Fabio Capello a bang a, England manager hna a ruak. Capello thlaktu tur hi English media te chuan an inrinsiak mek. England manager atana an rin deuh mi 7 te i lo thlir ve thuak thuak teh ang.
1. HARRY REDKNAPP
English a ni a. Khawvela football level san bernaa sawi thin Champions League-ah a team te a enkawl tawh a, trophy a lo la fo tawh a, English-ho duh dan takin football hmuhnawm tak khelhtir thiam a ni a. English player tha tak tak hmangin Tottenham chu club tha tak leh hmuhnawm takah a chhuah mek a, England captain tura hming langsar tak Scott Parker pawh a enkawl mek bawk. Ani hi hming langsar hmasa ber a ni hi a mak lo.
2. ROY HODGSON
2010 World Cup-a England an chet chhiat viau hnu khan Capello thlaktu tur hian rin a kai hman hle a, mahse FA in an rilru an siam tak tak hmain Liverpool-ah a luhsan a, a che chhe em em lehnghal a. Tunah West Brom a enkawl mek a. Manager tawnhriat ngah tak a nih avangin ani pawh hi rinkai zinga mi a ni
3. ALAN PARDEW
Charlton leh Southampton-ah harsatna tawk deuh mahse Newcastle-ah a rawn che tha takzet a, Newcastle chu Champions League khelh beiseiawm club-ah a chhuah mek a ni.
4. STUART PEARCE
England U-21 coach ni rei tawh tak, 2012 Olympic-a England team coach tura thlan a ni a. Club lamah tawnhriat a la ngah lo na a, ram tam tak chuan an manager turin an sawm fo tawh.
5. JOSE MOURINHO
Sawi tam ngai lovin manager tha a ni. England-ah a che tha eltiang a, English player hre chiang em em a ni bawk. Nipui hunah Real Madrid chhuahsan tura sawi a ni a, a thinchhiat a chhuak fo hi FA in an helh lai ber tur a ni a, chu bakah hlawh a phut hniam lem lo bawk ang.
6. ARSENE WENGER
Hei chu a rinawm tehchiam loh, mahse rinthu sawi zel takah chuan a lo lang ve a ni. England-ah zah a kai hle a, chutih lai chuan Arsenal fans zingah lawm lotu an awm ve nual tho. International game lam a sawiri ngai miah lo thung.
7. GUUS HIDDINK
England-ah Chelsea a rawn enkawl zuai tawh a, FA Cup a lakpui. South Korea chu World Cup semi-finals a thlenpui (2002) a, Italy leh Spain te an hneh hial a ni. Hemi hnu hian Australia chu World Cup-ah tho round hnihna a thlenpui (2006) leh bawk. Tawnhriat a ngahna hi a buk tirittu a ni ang.
(NOTE : Assistant Stuart Pearce chuan England hi a enkawl hrih dawn a. February ni 29-a Netherlands nen friendly match an khelh hunah pawh a ho ang. – Admin)
coupon for cialis
cialis 10mg
generic cialis online
cheap cialis
Cialis professional
Cialis sales
England hi English manager ngei maiin enkawl se, entirnan Harry Redknapp te ang hian an hlawhtlinpuiin ka ring
HARRY REDKNAPP hi a ṭha ang. A nih loh vek pawn ROY HODGSON chu ni lul love.
Redknapp hi khawvela football manager tha ber chu a ni kher lovang.. Mhs, England team enkawl tur chuan khawvel ah a tha ber in ka ring. good post
redknapp bak khi chu ka va han ring vak lo ve mawle….kei mimawl hian…:)
Jose Mourinho ngei mai hi ni se la, a tawng tui tam leh ang chu. Ani england nuam ti sa a lawm le..Mahse Man Utd manager nih hi a chak hmel zawkin ka hria
Foreiner coach nei leh sela an thatpui ka ring zwk..hiddink,mourinho te hi..
Stuart pearce hian Man.city a lo enkol ve thoh kha le….
Tub buaina a Capello an ban ngam hi chu an fakawm ka ti, Stuart pearce an ruat chuan hmalam an pan ka ring vak lo
Stuart Pearce an England friendly with Holland ah a enkol dawn e
Stuart Pearce an confirm tawh ani awm e
Redknapp hi anh mai hmel khwp mai…mahse Tottenham hian an chhuah duh ka ring lo khwp mai…
Redknapp hi sawi a hlawh ber a, ka duh ber bawk. Tin, Parker pawn chance a neih phah anga,.Lampard leh Gerrard dingdun hi an indip tlat !! Bengvarthlak hle mai..
Redknapp tih loh ah chuan 7 zinga lang ve lo Martin O’Neill hi ka duh.. Mourinho hian boruak chu a ti hot ngawt ang..
Harry Redknapp ka duh ber e..