Nizan Champions League Semi-final 1st leg inkhel ah German club lian Bayern Munich chuan an mikhual Real Madrid chu 2-1 a hneh. He inkhel ah hian Bayern tan Franck Ribery leh Mario Gomes te chuan goal an thun a. Real tan Mesut Ozil chuan goal a thun bawk a ni.
Bayern Munich starting lineup:- Neuer, Lahm, Boateng, Badstuber, Alaba, Gustavo, Schweinsteiger (Muller 61’), Robben, Kroos, Ribery, Gomez
Real Madrid starting lineup:- Casillas, Arbeloa, Pepe, Sergio Ramos, Fabio Coentrao, Alonso, Khedira, Di Maria (Granero 71’), Ozil (Marcelo 69’), Ronaldo, Benzema (Higuain 84)
Referee: Howard Webb
Allianz Arena-a inkhel hi mi 66,000 zet in an en a, khawvela club lian leh hlun ber ber intum tur an nih avang in mipuiin an nghakhlel. Inkhel an tan a, tan atanga rei vak lo ah Real lam in Benzema hmang in an ti goal teuh hle, mahse Manuel Neuer a pal tlang zo lo. Min 17 na ah Bayern lam in corner an hmu a, ball rawn lut chu Ramos-a’n a clear that loh chu Ribery-in mawi zet in goal ding lam ah a thlawh lut. Bayern fans ho an sapatal a ni ber. Gomes-a shot tha tak te chu Casillas-a’n lo dang in first half chu goal dang luh belh loh in a tawp.
Second half tan leh ani a, Real lam in bul an tan tha. Benzema thawhrah seng in Ronaldo chuan a thun teuh kher mai, keeper in lo save in ball kal let leh chu Benzema bawk chuan Ronaldo tan a siam leh a, ani hian goal bul hnaih te ah Ozil a thun tur a siam a Ozil hian a ti goal, 1-1 a ni. Bayern lam an tang a, ball pawh an chang hnem zawk. Min 61 na ah Schweinsteiger chu Muller in rawn thlak in, midfield lam ah Bayen an chungnung a, tlarhma lam ah Mario Gomes a langsar telh telh. Mourinho chuan defensive game kheh tum in Ozil chu a la chhuak a, Marcello a rawn lut. Bayern in nawr thin mahse Real defense an paltlang thei bik lo, 1-1 a an in draw mai tawh dawn emaw tih hnu, hun tawp dawn min 90 ah Philipp Lahm chuan ding lam atanga rawn cross in a ball tha zet chu Bayern goal thun khawl Gomes chuan lo pet lut a, 2-1 in an chak tak a ni.
He inkhel hi a hmuhnawm in a physical a, yellow card ringawt pawh Real lam in 6 hmu in Bayern lam in 3 an hmu a ni. Hun tawp dawn a Marcello in Muller a tlawh luih(?) vanga red card a hmu lo erawh vannei a in ti khawp ang le. Karleh Wednesday hian 2nd leg Santiago Bernabeu ah an khel leh dawn a. Real lam hi chak lo mah se away goal hlu tak nen an lo mikhual dawn a. Kumin UCL final hi Bayern Munich home ground Allianz Arena-ah khelh a ni dawn a, Champions League final mahni home ground a khel hmasa ber nih Bayern lam pawh hian an tum ruh khawp ang le. Real boss Mourinho chuan,”Result chhia a ni lo, kan home ah kan chak a ngai a ni mai. Kan home-ah ni ve dawn tawh a, fans te’n min pui ang” a ti. Bayern boss Jupp Heynckes paw’n,”Madrid-ah chak tum in kan khel ang. In draw tur paw’n kan khel lo ang, ka nau te hian goal hnih khat an la thun thei a ni, Real in an game pangngai an rawn chhawp leh anga, defensive a khelh ka tum lo” a ti.
He inkhelh tan hma hian Real vanduai ai nge ni, an dressing room a an boot leh kawr te chu an lo ruk sak a, Ronaldo leh Ozil-a kawr (garish) leh an pheikhawk te chu an lo ruk sak!. Real leh Bayern a chak zawk zawk te hian Barcelona emaw Chelsea final ah an tum dawn a, a tu zawk nge lut tur a in beisei ve le?
Ribery te deh loh pawha thal tawp2 zel kha chu a…..Bernebeu-ah cuan “thal tawp”tur pawha ball dek hman lo lekin kan lo sawp ange!!HALA MADRID
Thanks admin Zama,ka lo hmu e.
A tawp a goal na a Lahm a full charge tu kha chu Mourinho chuan a hau ve nual chuan ka ring 🙂
@the veteran : i email pcvlpachuau43@gmail.com hi check vat rawh le, password ka rawn pe che e, i duh leh i change leh mai dawn nia
Zama Rumkhar ka lawm lutuk e. Ka in register tirh a, ka pass word min pek kha chu 3YzX3GuaOFfS a ni ngei mai a, ‘id’ i tih chiah hi ka va hre mai lo em. Tin, ka email hi pcvlpachuau43@gmail.com a ni bawk.
howard Webb khian ka mit a la ber zuk nia
@the veteran. i id leh password rawn sawi chhin la, lo luh sak che ka tum dawn mi?? i in log in zoh velh ah khian POST ZIAH DAN ang khian a dawh leh page chiah khi rawn lang lo i th na maw??
@hminga8: Ronaldo an ball a chan apiang khan Bayern player 3-4 velin an bawr vak zela khati te kha chuan tuge khel tha vak anga, Santiago Bernabeu ah lo thlir rawh……GGCR7
‘Post ziah dan’ ang khian ka ti a, ‘user name already registered’ email add ah pawh ‘already registered’ a ti zel a lawm.
@the veteran. khi a chung a zofooty tih hnuai chiah, Home, keimahni leh adt awm na bar ah khian POST ZIAH DAN tih a awm khi. Tah khian lo en a, i post chu admin ho approve tr in i submit dawn nia. Thlalak nen rawn ti thei la tha viau ang
Admin te post dan ka zawt a, min la chhang hman lo va, chutih laiin a hlui hman ang tih ka hlau sia. HPC Cup Lunglei ah chuan College Veng leh Theiriat nimin 17.04.12 khan an khel ta a, 1st half ah Theiriat hian awlsam fe2 in goal 3 an thun mai a, Mahse hnual mai lovin College Veng hian 2nd half atangin an nawr ve ta a, an sut zo vek. Extra time an khel a, goal a lut lo. Tie break-ah pawh 5-5 a ni. Sudden Death thlengin College Veng hi 7-6 in an chak ta. A chhehvel boruak leh fans te che zia nen kim taka sawi a va chakawm kher ve le!
@xavi fanai. bayern goal hmasa zok kha maw?? ramos a clear chhiat vang male. foul chu an han appeal na a ham lo.. di maria a langsar lo khawp mai. ozil a thlak kha a ti sual bok in k hria
Kaka a luh tir lo kha chu a tisual ve khawpin ka hria, Di Maria pawh kha a che tha lem lo, mid field ah an hneh lo deuh chuan ka hria Real chuan.
Tlag zwk tur rinthiam an va har hrih ve le..cuan,goal hmasa zwka tisual tu kha ozil zwk emw ka tia?
Post tha hle mai. Bayern chu champion daih se ka va ti e ! Mahse Real hian an home ah hneh tho ka ring. Final hi Barca vs Real anih ka la ring tho mawle 🙂
Tin, Bayern ho chu anva hming chhe ve ! Thil ho te awm vel a. haha
Ronaldo chu big game aah chuan engmah ani lo;D an home ah poh eng a ni chuang lo ang lo en ru;/messi a tluk lo k tihna chu big game ah hian an in chet bon hleih thei mah2 ani;
Marcello an hnawtchhuak lo kha chu mak ka ti khawp mai. Bayern ho chu Final ah kan intum dawn nia!!!!
Ronaldo kha chu a nil ve khawp mai..ngatinge a thlak loh le aw.