Transfer lian tham, sawi deuh hat hat tham a awm ta zeuh zeuh a, chutihlaiin club lian vak lo pawh an inlei ve zel e.
West Brom ah Ben Foster
Manchester United keeper hlui, England tan pawha khel tawh Ben Foster chuan season khat chhûng atan West Bromwich Albion a zawm dawn. Foster hian nikum khan Manchester United aṭangin Birmingham City a zâwm a, League Cup ah champion pui mahse Premier League-ah an inhamtáng zo lo a, hei vang hian EPL khel tur West Brom-ah a chhuak ta a ni. Birmingham City tan hian Premier League 2010/11 khan game 38 a khelkim vek nghe nghe a ni.
West Broam coach Roy Hodgson a lawm ngâng mai a, Ben Foster chu transfer season chhunga ‘target no. 1’ a nih thu a sawi. Hetihlai hian West Brom keeper Myhill chuan Birmingham a zawm ve thung dawn a ni.
Diaby – kâr 10
Arsenal midfielder Diaby chu a kheimit zai a ni a (ankle surgery), kar 10 chhung vel a inkhel thei dawn lo. Diaby hian season hmasa tâwp lam aṭang khan a kheimit nâ hi a lo buaipui tawh a, tunah a dam hlen beiseiin an zai ta a ni. Arsene Wenger chuan August thla tawp emaw, September thla tir lamah a lo let leh ang a ti. Heti a nih chuan Premier League-a Newcastle United, Liverpool leh Manchester United te nen an intum hunah a tel ve thei dawn lo tihna a ni ang.
Bolton ah Eagles leh Mears
Premier League-a Burnley an khelh lai kha a la rei lo viau a, an winger Chris Eagles kha kan la hre ṭheuh awm e. Manchester United tan pawha goal lo thun ve tawh Eagles hi season tharah Premier League ah kan hmu leh dawn.
Bolton Wanderers chuan Burnley player pahnih, winger/attacking midfielder Chris Eagles leh defender Tyrone Mears te an lei a, an leina man zat erawh puanzar a ni lo. Player lei thar pahnihte hian Premier League khelh an châk tawh thu leh starting XI chang tura theihtawp an chhuah tur thu an sawi. Bolton manager Owen Coyle pawhin a player lei te hi fakin, “Heng player pahnihte hi ka lo thawhpui tawh ṭhin a, intihsiakna sâng berah pawh an hlawhtling thei tih an lantir tawh a ni. Anni pahnih leh Nigel Reo-Coker nen, Bolton ah hian player quality ṭha tak tak kan neihbelh a, kan lawm hle a ni” a ti.
Eagles leh Mears te hian kum 3 atan ve ve contract hi an sign a ni.
arsenal hi chuan barton hi chu an ngam thlot lo a ni
K club tan cu nilo nanga cu tige arsenal plyr ho hi an inhliam teih em2 le..khwgaihthlak ber e…kypwn K.Davies hi lar teh hluai loah cuan a tlo pwl ber niin k sia..ball kagah hian a tha ve em bwk ani…
Diaby chu a va khawngaihthlak ve le.. A game hi a hmuhnawm ve tlat.
Mak ka tih chu Bolton Striker Davies hi a ni. Player tha teh vut a sawi tur nisi lo ah chuan Bolton tan a nghetin, a khel regu khawp mai.
EPL Bazar a interesting telh2 xel e, Eagle te hi an va han hmanlai toh tak velee… CHelsea FC pon sign tur kan hual treuh toh ania 🙂