Inkhelh tan hma in Russia in point 4 hmu in hma an hruai a, Greece in point 1 hmu in a mawngphah ah an awm thung. Mahse, inkhelh a zo a, Russia chu Euro 2012 atanga hnawhchhuaha awmin Greece erawh chu an group a pahnihna niin quarter final an lut. He inkhelah hian goal 1 chiah a lut a, hei goal awmchhun hi Karagounis thun a ni.
Line Up :
Greece: Sifakis, Maniatis, Tzavelas, K Papadopoulos, Torosidis, Papastathopoulos, Karagounis, Katsouranis, Samaras, Salpingidis, Gekas
Substitutes: Chalkias, Tzorvas, Malezas, Holebas, Makos, Fotakis, Ninis, Fortounis, Ioannnis, Liberopoulos, Mitroglou
Russia: Malafeev, Aniukov, Ignashevich, Zhirkov, Berezutsky, Shirokov, Denisov, Dzagoev, Glushakov, Arshavin, Kerzhakov
Substitutes: Akinfeev, Shunin, Sharonov, Granat, Nababkin, Izmailov, Kombarov, Semshov, Pavlyuchenko, Pogrebniak
Inkhel thlirna:
Greece in Quarter Final luh nan chak ngei ngei a ngai tih an hria a. Russia tan erawh midang inkhel a zira an tlak theih tho avangin chak emaw draw emaw an mamawh thung. Chumi hre reng chuan Russia lamin a tir atangin an nawr nghal. Mahse, Greece lamin chance hlauhawm hmu hmasa in captain Karagounis corner pet chu Katsouranis chuan fing tak maia petin Russia keeper Malafeev in a dang hlauh.
Russia in nawr let leh nghalin Arshavin chuan hnai set sawt atangin thunna chance a hlauh a. Zirkhov a langsar a, mahse goal ah an khung thei lo. Aleksandr Kerzakhov pawhin box pawn hret atangin nalh zet maiin a pet a, a out hlauh! Chumi hnu ah Shirokov chu penalty box chhungah a tlu a, Karagounis-a’n a nam ngei niin lang mah se penalty pek a ni lo.
An inkhel rei tial tial a, Greece dik tak hmu lehin an defending khawng zia kan hmu leh a. Russia lamin midfield thununin rang tak takin in pass kual thin mah se, Greece tlarhnung an paltlang thei tlat lo. Zhirkov bawkin chance tha tak neiin yard 22 vel atangin a pet over hlauh bawk. Russia khel a hmuhnawm a, an game a rang a, field pum an thunun hneh bawk. Mahse, Greece tlarhnung an paltlang theih tlat loh avangin an tuar ta.
Goal pawimawh chu
First half a tawp lek lek tawh a, minute 45 (+2) ah he tournament a Greece damna leh Russia mittui ti tlatu goal a lut ta. Ding lam sir atanga throw in lo kal chu Russia defender Ignashevich chuan head sual (?) chu Karagounis chuan lo changin a tlanpui nghal a, kawh zet zawtin a pet a, Russia keeper Malafeev tan dan hman a ni lo. Greece in hma an hruai a, first half a tawp zui. Goal thuntu Karagounis hian Greece tan vawi 120 a khelhna chiah a ni a, Greece tâna khel hnem ber record a nihrual ta chiah a ni.
Second half ah pawh Russia lamin nawr bet tlat mah se an goal thun theih loh an tuar ta a ni. Khel ṭha lo Kerzhakov chu Pavlyuchenko chuan rawn thlak mahse awmzia a nei hleithei lo. Greece tlarhnung a phui tlat a, Greece defender te hmaah Russian players ten ball an inpass kual a, mahse ralkhat aṭanga an shot leh zauh ṭhin tih loh chu hlauhawm taka han chet an ngah lo kher mai. Goal thuntu Karagounis chuan Greece tân penalty a hlawhchhuak ngei dawn nia a lan hnuah referee in dive nia a hriat avangin yellow card a pe ta hlauh a, quarter final a khelh theih loh phah dawn ta a ni. Counter attack ah Greece zawk hi an hlauhawm tawlh tawlh a, minute 70 ah Gergios Tzavellas chuan goal bar a pet per nghe nghe a ni.
Inkhel tawplamah Russia an mangang tawh tih a hriat a, pet goal an tum luatah an game a inman lo tawh hle a ni. Inkhelh a zawh meuh chuan Czech Republic an chak ve avangin Group leader a ni a. Russia leh Greece chu point 4 ve ve hmu in goal difference ah Russia tha zawk mah se head to head hman a nih avangin Russia an tla a, Greece an tlang ta a ni.
Statistics:
Sawi belh ang
Greece tan Samaras a tangkai a, ball a keng thei a, defender a pawt hneh a, a khel a hmuhnawm hle a ni. Chutih laiin Russia tan Arshavin, Zhirkov leh Dzagoev te khel tha hle mah se a pawimawh ber goal an thun miau loh avangin an tlak phah ta kan ti thei ang. Karagounis a ṭangin a khel tha a, penalty a hlawh tur ni ngeia ngaih an pek tak loh erawh a uihawm hle! A yellow card hmuh erawh a pawi a, quarter final a khel ve dawn ta lo a ni.
Greece in an larpui an defence khawng an dampui a tih loh theih loh. Tam tak tan chuan hmuhnawm lo leh ninawm a ni maithei a. Mahse, football ah chuan khel mawi ni lovin chak a pawimawh zawk avangin an chak theih dan tura an khelh dan a fakawm hle a ni. Euro 2012 bul ṭan ṭha ber Russia in inkhel an thunun tluan parh a, mahse he tournament-a awmzui turin inkhel thunun ringawt a tawk si lo.
Ti hian Greece hian Group B a pakhatna an tum dawn a. Germany emaw, Denmark emaw, Portugal emaw an tum dawn a ni.
cialis from india
generic for cialis
cialis canada
cialis savings card
Cialis vs levitra
Buy cialis in canada
Greece tlang kha a mak lo. An khel pawh a tha thawkhat viau in ka hria.
Greece chu anti mak thei ngwt mai
Football hi chu a mak ani, hei tak hi football kan tih lai tak chu ni, Quarter finale ah chuan Portugal chuan Czech maw kan tum dawn a.
Buaina chwk chhuaktu ram 2,racism ina ala kiansan theih loh ram nibwk Russia leh poland cu vanneihna in a kiansan ve ta!malswmna leh vanneihna chag tur pwh hian kan nungchag hi a pwimwh ve tlat ani..greece leh czech ka lwmpui e
Va mak ve,ka predict cu sual ta duai nih hi.quarter final ah an tla ve2 in ka rig
Russia chu ka tan ber asin le, group A ah chuan. Czech Republic leh Greece hi chu quarter final ah an tlak ve ve ka ring.