Nilaini zana friendly match ‘pui tak’ pahnihah Spanish club lian pahnih, Real Madrid leh Barcelona ten an khingpui an hneh ve ve. La Liga champions Real Madrid hian AC Milan 5-1 in an sawp a, Spanish Cup champion Barcelona hian Manchester United chu penalty shootout ah 0-0 (2-0) in an hneh bawk a ni.
Friendly ‘mai mai’ ni mahse team lian leh team lian intum an nih avangin an ti mai mai lo tih a hriat a, chak tumin an khel tih inkhel ente chuan kan hmu awm e.
5 star Real Madrid
Yankee Stadium, New York-a Europe club lian pahnih inkhel hi inhnehtawk tak tura beisei a ni a, mahse Cristiano Ronaldo leh a ṭhiante hian Robinho te ṭhianho hi an hnehsawh hle a, an goal thun zat piahlamah, a khelhah hrim hrim pawh Milan hian an tluk lo hle a ni.
Inkhel ṭan aṭangin team pahnihten chance an nei nghal mawlh mawlh a, goal erawh a lut mai bik lo. Minute 24 ah Angel di Maria chuan penalty box pâwn aṭangin goal ropui a thun a, hei hi Robinho chuan minute 33 ah a sût. First half-ah goal dang luhbelh lovin 1-1 in a tâwp a, a khelṭha zawk leh inkhel thununtu zawk chu Jose Mourinho nâute ho an ni.
Second half a ni a, Ronaldo a rawn lang a. Real Madrid passing mawi tak hmawrbawkin minute 49 leh 66 ah a pet goal. Milan an ṭang hleithei meuh lo a, han nawr ve deuh ṭhin mahse an lama ball lêt an veng zo lo lek lek fo. Minute 81 ah Sergio Ramos chuan Kaka corner pêt aṭangin a tauh goal a, minute 89 ah Jose Callejon chuan Madrid goal 5 na hi a thun. Callejon pet goal tur siamsaktu hi Kaka tho a ni a, he Brazilian playmaker, Real Madrid chhuahsan tur nia sawi hian assist 3 ngawt a nei a ni.
Real Madrid chakna chu an tlarhma bawk a ni a, he inkhelah hian vawi 27 ngawt Milan goal ah an pêt (shot) a, minute 3 dana vawi 1 shot nei zel ang deuhthaw an ni. Manager Jose Mourinho-a’n duhthusam deuhthaw tiin he squad hi a lo sawi tawh a, Nilaini zana an khelh dan phei chu duhthusam a tih ngam ang. AC Milan hian an player ṭha pahnih Ibrahimovic leh Thiago Silva te an hralh a, Madrid goal ah vawi 8 chiah shot an nei. Season an la ṭan lo a, friendly match mai mai mah ni se an khingpuite an hneh lo lutuk deuh a ni. Kaka hi lei thei se an ṭhatpui dawn teh e.
Barcelona 0-0 Manchester United
Barcelona leh Manchester United te hi tunhnaiah an intum ngun ta malh malh viau a, Barcelona hi a chak zawkah an ṭang deuh ziak bawk. Sweden khawpui Gothenberg ah pawh Barcelona in bul an ṭan ṭha zawk a, minute 1 lekah Iniesta chuan chance ṭha lutuk a nei nghal a, Lionel Messi leh Christian Tello te pawhin pet goal theihna chance ṭha tak an nei zui. Manchester United goalkeeper, pre-season a a vawikhatna atana khel David de Gea a ropui a, Messi shot, a kut hmawra a lo save chu pui tak a ni.
United tân Nani leh Rooney ten chance an nei a, an hlah ve ve thung. First half injury time ah Nani chuan penalty hlawhchhuakin, penalty pêt turin Rooney a rawn penchhuak a. Barca keeper Victor Valdes chuan lo dangin, a per let hi Rooney bawkin a chang leh a, goal ruakah awlsam takin a thun dawn emaw tih laiin a pet out chiang hle.
Second half tirlamah United in Kagawa hmangin chance vawihnih an nei a, mahse Barca substitute Pinto chuan a dang ve ve. Hemi hnu hian Barcelona in ball an chang tam chhunzawm a, Dani Alves, Cesc Fabregas leh Alexis Sanchez ten an thun teuh hle a ni. Inkhel tawplamah manager pahnihten substitution an uar dun deuh a, mumal taka rei tak inkhelh a awm mang lo a ni.
Minute 90 a tâwp a, extra time khel lovin penalty shootout in a chhunzawm a. Mi pathum ve ve chauh pet turah Nani leh Young ten an pet goal lo ve ve a, Barcelona tân Xavi leh Gerard Pique ten an thun ve ve avangin Barcelona hi an chak ta zawk a ni.
Club lian leh club lian inkhel a ni a, ṭang lutuk lo mahse han innawr deuh nak nak a awm zauh zauh. First half-a Scholes-a’n Busquets a petthlu te, second half-a Nani leh Busquets te han inmelhrum vel kha inkhel boruak ti ṭangtu a ni. Barcelona khelh dan chu a ngai reng a, Messi pawh a hlauhawm ngaiin a la hlauhawm reng. Tello a langsar a, Barcelona hi Spain leh Europe-a club huphurhawm ber pakhat an ni leh ngei dawn tih a lang. Manchester United in a zawna Vidic an chhawr theih avangin an lawm ang a, de Gea khelhdanah Sir Alex-a mit a tlung hle ang.
Buy generic viagra
Us viagra sales
Ba an neih ve treuh chuan an player hralhna kha ba rulh nan an hman a ngaih ka ring…lol
India ah pre-season rawn khel tur an awm lo em ni, AC Milan chuan inleibelh chu an mamawh chiang ani, Thiago Silva to takin an hralh a, Ibra pawh an hralh tlawm vak chuang lo bawk a, sum chu tunah chuan an hum hnem phian ang.
Kaka hi Real ah hian beisei a pha lo pawn ka hre hran lo, a khel khat a, a khelh chhunah lah a khel tha thei bawk si, beisei a pha lo pawn ka hre hran lo, real ah te chuan Ronaldo a awm a, amah hi a ropui si Kaka hi kan sawi ri tawh lo mai niin ka hria.
united leh real madrid tanhi nuam phian 🙂
Real techu an va insawp deuh tak ve mle,hnwhkhah gai hmunruak chu a awm ngei hmel e
Rooney vang vek………. kan chak lo!