FA (Football Association) in an kum 150th lawmnan Wembley Stadium ah World Cup vawi 5 champion tawh Brazil chu England in Wednesday 6 February 2013 ah friendly match a khelhpui dawn. June 2013 ah Brazil khawpui Rio ah England hi an zin veleh thung ang.Republic of Ireland pawh friendly match sawm an ni a, 29 May 2013 ah Ireland in Wembley thar a an khelh leh hmasak ber na tur in England nen friendly match an khel ve bawk dawn a ni.FA hian 150th an lawm dawn avangin fixture pawh an siam rem nual dawn a, nakum season tawp ah England hian World Cup qualifying match a khel dawn lo a,ram dang in an khelh pawh in an lo awl dawn a ni.

Club England Managing Director Adrian Bevington chuan “Brazil nen Wembley stadium ah kum 150-na kan lawmna bul tanna kan nei tur hi kan lawm a,2013 hi kum chhinchiah tlak a ni dawn a, England football fixture phurawm tak tak a awm dawn a, UEFA Champions League Final kan thleng tur pawh hi kan lawmna chi khat a ni dawn a ni” a ti a, “Football khel ram hlawhtling ber,player ropui tak tak leh fans tha tak tak nei kan ni a,chuvangin football khelthiam ram Brazil nen lawmna programme kan hmang thei tur hi a hlu hle dawn a ni, Republic of Ireland leh Scotland nen pawh friendly match khelh kan tum dawn a, fans ten an hlut hle a rinawm” a ti bawk

“Brazil nen hian friendly match nei turin hma kan la nasa em em a, 2014 Wolrd Cup lo awm tur atan a inpuahchahna ni pahfawm in kan player ten South Africa a inkhelh tur a nih avangin experience an neih nan kan duh a, Brazil leh England hian football than chhoh nan tha tak in kan thawk ho thin” a ti bawk.