Relegation zone chung chiah a awm Queens Park Rangers chuan an mikhual Tottenham chu sikhat fai a  hneh in table ah 16-na an ni mek. QPR lam hian midfield ah 5 dah in Zamora chu an maltlat tir a, Spurs lam hian tlar hma ah inhliam  Adebayor (hamstring injury)  ai ah Defoe an rawn dah lut. Spurs lam hian chance nei hmasa zawk in Van der Vaart-a corner tha tak chu Bale chuan lo head in Paddy Kenny chuan alo nam per hman. Min 26-na ah Sandro handball chu QPR lam in freekick hmu in, Adel Taarabt chuan mawi zet in keeper dinglam kil a a thlawh lut.  Van der Vaart shot tha tak te chuan keeper a pal tlang zo lo a, goal dang luh belh lo in 1^st half a zo. 2^nd half ah Sandro ai ah Lennon ron lut in Spurs lam hian nawr tum viau mahse an ti hleithei biklo. Bobby Zamora chuan chance tha tak nei in, box chhunga a ball lakluh chu King chuan alo dan sak hman hlauh. Spurs lam hian Van der Vaart hmang tho in chance nei mahse an ti goal thei biklo. Min 78 ah goal thun thu Taarabt chu a ball pet chhuah luih avang in yellow card vawi hnih nan a hmu a, hnawhchhuah ni mahse QPR defense an khawng tlat a, a tawp thleng in an ding chang ta a ni.

Spurs lam hian 2012 ah away lam ah chak hmel an la hmu zo lo a, season tawp lam ah hian an Champions league beseina hi a thamral mai angem? Table ah an 5-na ah tlathla a, heitih rual hian QPR lam pawh EPL lam a in han tan tum in an tan an khawh a, season tawp lam tlak hlau ‘team tenau’ te hi hneh an harsa a, an zawng zawng in an fight a, result lawmawm an hlawhchhuah nge nge thin.

Aston Villa 0 – 0 Sunderland

Villa manager hlui Martin O’Niel chuan Villa Park ah a naute a chakpui zo lo a, goal in pe lo in an in thathen. November atang a home game vawi khat chiah la chak Aston Villa hian bul an tan tha a, inkhel tan atanga reilo te ah Andreas Weimann leh Charles N’Zogbia chuan a ti goal nghal teuh hle. Sunderland lam paw’n chance tha tak neiin, McClean cross tha zet chu alo head over hlauh. Chance dang awm em em lo in an in 1^st half an hmang zo. 2^nd half ah pawn Villa hian Weimann leh Heskey hmang in bul an tan tha hle mai. Amaherawh chu clear chance nei hmasa zawk chu Sunderland tho an ni. Goal bul hnaih tak atanga Bendtner shot chu Ireland chuan a lo clear sak hman hram. Min 74 na ah dinglam atanga Larsson-a cross tha zet chu Bendtner chuan alo tlawh lut. He goal hi linesman chuan offside ti in a phar a, mahse replay-na a alan dan chuan Bendtner hi a offside lo ni in a lang. Huntawp dawn ah Sunderland player Gardner chu yellow card 2 a hmuh vang in hnawhchhuah ani a, goal awm lo in an tin ta ani. Tunhnai game a goal thun harsat tak Sunderland lam an vanduai a, an goal offside a an phar sak kha an ui khawp ang le.

Newcastle 3 – 0 Stoke City

Tunlai team form em em Newcastle chuan an mikhual  Stoke City chu 3-0 a hneh in table ah 4-na an ni ta vang mai. Magpies goal hi Yohan Cabaye goal 2 leh an stiker form em em Cisse thun a ni. Eherington hmang in Stoke lam hian chance an nei hmasa a, goal ah a chan tir zo lo. Ben-Arfa chuan cross chu Cisse chuan goal ban ah nead per in, a tla leh chu Cabaye hian chiang zet in a lo tauh goal. Newcastle fans au thawm a reh hma in Cisse bawk chuan Cabaye ball pek fing tak chu la lut in a ti goal. He goal chi chu a class a sang kher mai. 2^nd half tan atang a min 10-na ah khel tha em em Cabaye chuan keeper vei lam kil ah mawi zet in a tlawh lut a, 3-0 ani. Stoke tan beisei na tur a awm tawh lo. Ti hian Mapies hi game 6 a zawn in an chak a, table ah 4-na ni mek in tun season ah team beisei miah lo in Champions league hi an khel pha mai angem? An khel thei anih chuan an striker lak thar Papiss Cisse hi an ‘chhandam tu’ ani kan ti lo theilo ang le.

Fulham 2 – 1 Wigan Athletic

1^st half ah Wigan lam hian chance an nei a, an hmang tangkai zo lo a, goal in pelo in chawlh an hmang. 2^nd half tan ani a, min 57 ah Emmerson Boyce chuan goal mawi lutuk a thun. A hnu min 1-ah   Pavel Pogrebnyak chuan chep tak kar ah goal thun in an siphurh a sut, a goal hi a mawi kher mai. Fulham lam hian nawr zel in Pogrebnyak hian goal bar vawi hnih chu a pet per dawp dawp. Wigan lam hi Manchester United leh Arsenal a zawn a hneh an nih avang in an  ‘vanneih ni’ ani ni leh mai dawn emaw tih laiin hun tawp dawn min 89-na ah Senderos chuan free kick atang a tauh lut a, Fulham an chak ta a ni.

Blackburn Rovers 2 – 0  Norwich City

Blackburn chuan relegation zone atang a tal chhuah tum mek zel in Norwich chu si hnih fai in an lo hneh a. 1^st half lam ah home team te hi an khel tha zawk a, handball penalty pek loh leh Yakubu goal ban pet per hnu min 41-na ah Pedersen-a cross chu Mauro Formica-in ti goal in hma an hruai. 2^nd half tan atanga rei vak lo ah Junior Hoilett chuan keeper tan dan hman ngaihna  awm lo in goal bawn lutuk mai a thlawh lut a, 2-0 in an chak ta a ni. Ti hian Blackburn hi table ah a mawng atanga 3-na ni mek in, EPL ah hian an in ham tang zo angem le?

Bolton Wanderers 1 – 1  Swansea City

Bolton chuan an mikhual Swansea chu 1 – 1 a lo draw puiin table ah a mawngber dawttu ah awm in, an chung chiah a awm Blackburn aiin khelh hnih in an la khel tlem thung a ni. Tan atanga rei lo te ah Sinclair chuan veilam atang ball a lai ah khalh lut in mawi zet a goal thun in Swansea hma a hruaipui ngal a. Amaherawh chu min 14-na ah Petrov-a veilam atanga a cross chu Chris Eagles chuan ti goal in an si phurh a sut leh a. Sigurdsson leh Graham te chuan Swansea tan an thun leh teuh hle a, Petrov paw’n Bolton tan freekick atang thun teuh viau mahse goal dang luh belh tawh lo in an in draw ta a ni.