North East State te inelna Dr. T. Ao North East Football Trophy chu Sikkim chuan a thleng dawn a. He tournament hi Sikkim Sports and Youth Affairs Department (S&YA) chuan a organise dawn a, North Eastern Council (NEC) leh Ministry of Development of North Eastern Region (DONER) te chuan a sum lam an tum thung ang. Hemi vang hian he tournament pawh hi Dr. T. Ao NorthEast “DONER” Football Trophy tih a ni.
Tournament hi March ni 2-9 chhunga khelh tur a ni a. Paljor Stadium, Gangtok-ah khelh a ni ang. North East state zawng zawng te chu tel tur beisei an ni a. A thlengtu Sikkim bakah hian Assam, Arunachal Pradesh, Manipur, Meghalaya, Mizoram, Nagaland leh Tripura te an inel dawn a ni. He tournament-in a tum ber chu North East-a football chawisan leh state tinte inlungrualna a ani.
He tournament-ah hian pawisa a tam dawn hle a, lawmman atana pawisa fai an sem tur ringawt pawh hi a tam tham hle dawn a ni. Champion hian Rs.2,00,000 (2 lakhs) an dawng ang a, pahnihna-in Rs.1,00,000 (1 lakh) an dawng thung ang. Tin, Sem-finalist ten Rs.50,000 an dawng bawk ang. Fair Play Trophy leh Player of the tournament a awm dawn a. Fair Play Trophy hi Rs.50,000 a ni a, Player of the tournament erawh Rs.25,000 pek a ni thung ang. Top Scorer leh Best Goalkeeper chu Rs.10,000 ve ve pek an ni bawk ang. Heng bakah hian Champion team coach leh manager chu Rs.20,000 pek an ni ang a, pahnihna coach leh manager erawh Rs.10,000 ve ve pek an ni thung ang.
He tournament hi May 2003 atang khan khelh tan a ni a. Sport Authority of India (SAI),Guwahati chuan a organise a, Guwahati-ah khelh a ni. Final-ah hian Assam chuan penalty-ah 4-1 in Manipur an hneh a, champion hmasa ber an ni. Tournament hnuhnung ber hi Manipur-ah khelh a ni a, final-ah hian a thlengtu leh champion lai nibawk Manipur chuan Mizoram hnehin an champion a ni.
Mizoram team duhsakna kan hlan e
Mizoram team paw’n Thawhtanni tlai dar 3:30-ah Ch.Chhunga Bus Terminal atang Aizawl an chhuahsan ang. Mizoram team hi North East Games-a Mizoram ai awh tura tih te kha an ni a, he tournament hi an tangkaipui hle turah ngaih a ni. Mizoram team te hian Ramhlun Sports Complex-ah camp neiin an inpuahchah nasa hle a, players thenkhat te’n harsat neuh neuh an tawh avangin an kal ve thei dawn lo a ni. Players 20 leh officials 2 an kal ang.
Mizoram manager Pu T.Vanlalhluna chuan Mizo mipuite chu tawngtaipui turin a sawm a. Tin, an zinkawng hi a hahthlak dawn hle a. Tluang taka an thlen a, an champion theih ngei nan kan tawngtaipui dawn nia. Pu Hluna chuan” Kan players te hi ka ring tawk a, naupang tak tak te an ni a, kan champion ngei pawh ka ring a ni” a ti.
Mizoram team te hi ZoFooty chuan Champion ngei turin duhsakna a hlan a ni.
cialis cost
generic cialis
5 mg viagra
Canada viagra
Mizo Coach te zinga experience ngah leh thawhhlawk ber pawl Pu Hluna leh a team te duhsakna sang ber ka hlan e..
Mizo team te duhsakna sangber ka hlan e..
@thanzama,thanks
@henrybkt : i league result chu http://www.the-aiff.com ah khan a en theih a, tin site neuh neuh a awm bawk..
Dr.T.Ao tak hi chu ka la hre chiah bik lo. Manager lam atang updates kan dawng ang a, kan post zel mai ang chu kan ti deuh.
Site a awm anih leh kan la rawn tarlang leh ang.
Rawn champion hram teh u,chuan,admini lam khan min hrilh theih chuan,an result enna tur website a awm em,kan hma lawka I league second division khelh tur pawh hi