Barclays Premier League-ah ‘finale’ ropui lutuk kan hmu a, kum engzat pawh dam ila, kha aia title race tâwp dan hmuhnawm leh rilru la kha kan hmu tawh kher lo ang. Spanish La Liga BBVA lamah pawh season ropui an hmang zo ve ta a, a tâwp ni thlengin record thar an siam mawlh mawlh mai. Champion Real Madrid chuan season khata point hmu hnem ber record siamin point 100 an hmu a, Madrid thiampuipa Cristiano Ronaldo pawhin La Liga-a an elpuite lakah goal thun vekin, hetiang ti thei hmasa ber a ni bawk.
Real Madrid: 100 not out
Messi leh Ronaldo te record thar siam buaipui reng renga kan hmanhlel laiin Real Madrid chuan La Liga team dangte tihtheih loh an ti a, season khat chhungin point 100 tehmeuh an hmu. Tun dinhmunah, La Liga ah hian team 20 an awm a, season tluanin team pakhatin game 38 khelin, point hmuh theih zawng zawng chu point 114 a ni. Real Madrid hian season pumpuiah point 14 chauh an hloh tihna a ni a, he record khum tur hian kum engemawzat kan nghah a rinawm.
Real Madrid hian Pathianni zanah Santiago Bernabeu ah Mallorca an mikhual a, Ronaldo, Benzema leh Mesut Ozil (goal 2) te goal thun hmangin 4-1 in an chak. Ti hian Real Madrid hian tun season ah game 38 khelin point 100 an hmu a, vawi 32 chakin, hei hi season khata chak tam ber record a ni bawk. (Season 1 a game 38 a awm hnuah). Game 38 ah hian vawi 4 an tumpuite nen an inhnehtawk a, vawi 2 chak loh an nei thung a ni.
Ronaldo record
La Liga BBVA 2011/12 season tluka record thar siam tam ṭum hi a vang viau awm e. Real Madrid goal thun khawl Cristiano Ronaldo chuan record thar a siambelh leh a, Mallorca an hneh ṭum hian goal 1 thunin, La Liga-a team zawng zawng (Real Madrid tel lovin) lakah tun season chhungin goal 1 tal a thun vek a ni. Season khat chhunga league-a khelhpuite laka goal thun vek thei hmasa ber leh awmchhun a ni.
Ronaldo leh Messi ten record thar an siam tih hi chu ngaiah kan neih deuh roh tawh a, mak pawh kan ti tawh lo niin a lang. Heng player pahnihte record siam ropuizia hi kan ngainep ni lovin, kan hriat ngun tawh em avangin a ropuinain a phu ang hian kan buaipui loh phah niin a lang. Ronaldo hian La Liga bikah goal 46 a thun a, Messi chuan goal 50 a thun bawk. Heng record siamtu hi Ronaldo leh Messi chu ni lose hahipin kan sawi ngeiin a rinawm a, mahse anni pahnih lakah hian kan beiseina a sân lulai tawh em avangin an tihtur niah kan ngai a ni deuh ber tawh a, kan ngaihven tawk lo em ni aw a tih theih awm e.
Arsenal leh Manchester United fans ten lo hrethiam se, 2007/08 season-a Manchester United tâna Ronaldo ropuizia kha kan sawi fo a, khami season khan Ronaldo khan competition a khelh zawng zawngah goal 42 a thun a, hei hi tun season-a La Liga-a a thun zat aiin a tlem zawk. Tin, tun season-ah Robin van Persie kan sawi a, Premier League ah goal 30 a thun a, Messi chuan La Liga ah goal 50 a thun. Hei hi van Persie leh United Ronaldo dahhniamna lam a ni lova, Messi leh Ronaldo te tun season-a an ropuizia tarlan nan kan tehkhin chauh a ni. Player dang nen khaikhin chiah hian anni pahnih goal thun tam zia hi a chiang awm e.
Ronaldo hian competition zawng zawngah goal 60 a thun a, Messi phei chuan goal 72 a thun. Tun season ang reng renga record thar siam leh a awmsa khûm tamna hi kan damchhungin kan hmu leh kher angem?
(Real Madrid leh Ronaldo record siam thu kan post a, Messi kan sawitel ṭeuh mai a, Real Madrid fans ten min lo hrethiam mai aniang chu. La Liga-a a career la hmang zo vek Messi tih theih loh, La Liga-a a season thumna leka a ti thei hi Ronaldo record ropui zualna lai tak a lo ni lehzel bawk a. An inhliam a nih ngawt loh chuan anni pahnih hi khawvela footballer ṭha ber pahnih an ni rih dawn a nih hi.)
prices of cialis
viagra cialis
Cialis online
Buy cialis
Play maker in an assist l0h in,.
@#3: Match zawng zawng ah tunge pet goal thei ang a.
Xavi leh Iniesta te chu playmaker an ni a, assist tur vak pawh an ni emaw ni le.
#6. i sawi khi a dik khawp mai. Real hi chuan assist tu an nei tha thlot ani. Ka hriat sual loh chuan tun season hnih liam ta chhung khan Xavi + Inisesta hian 52 assist an nei a. Ozil ringawt hian 57 assist a nei! bawn tak ani
Post ngaihnawm thei kher mai. Tin, comment # 6 hi a bengvar thlak a, ka fiah uar uar mai.
Ziak ngaihnawm hle mai. Hemi te 2 hi chu nie, Pele vs maradona ang deuh hi a ni kumkhua dawn nih hi. Tin, Ronaldo chu a va rapthlak reng reng ve mawle. tumpuite lama goal thun vek theih mai chuh, Messi lah goal 50 a thun hem mai sia. An record siam hi nie, kan damchhung hian kan hmu leh kher ang e mawni ,. Good post
Tin, comment # 6 hi a tha khawp mai, a bengvarthlak lutuk tlat !
Messi hian chawmtu a nei tha lo zawk a, an inkhelhna inthlak ta se la kei chu Messi hi a chet that ka ring zawk tlat nia.
Messi chawmtute hian La liga-ah assist an neih dan chu Dani Alves hian Barcelona tan chuan Messi tih lohah assist a nei tam ber a, assist 11 a nei a, a dawtah Iniesta niin a ni hian assist vawi 9 a nei thung. An assist belhkhawm hi 20 a nih laiin Ronaldo khelpui assist nei tam Mesut Ozil chuan assist vawi 17 neiin Di Maria chuan assist vawi 15 a nei thung a, an pahniha assist neih belhkhawm hi 32 lai a ni thung. Xavi hian assist vawi 7 neiin Fabregas hian assist vawi 8 a nei thung a, heng ho deuh chauh hi assist vawi 6 aiia tam nei Barcelona players an nih laiin Real Madrid ah erawh chuan Xabi Alonso-in assist vawi 9, benzema, Kaka, Higuain vawi 7 theuh an nia. Real Madrid players te hi an che thain Barcelona players te hian an khan lo viau chuan a hriat. Mahse messi erawh a che tha ang reng, goal khung tam ber a nih bakah assist 15 lai a neiin assist nei tam ber dawttu a la ni thei cheu hi a thatna chu a ni. Ronaldo tello hian Real madrid chuan scorer ropui tak tak Benzema leh Higuain te an nei a, anni 2 goal thun belhkhawm hi 43 a nih laiin Messi khelhpuite zinga goal khung tam 2 Xavi leh Fabregas te chuan goal 20 an pahnih hian an thawk chhuak ve tawk. Real Madrid players te hi tun dinhmunah chuan an tha zawk tih hi kei chuan ka pawm..
Tuma la tih theih loh record siam thei nih chu a ropui thlawt a ni, Ronaldo leh Messi hi an khelhna inthlak thleng ta thut sela Ronaldo hi chu a ropui chhunzawm zelin ka ring a, Messi erawh a zuih ral deuh maiin ka ring thung. Chu chuan khawi nge tha zawk ang tih zawhna a chhang ve tho lo maw? Ka mimal ngaihdan mawl tak ka rawn ziak lang ve mai a nia.
An ropui dun em anie,ning mah ila kn swireg agai,1 jwk hming swicuan 1 jwk switel agai tlt lo theilo anie,an ropui ltk hyan futbol anti lem mai dwn ten ka hria kati
Match zawng zawng ah a pet goal, an ti dawn maw tia. A record siam khi ka ngaisang teh vak lo. Season khat a goal thun hnem ber nih khi a nawm hmel zawk.(Mesi ka tan zawk a maw in ti em?)
Record an ti hlu lo zo vek!!!!
Maradona leh Pele te tunge ropui zawk ti a khawvel ngaihdan tun thlenga a la phir reng ang tho hian Ronaldo leh Messi te chungah pawh he thil hi a thleng mek zel niin ka hria…