Ukraine Football legend , Andriy Shevchenko chuan Football khawvel a mangtha ta. AC Milan striker hlui hian football a chawlhsan thu a puan rual hian Politics a luh a tum thu a sawi a ni.
Kum 35 mi Ukraine Striker hian besei phak bakin Eoro 2012 neih zawh takah khan a rawn khel tha a nih kha. Euro 2012-a Ukraine tana Sweden an hnehna goal -a thun te kha Sheva hian a theihnghilh thei tawh dawn lova, Major tournaments-a a goal khung hnuhnung ber a ni dawn ta.
Sheva chuan , “ Engpawhnise ka chawlh a hun tawh a, mi tamtak thinlunga a tlak dan tur leh an ngaihdan tur ka hrethiam a, hrilhhai tur fe fe pawh an awm ngei ang. Chutih lai chuan he thutlukna hi ka tan chuan siam a ngai tawh a ni, ka hmalam hunah hian Football lam ni lovin Politics lamah ke ka pen tawh dawn a ni,” tiin Ukraine football association official website-ah a sawi a ni.
Sheva hian Dynamo Kyiv atangin a football nun a tan a, Kyiv ah hian kum 5 awmin match 117 ah goal 60 a thun. AC Milan ah lutin he Italian club ah hian football a khelh chhunga a ropui lai ber a tawng a, Scudetto, Coppa Italia leh UEFA Champions League trophy te a chawipui hman a ni. Season riat (loan in kum khat a chhuak ) teh meuh maia khelh chhung khan vawi 322 inkhelin goal 175 zet Milan tan hian a pet lut bawk.
He striker hian English club Chelsea tan 2006-2009 chhung khel bawkin , mahse hetah hian hun tha leh duhawm a nei vak lova, Milan -a a khelh lai a phak lo deuh a ni. Chutichung chuan Sheva hian FA Cup leh League cup trophy a la chawi pui tho a ni.
Kum 35-mi veteran striker hian an ram Ukraine tan vawi 111 khelin goal 48 a pet lut bawk a. Khawvel-a Footballer chawimawina sem zinga ngaihhlut ber te zinga mi “ Ballon d’Or Award ” (European Footballer award )chu kum 2004 khan a dawng bawk a ni.
cialis savings card
cialis 20
price of cialis
cheap cialis online
viagra buy online
Best prices on viagra
Chelsea tan kheltha lua lo mahse ka striker duhber pawl ani…cool tak hian a khel renga, goal hmaah a chiai ve mai mai ngai silo…
Sheva hian FA Cup leh League cup trophy a chawi pui…nilo in chelsea in an chawipui zawk a lawm.. hahahha
Lung a tileng reuh hle mai a, Chelsea ah khan tlemin beisei a phak vak lo tih mai loh chu he pa hi chu a ropui ani.
evening post ah a ngai deuh chhiah kan han chhiar leh hi chu a kham awm ve deuh trin
AC Milan ah Kaka nen an inman theih vel zia kha. Chelsea a luh hnuah chuan Aston Villa nen 4-4 a an indraw tuma penalty box pawn atanga kawh deuha a pet goal kha a pui bawk. Match 322 a goal 175 (AC Milan) thun theih chu pui tak a ni.
Gud post,begvarthlak hle mhse hriat ava nuamlo thn ve mle,hnah hlui chu an til zel si,ka ngaihsan em2 thin ni mhse BPL a arwn nawi tlt mai leh tun Euro a Sweden lam berkhera gol 2 athun kha chu ngaihdam har kala ti tep ani