Chelsea right back thin Bosingwa chuan kum thum daih contract ziak in QPR (Queens Park Rangers) a zawm. Chelsea lam in a contract an ziah belh duh loh avanga May thla atanga club neilo ren rawn kum 29 mi Bosingwa hian QPR a thlang ta a ni.

QPR manager Mark Hughes chuan ” A ni hi chak duhna thinlung pu mi a ni a, Premier League ah experience a nei tha a, kan zing ah a lo khel tur hi a lawmawm” a ti a, Mark Hughes in tun nipui chawlh ah a player sign 8-na a ni ta a ni. Bosingwa chuan “Ka ngaituahna ka seng nasa a, mahse he club thil tum hian min ti lawm a, ka lut ta a ni, Premier League hi ka hmangaihin khelh nuam ka ti a, fans te support a tha a nuam ka ti” ti in QPR a luh chhan a sawi.

Bosingwa hi 2008 ah Porto atangin Chelsea ah 16 ml pound in a lut a, a luh lai khan Porto an chetthatpui mai bakah Portugal team Euro 2008 ah a chetthatpui em em a,kha tih hunlai a right back tha ber pawl pawh ti ila kan sawi sual awm lo e, Chelsea ah rei tak regular starter nimahse, chetsual langsar a nei zeuh zeuh a, a kum te a lo upa lam ve tawh bawk nen Chelsea in chhuahtir an remti ta a ni. QPR ah hian kan sawi tawh ang in player 8 lai an lut thar tawh a, an captain Joey Barton chu match 12 lai hrem tur a nih avangin match fitness nei tur in division dang ah loan a chhuah tir an tum mek bawk. Tun Summer transfer window a an player lei thar tawh te chu :

Samba Diakite (Nancy)
Fabio da Silva (Manchester United)
Robert Green (West Ham United)
Junior Hoilett (Blackburn)
Andrew Johnson (Fulham)
Ryan Nelsen (Tottenham Hotspur)
Park Ji-Sung (Manchester United)
Jose Bosingwa (Chelsea)