FA Cup : Chelsea Hmasawn Zel

Posted on March 7, 2012March 7, 2012 by Rs_Betlu

3 min read

FA Cup fifth round-ah chelsea chuan an mahni home-ah Birmingham chu 1-1 a an draw pui hnu in nizan ah khan replay khelh ani a, Birmingham-ah 2-0 in an va chak a, quarterfinal an lut ta a ni.

Chelsea hian an first match-ah Villas Boas a ho in an khel a, an home ah championship team te chu 1-1 in an lo draw pui a, an club chhung boruak a chhia a, away phei hi chu huphurhawm tawpkhawk anih tawh laiin, AVB an ban hnu match hmasa ber ah FA cup hi an khel leh si a, EPL lamah beisei a sang tawh bawk silo a, an beisei neihna te hi chu chawi nun hram hram an mamawh laiin an interim manager Di Matteo hnuiah chak hmel an hmu ta hram a ni.

He inkhel ah hian an tactic hman hi manager hian a enchhinna a ni a. John Terry, Lampard leh Drogba te chu bench-ah a dah a, Torres chu a luhtir thung a. First half tantir ah Birmingham lam hian an nawr na hle a, mahse chelsea defence an khawng tha hle a, chelsea lam pawh an attacking ala fuh chiahlo a, birmingham lamin an goal venhim an tum bawk nen, khawi lam mah mah in goal chance an in siam hleitheilo a, Nikola Zigic chu Birmingham tan a tangkai a, first half ah pawh hian goal hlauhawm chu ama siam bak hi han sawi tlak vak a awm talo reng a.

Second half tan chiahah chuan Chelsea half time talk a fuh nge ni, an rawn nawr na nghal hle a, Birmingham lam pawh an tang zual a, game a rang sawt hle. 54′-ah Ramires-a cross chu Mata chuan penalty area-a in chuh nuk nuk karah chuan alo pet goal ta a. Chelsea lam an phur sawt a, an game pawh a rang a, goal dang neih leh ngei an tum a, confidence an nei sawt tih a chiang. Minute 5 hnu 59′ ah Meireles chuan Penalty box pawn atangin a long shot chu mawi lutuk in a kil sirah a lut a, 2-0 a ni ta. Chak hmel hmu khat ta chu chelsea an phur tual tual a, Ivanovic leh Torres chu in one-two pheiin Torres hi penalty box chhungah an lo ti thlu hlauh mai a, penalty an hmuh nghe nghe a. Mata chuan rawn pet in, Doyle chuan a lo save sak a. Heti a nih takah hian Birmingham lam hi an phur thar a, an siphurh sut let leh tumin an nawr na nghal a, goal hlauhawm tak tak an nei nual ta reng a. Mahse chelsea defender ten Nikola Zigic an lo chang thiam tawh a, an dah free duhlo miau a, Goal dang luh belh lo in an in hnentawk ta nge nge a ni.

Ti hian Chelsea hian Quarterfinal-ah Leicester City an tum dawn a ni.

from skysports.com

Rs_Betlu

FA Cup : Chelsea Hmasawn Zel

Posted on March 7, 2012 by Ahruaia Lil'Foe

FA Cup fifth round-ah chelsea chuan an mahni home-ah Birmingham chu 1-1 a an draw pui hnu in nizan ah khan replay khelh ani a, Birmingham-ah 2-0 in an va chak a, quarterfinal an lut ta a ni.