De las Cuevas chuan a thun. Madrid in si an phur rei lova, minute 37 ah Ramos freekick chu penalty box chhunga vengtu nei lo Gonzalo Higuain chuan a head goal. Sporting defender te khawnge an awm? First half ah goal dang a luhbelh lo a, Nuri Sahin-a’n minute 44 a goal bar a pet per chu chance ṭha ber a ni.
Substitute awmze nei
Second half ṭantirhah Jose Mourinho chuan Callejon leh Nuri Sahin te lachhuakin Benzema leh Di Maria te a luhtir a, goal thunbelh ngei a tum tih a lang. Hemi hnu hian Madrid game a fuh zui a, first half-a dinglama lang mang lo Mesut Oezil chu a laiah pawtlutin, Ronaldo, Higuain, Benzema, di Maria leh Oezil ten goal an nawr a, mahse hunrei tak chu Gijon defence leh keeper an sutlang thei bik lo.
Hetiang hun harsa leh game khirhah hian manager, fans leh player dangten ‘innghahna’ an nei ṭhin a, dinhmun harsa aṭanga chhanchhuak turin an ‘star’ player an en a, an beisei ṭhin. Real Madrid pawhin inghahna bik an nei a, midang zawng zawng an beidawn hnuah pawh Cristiano Ronaldo hi an ‘beiseina’ nung a ni ṭhin. Sporting Gijon lakah pawh Real Madrid ‘mamawh chhânna’ chu Ronaldo bawk a ni e.
Ronaldo hian minute 74 ah di Maria cross a head goal a, hei hi tun season La Liga a goal 41 a thunna a ni tawh. Minute 79 ah Sporting left back Canella chu yellow card pahnih a hmuh avangin hnawhchhuah a ni a, minute 82 ah Mesut Oezil through ball changtu Karim Benzema chuan Real Madrid goal thumna a thun zui a, chak tur a chiang tawh. Oezil leh Benzema ten Canella hmunruak an hmang thiam vel lutuk kha inkhel tihmuhnawmtu pakhat a ni.
Record thar siam tur Madrid
Real Madrid hian tun season La Liga ah goal 107 an thun tawh a, La Liga a season khat chhunga goal thun hnem ber record an nih rual ta chiah a ni. Tun season ah game 5 an la khel dawn a, an pet goal apiangin record thar an siam zel tawh dawn tihna a ni.
Team Line-ups:
Real Madrid (4-2-3-1): Casillas; Arbeloa, Sergio Ramos, Pepe, Marcelo; Sahin (Benzema 45′), Kedhira; Ozil, Callejon (di Maria 45′), Cristiano; Higuain (Granero 75′)
Sporting Gijon (4-5-1): Juan Pablo; Galvez, Botia, Hernandez (Ricardo 45′), Canella; Moises, Lora; Damian Suarez, Trejo, De las Cuevas (Adrian Colunga 67′); Sangoy (Andre Castro 57′)
Levante 1 – 2 Barcelona: Messi the Messiah
Real Madrid in Sporting Gijon an hneh tih hre sain Barcelona in Levante an luhchilh a, an hneh zo lo teuh kher mai. He inkhelah hian Barcelona in Iniesta tel lovin bul an ṭan a, dan pangngaiin a tir aṭangin ball an chang deuh char char. Nidang ang bawkin chance pawh an insiam deuh reng a, inkhel ṭantir lamah Thiago Alcantara chuan vawihnih head goal na chance ṭha zet zet a hlah.
Barcelona in an nawrbeh reng lai hian Levante in goal hmahruai an thun teh tlat a. Minute 23 ah Sergio Busquets chuan penalty box chhunga a handball avangin penalty a chawi a, hei hi Barkero chuan ‘cool’ zetin a pet goal. He penalty hi Levante goal shot hmasa ber a ni nghe nghe.
Goal a luh hnu hian Barcelona in inkhel an thunun chhunzawm a, first half tawp dawnah phei chuan Barca ball possession hi 71% te a ni hial. Hetichung hian chance ‘hlauhawm’ tak an nei thei mang lo thung. Messi a langsar viau ṭhin a, mahse a tawpa finish saktu tur an awm ṭhin tlat lo. Levante pawhin counter attack nei zeuh zeuh mahse Victor Valdes tan buaina an siam bik lo.
Hei le Lionel Messi
Second half ah pawh a ngai bawk. Barcelona in an nawr tluk tluk a, tlarhnungah Levante player te an intlar ṭhup bawk a. Minute 64 ah Lionel Messi leh Alexis Sanchez te chu penalty box bawr velah in ‘one-two’ in, Messi hian mawi zetin a pet goal ta nge nge a. Ti hian Messi hian a zawnin La Liga match 10 ah goal a thun tawh a, Ronaldo leh Mariano Martin te record a nih rual chiah a ni.
Barcelona in an nawr chhunzawm a, minute 72 ah Levante defender Botelho chuan penalty box chhungah Barca player Cuenca a tihtluk (?) avangin penalty a chawi a, Messi lo dingchhuakin chiang zetin a pet goal. He penalty hi assistant referee in a phar vanga referee in a pek tak a nih hmel a, Levante ṭantute tân chuan sawisel theih tak tur a ni ang. Goal dang a luhbelh lova, Real Madrid nen an inthlauhna point 4 chauh a ni zel e.
Team Line-ups:
Levante (4-2-3-1): Munua; Pedro Lopez, Ballesteros, Cabral, Juanfran; Xavi Torres, Iborra (Ruben Suarez 89′); Valdo, Barkero (Gomez 88′), Botelho (Kader 80′); Kone
Barcelona (3-4-3): Valdes; Puyol, Mascherano, Adriano; Busquets, Thiago, Xavi (Cuenca 46′), Fabregas; Pedro (Iniesta 54′), Messi, Alexis (Dani Alves 76′)
Ronaldo vs Messi
La Liga sawi hi chuan Real Madrid vs Barcelona hi a sawi loh theih loh a, Ronaldo vs Messi phei hi chu kan sawiin kan ziak nasa lutuk tawh a, ninawm lamah a kal lek lek tawh zawk. Record thar an siambelh zel si a, ziah loh theih a ni der mai si lo.
Season hmasaa Cristiano Ronaldo-a’n La Liga a goal 40 a thun khan season khata La Liga a goal thun hnem ber record a siam a nih kha. Kha record kha tun season ah khûmin a awm leh der tawh a, Cristiano Ronaldo leh Lionel Messi te hian goal 41 ve ve an thun tawh. Season tâwp hmain goal engzat tak thunbelh ang maw?
Hre lo palh kan awm takin, karlehah El Clasico an khel dawn e.
printable cialis coupon
is cialis generic
How to get some viagra
Brand viagra for sale
Hemi te 2 hi chu an compare reng dawn anih hi mawle.. Post tha hle mai. An 2 hian record an siam reng ringawt a, an ringawt an break reng ringawt ! Tu tak hi ding rei ang maw?
Ngaihnawm kher mai, Ronaldo leh Messi record siam hi inthlahrung lovin lo upadte zel teh u. World Record hmu tu nih ve zel pawh hi dam man a awm a lawm
A mak ve mai mai ngawt mai. Heti em ema an pet goal thei ta mai hi.
Messi leh Ronaldo te chungchang hi a ninawm lo, a ngaihnawm. i hriat apiang rawn post zel ta che. Taka, AIFF academy a lut tur an thlang fel tawh tih thawm ka lo hria a, rawn chhui chiang teh u, a dik anih chuan mizo naupang tute nge lut dawn tih pawh hriat a chakawm a lawm le.
Comment 1-3 hi ka pawm vek e.
Hui ham,hemite 2 ropui ltk hyan futbol hi an ti lem zo vek hyan ka hre thn,weekend a khl hmasa jwk2 ah 1 hyan athuna,athun aia tam hret hi ahnua khl 1 jwk hyan arwn thun ve jiah,script wmsa an chan ni wm ani
Maradona leh Pele te ai fe kha chuan hemite pahnih hi ka dahsang zawk, Ronaldo hian League ah ngat chuan 50 tal a tlin theih ngei ka ring tlat…
hemite vanglai hmu thei a ka awm hi a va ropui em!