Man City(2) vs Everton(7) @ 5:15 pm (24/09/11) :
Tun weekend chu Man City leh Everton in bul an tan dawn a,game hmuhnawm tak beisei nghal theih a ni awm e. Man City in tun season ah world class player thiau an lei a, an hmang tangkai nghal bawk a, a awmsa an thlifim a, player tha pangngai an chhuah a, a lut thar an form nghal bawk avang in team tha tak an in rem ta ti ila kan sawi sual lovang. Chutih laiin David Moyes in a naute a hrechiang a, EPL ah a mikhual lo bawk, a player te a hriatchian piah lam ah City striker te dan chan dan tur leh hmunawl pawh hre hle tur a ngaih a ni ve tho. Everton ah hian world class player tihtur han awm lo mah se team ang chuan player tha tak, team lian khel thei tak an ni a, a chak zawk tur pawh hriatthiam a har hle.

Arsenal(17) vs Bolton(19) @ 7:30 pm  (24/09/11) :
Tun sean a bul tan chhe ve ve inkhel tur an ni a, tun a an position hi May thal tir chu nise Relegation Battle a ni ngei ang le ! Mah se, season tir a ni a team tin te an la insiam rem thei a, an ni pahnih pawh hi EPL a season hmang rei pawl an ni ve ve a, thil thar a ni lo vang. Arsenal lam in an hrem Gervinho,Frimpong te an hmang leh thei tawh dawn a,chutih laiin Benayoun,Vermaelen te an la dam rihlo. Bolton lamah S Davies a awm lo bawk. Season hmasa lam khan Emirates Stadium-ah  4-1 ngawtin Arsenal hian an lo sawp a, tun season ah an ti leh thei a ngem tih hi fans te thlirdan a ni.

Chelsea(3) vs Swansea (14) @ 7:30 pm  (24/09/11) :
Kar hmasa ah Old Trafford ah Chelsea hi Man Utd in an sawp a, amaherawh chu an chance tha tak tak te khung se,offside ham bawk se result dang awm thei a ni. Chelsea striker Torres a hriam leh ta kha fans te lawmna tham a ni awm e. Stamford Bridge hi Chelsea tan an sakeibaknei puk a ni miau a, eng level pawh ni se an tawh a khirh thei viau a, kaithar Swansea tan a Stamford Bridge huhang han tem ve chhin ringawt pawh hi  lawmna tham kan ti dawn nge thil ropui an ti dawn tih hi fans te hmuh chak a ni, inhliam langsar nei lo ve ve an ni bawk a, inkhel hmuhnawm tak beisei ang.

Liverpool (7) vs Wolverhampton (10) @ 7:30 pm  (24/09/11) :
Season bul tan tha ve ve, league hmahruaitu ni tawh ve ve an ni a, point 7 an hmuh hnu ah hmasawn zawng in an kal thei lo va an la ding ta reng mai ! Season hmasa ah Wolves hian Liverpool form lo tak chu Anfield ah hian 1-0 in an lo hneh tawh a. Manager Hodgson in a tuar phah a nih kha. Kha mi hnu khan Liverpool in player leh nan 100 million pound chuang an hmang tawh a, result lam ah lo thlir ila enge an dinhmun chu a hriat mai awm e ! Season hmasa a an hnehloh Stoke,Tottenham an hneh lo leh ve ve tawh a, Wolves ah an insiam tha thei ang em tih hi zawhna lian tak a ni ta. Wolves in Ebanks-Blake leh Fletcher te an chhawr thei dawn lova, Liverpool in Agger an chhawr theilo bawk ang. Adam leh Skrtel te an rawn leh leh thei tawh a, Gerrard a dam a, Johnson leh Kelly pawh substitute bench ah beisei an ni.

Newcastle (4) vs Blackburn (16)  @ 7:30 pm  (24/09/11) :
Newcastle home ah hian Blackburn hi an tlang nel a, tun hnai match 5 Newcastle home a khelh ah Blackburn hi an la chak vek a, tun tum ah pawh hian beiseina sang tak nen Magpies ho an hma chhawn a rinawm. Amaherawh chu Newcastle ho hi tun season ah an player tha ten chhuahsan nual mah se an result a tha phian a, inhnehtawk tak, in hlau lo tak game beisei ang.

West Brom (20) vs Fulham (18)  @ 7:30 pm  (24/09/11) :
Relegation zone a awm ve ve intum tur an ni a, season tir pawh ni se eng team tan pawh relegation zone a awm kher hi chu thil nuam tak a ni lovang. An pahnih hian EPL ah tang reng mai che tha em em lo,che chhe lutuk lo kumtin an ni ve re re a, West Brom hian an home ah tun hnai match 5 ah vawi 4 an chak tawh a vawi 1 an draw. Fulham lak ah an chetha bawk a, beiseina sang tak nen an lo mikhual dawn a ni.

Wigan(15) vs Tottenham(11)  @ 7:30 pm  (24/09/11) :
Wigan home ah inkhelh tawh tun hnai match 5 ah vawi 1 ve ve an chak tawh a, vawi 3 an lo in draw tawh a, an pahnih hian inngam tak tur chu an ni. Kar hmasa lam ah an chak ve ve bawk a, player leh fans te beisei pawh a sang ve ve ngei ang. Tottenham in an captain Dawson inhliam vangin an chan dawn a,Wigan in an striker Rodallega an chan ve thung bawk ang. Liverpool 4-0 lai a hneh tu Tottenham in season tan tha lo mahse an phur thar a, chak tur a beiseiawm zawk an ni ngei mai. An midfield neih that an rawn hmachhuan leh ngei ang.

Stoke (5) vs Man Utd (1)  @ 10:00 pm  (24/09/11) :
Bpl-ah 4-0 in chaklo mah se Carling Cup-a Tottenham an hneh avang hi chuan in rintawk na chu Stoke City hian an nei ngei ang le. Man Utd nen tun hnai match 5 an intum ah Stoke hi an la chaklo vek a, mahse home ah Liverpool pawh hneh a, Chelsea pawh draw thei an nih avang hian Man Utd tan pawh zuam ngawt chi chu an in lo a ni. Stoke hian an palian tak tak te an hmachhuan leh ngeiin a rinawm a, Man Utd ah pawh Rio Ferdinand a khelh ngei beisei a ni bawk. Game hmuhnawm tak beisei ang. Man Utd hi beisei awm zawk ni mah se Stoke City hian an hneh thut ve thei tho bawk a ni.

QPR(9) vs Aston Villa(6)  @ 8:30 pm  (25/09/11) :
QPR in tun season ah beisei aiin bul an tan tha a,club nei tu hausa an neih avangin player tha pangngai tak tak an nei nual a, Aston Villa erawh EPL a tawn hriat nghah tak an ni thung a, in tum tawk hle tur a ngaih an ni. Joet Barton in Arsenal in an lak hman tep thu a sawi chhuak a, amaherawhchu QPR ah a hlim a, an captain a ni bawk. A chak zawk tur hriat thiam a har rih a, game plan a zir a chak zawk thei ve ve an ni.

Norwich(13) vs Sunderland(12)  @ 12:30 am  (27/09/11) :
An ni pahnih hi tun hnai vawi 4 in tum tawh ah vawi 2 ve ve an chak a, result ngai hlir, 1-0 vek a ni. Norwich home bik ah chuan Norwich hi vawi 2 an chak a, mahni home ve ve an inhlau lo an ni awm e. Kaithar Norwich hi Sunderland tan a hneh ngei an in beisei a rinawm a, kar hmasa ah 4-0 lai mai a Stoke an sawp theih avangin beiseina sang tak nen Norwich home an tlawh dawn a ni.