Unites States of America ah hian football (soccer) an ngaisang lutuk lo a ni maithei. Heti chung hian Manchester United te ang team lâr an han zin meuh chuan inkhel entu an khat ṭha ṭhin ngei mai.
English champions Manchester United chuan MLS All Star team chu 4-0 in an hneh a, tun nipui chhungin America rama vawi 4 an inkhelh tawhah vawi 4 an chak ta. Red Bull Arena, New Jersey-a inkhelah hian ManUtd tán Anderson, Park Ji Sung, Berbatov leh rawlthar Danny Welbeck ten goal an thun a ni.
MLS All Star ah tutenge khél?
Major League Soccer (MLS) ah hian player lâr tak tak ten an hun hnuhnung an lo hmang tawh thin a, tun ṭumah pawh hmelhriat an awm nawk mai. A vanglaia Arsenal thiampuipa, an goal thun khawl ni bawk Thierry Henry hi chu kum 10 kalta chhunga inkhel en ṭhin chuan kan hre vek awm e. Ani bakah hian a vanglaia khawvela footballer lâr ber tia chhal ngam David Beckham pawhin a team hlui a hmachhawn thei a, Reading player ni ṭhin Bobby Convey te, ‘left-footed DavidBeckham’ an tih Brad Davis te ho pawh hi hria kan awm nual ang. Anni bakah hian MLS-a player ṭha leh lâr te inthlangkhawmin Rooney te ho hi an lo mikhual a ni.
Team pahnihte line up:
Manchester United:
Goalkeeper: Anders Lindegaard
Defenders: Phil Jones, Rio Ferdinand, Nemanja Vidic, Patrice Evra
Midfielders: Ji Sung Park, Michael Carrick, Anderson, Ashley Young
Forwards: Wayne Rooney, Dimitar Berbatov
MLS All Star:
Goalkeeper: Faryd Mondragon
Defenders: Sean Franklin, Jamison Olave, Bobby Convey, Tim Ream.
Midfielders: David Beckham, Brad Davis, Shalrie Joseph.
Forwards: Thierry Henry, Omar Cummings, Omar Bravo.
An inkhel ta a
Inkhelh ṭan tirh atangin Manchester United an khelṭha zawk a, a tawp thlengin inkhel an thunun a tih theih awm e. MLS All Star tan Thierry Henry thawhrah sengin David Beckham chuan a thun teuh nghal viau a, United fachuam ni thin Beckham hi first half ah a khel chhe lo. Mahse player nei tha zawk Manchester United tan Anderson leh Park Ji Sung ten first half ah goal an thun a, Anderson goal thun tura Rooney leh Berbatov ball inpe kual kha United fans ho in hmuh nuam an ti viau ang. Minute 52 na-ah Berbatov chuan goal ‘class’ zet a thun a, minute 68 na-ah Danny Welbeck chuan thun lehin United hi 4-0 ngawtin an chak ta a ni.
He inkhel-a United goalkeeper Lindegaard hi a khelh chhunah a ṭha viau zel a, de Gea nen No 1 position hi an inchuh ngei dawn niin a lang. Lei thar Ashley Young leh Phil Jones te an khel bawk a, subtitute Nani pawh second half a khel ṭha fua fua khawp mai. Manchester United boruak a sâng a, season thar a nghahhlelhawm tawh ngei mai.
Goals link
20′ Anderson
Anderson Goal – MLS All Stars vs Manchester United (0-1) anderson
45′ park ji sung
Park Ji Sung Goal – MLS All Stars vs Manchester United (0-2)
52′ Berbatov
MLS All Stars vs Manchester United (0-4) Dimitar Berbatov
68’Danny Welbeck
cialis savings card
cialis pill
viagra price
viagra now
chaw tak khukpui cuan khukpui lo mah ila All Star anih tawh cuan eng ram pawh ni rawh se ngaihnep chi chu an ni hauh lovang, home advantage an la nei bawk nen.
Zodika chu chaw tak khukin i lo khukpui a ni maw
An awm pawh ka ti lo 😛
Zodika in tih awih loh LOL…. Ka nick hi Mizo tih leh Radicals tih thumal pahnih combine lerh a ni e 🙂
@Zodika.. chaw tak khuka khuk pui anlo awm e law?? an va ho ve!
Pre season friendlies result hi chaw tak khuka khuk pui chiam chi pawh a ni lo.
India chaklo mahse man utd chak tho chuan a hahdamthlak deuh
Helamah chuan kan chak tlat.