A hlui deuh te, a thar deuh te – la post si loh ho a ni ber e :-
Van Persie = Gunner:
Arsenal striker Robin van Persie chu kar kalta Ningani zan khan Football Writers’ Footballer of the Year award hlan a ni a. He lawmman a dawnnaah hian thu sawiin, Gunner a nih reng dawn thu a sawi.
Holland striker Van Persie chuan, “Tunah hian nipui huna inbiak kan tih avangin engmah kan la sawi lova. Ka hma lam hun bakah thildang tam tak sawiin boss nen kan la inbe dawn a ni. Arsenal hi rin phak baka ropui club a ni a. Vawiina hetiang ka nih theihna chhan hi Arsenal vang a ni. Arsenal player hlui Robert Pires te pawh kha zawt la, ‘Gunner ka ni tlat,’ an ti zel ang. Kei pawh Gunner ka ni,” a ti.
Kum 28 a upa Van Persie hian tun season tan tira Arsenal chet chhiat ber laiin goal a rawn khung pawp pawp a. Tun season-ah goal 35 a khung tawh a, Premier League top scorer a ni mek a. Arsenal chu tunah Premier League-ah top 3 ah a kaisanpui a, Champions League khel turin dinhmun tha takah a kaisanpui mek tawh a ni.
Liverpool-in Dempsey an duh:
Liverpool chairman Tom Werner chuan Fulham striker Clint Dempsey an duh ni-a sawi theihin tawngkam a nei.
Werner ang bawka American Dempsey hian tun season-ah Fulham tan a khel tha a, goal a khung thei em em a. Goal 22 lai khung tawhin, Fulham-ah hian kum khat daih chiah contract a nei tawh a, Arsenal nen pawh sawi zawm a hlawh mek. Hetih lai hian Arsenal hian Lukas Podolski an lei avangin hmun a chang ang em tih hriat a ni lo thung.
FA Cup-ah Chelsea an hneh lova, Carling Cup-ah an champion tih loh chu Liverpool hian League lamah pawh chhuan tur an nei lova. Tun season tawp, nipui insuan hunah hian an team hi an siksawi ngeiin a rinawm.
Werner chuan, “Kan lei duhte hi mipui hriatah kan sawi ngai lova, mahse Clint Dempsey hi chu a neitu apiang an vannei khawp ang,” a ti a. Chairman berin a tih chuan an duh tihna a ni mai em?
Hetih lai hian Fulham boss Martin Jol chuan Dempsey hi hralh an tum loh thu a sawi.
Heynckes-a’n Roy-a chungchang a sawi:
Bayern Munich coach Jupp Heynckes chuan England-in national team nei lova thla thum ngawt mai hun an hmang chu mak a tih thu a sawi a. Chutiang chuan Germany an awm ve ngai loh thu a sawi.
Jupp chuan, “Hetiang hi Germany-ah a thleng ve ngai lo. Club emaw, national team a ni emaw, manager pakhat a bang a nih chuan a tuk atangin manager thar an ngaihtuah nghal thin. Germany-a kan ngaihdan nen chuan inpersan tak a ni,” a ti.
Heynckes hian 1998 khan Real Madrid chu Champions League-ah a lo champion pui tawh a, thil hre ve awm tak chu a ni reng a. FA in Tottenham manager Harry Redknapp aia Roy Hodgson an duh zawk chu mak a tih thu a sawi a. “Roy hi ka hre chiang vak lova. Mahse national team player-te thusawi erawh ka ngaithlain ka chhiar ve reng thin a, Tottenham manager an duh zawkin ka hria. Mahse national association tam tak hian an player-te thusawi an ngaithla ngai lo a ni. English manager nih hi a awlsam lova, Redknapp-a chungchangah hian harsatna a awm a ni ngei ang,” a ti bawk.
La Liga a harsa ber – Mourinho:
Real Madrid manager Jose Mourinho chuan trophy a lak tawh zingah tun season La Liga-a Real Madrid a champion pui hi a harsa ber zinga mi a nih thu a sawi.
Mourinho hian Portugal-ah Porto a enkawl laiin league-ah a champion pui a. England-ah Chelsea champion pui lehin, Italy-ah Inter Milan a champion pui leh a. 2008 hnua a vawikhat nan Real Madrid chu La Liga-ah a champion pui leh ta a ni.
Mourinho chuan, “Portugal, England leh Italy-ah te League title ka lo la tawh a, mahse hei (La Liga) hi a harsa ber a ni. League title hi pasarih lai ka lo la ve ta a, a harsatzia chu ka hre thawkhat. Tun season-ah hian Barcelona chuan an game zawng zawng an chak char char mai a, chuti chunga kan champion thei hi kan phuzia tilangtu a ni,” a ti.
Striker mamawh Liverpool:
Liverpool midfielder hlui Jan Molby chuan tun nipui hunah Liverpool chuan striker lei an mamawh niin a sawi.
Kan hria angin January thla khan Liverpool hian pound maktaduai 58 velin Andy Carroll leh Luis Suarez an lei a, pound maktaduai 50 in Chelsea hnenah Fernando Torres an hralh thung a nih kha. Mahse Liverpool hian goal khung an harsat a, chance an neih zawng zawng, goal bar leh post an pet per zozai hi goal-ah khung se chuan League-ah pahnihna an ni thei daih a, mahse 8-na an ni mek si!
Molby chuan, “Season liamta khan pawisa an hmang hnem hle a, mahse chance an neih zozai an khung theih loh danah hian goal khung tur tu emaw an mamawh a ni,” a ti.
Liverpool hian game hnih khelh tur an la neihah hian an chak loh chuan Premier League top 8 atangin tlak theihna chance an nei a. Top 8 ah an awm lo a nih chuan 1954 hnua an chet chhiat ber tum a ni dawn a ni.
Luis Suarez chuan goal 17 khung tawhin, Liverpool top scorer a ni mek a, ani bak chu Liverpool player zingah tun season-ah goal 10 khung tling an awm lo.
United-ah Kagawa:
Borussia Dortmund midfielder Shinji Kagawa chuan nipui insuan hunah Manchester United a zawm dawn tih a sawi.
German champion Borussia atang hian Japan international hi United-ah a kal dawn nia sawina a rei tawh a. Kum 23 a upa niin, England-ah hian engnge a an dawn tih hriat a chakawm tawh khawp mai.
Kagwa chuan, “May ni 12 hi Dortmund tana ka inkhelh hnuhnung ber a ni tawh dawn a, chumi hnuah chuan Manchester United tana ka bung thar ka kai tawh dawn a ni,” a ti.
Dortmund tan season hnih a khelh chhungin goal 28 a khung a, midfielder tan chuan a goal khung record hi a chhe lo khawp mai.
cialis on line
cialis canada
How to get some viagra
viagra overnight delivery
Kagawa i club luhna tur kha hre chiang la, club ropui a ni a, i rinphak aiin an ropui ang chuvangin engtiklai pawh a 100% a rinawm a he club a i awm reng loh chuan i awm rei lo tawp ang.
Robin Van-a chu a ti lawmawm hle mai. Cecs-a kha chuan Barca luh a tum thu a sawi thina, a kal ta nge nge kha a nia, a ni erawh sawi awm neuh neuh mahse a ngawih miau avang khan a pem dawn tihna a nilo ka lo ti rilru ve ran ran reng a ni.
POst tha hle mai, hetiang ang chi deuh KAWLEKSAWN hi a ngaihnawm duh.Hriatpuia PA nge nge titha hle mai.. Bengvarthlak lutuk tlat !
Ziak tha in a bengvarthlak khop mai… RVP hi a chhuaklo a nih pawhin a chhuak teuh ve leh hle chuan ka ring 🙂 Liverpool chu an vanduai kum a ni chiang khop in ka hria. An players lei te an flop mai bak ah an players tha an inhliam chhawk zak2 bok si a, 8-na pawh hi thil awmlo tak a ni lovin ka hria.. VGP
Manager ropui ber Mourinho, ropui zual zel ang che.
Mourinho a chuh.. England a awm lai khan team dang chhiat lai ani…. Chutiang bokin league dangah poh… Barca vanglaia a cham eroh a pui kati ve tho…mahse a players teho an hraw hlom emai…a lei to thei si…. Everton te hi han enkawl ve ta se engtak ang mo?
Kei tehchai zofooty a kan tel ve hi vannei ka va inti tak em..chaw leh chwhmeh tha tui tak tak hlir mai min han hlui thin hi cu aw..egdang ka gai nem mw..aw..futbal..futbal..petrwn hlwh ber..
Liverpool ho chu Europa ah pawh an Carling cup quota liau2 in kan hmu dawn a ang khawp mai. chuan Kagawa hi nia, England ah enge maw a an dawn ni, alo duap phian a nge haha
ni e, ligue 1 based strikers an lak te an fuhlo thin khawp mai a, mahse keichu hei hi players lam thiamloh leh anmahni ina an enkawl fuhloh ni deuhin ka hria, hmundangah an chetha leh tho si a… Heynckes a thilsawi khi chu a dik ka ti keipawh… chuan Mourinho erawh a ka a kua a a tawng ve mai mai ni berah ka ngai.hehe
Keicu Pul ho cuan ligue 1 lam hwi cu an sim ka ring dh th sn,Douf,Cisse,Ngong etc,fuhlo thei emai,pu Juup-a thuswi cu ka va like e,sipisial 1 inti erwh khi cu unlike,team ropui eltiag 1(barca)bak elpui an nei hlainem Spain ah cuan,Englnd ah tecuan team 4 vel elpui aneih rng thn kha mle…te k’n tia ni
fawmkim tha hle mai… pul ho chuan striker chu an mamawh a ni… 30 million chuangin an lei thra eeeeee mai…nghe nghe nghe… Manto lutuk tur chu an laktheih mai bik a rinawm si loh a, Ligue 1 lam hawi mai se a tha viau maithei a ni…anni Ligue ah hian striker beiseiawm deuh deuh an club tam zawkah an awm deuh fur a…
collect tha thawkhat hle mai, mahse part II awm thei se aw 🙂