Chhunzawm leh mawp mawp mai ang aw.

6. Getafe :
Getafe Club de Futbol S.A.D hi kum 1946 khan ‘Club Getafe Deportivo’ tia din a ni a. Amaherawhchu sum leh pai lama harsatna avangin kum 1982 khan a tawp/kehdarh leh ta a.

Heti a nih lai hian Getafe ah vek kum 1976 khan ‘Pena Madridista Getafe’ a piang a, a hnu kum 4 ah ‘Club Deportivo Pena Getafe’ an inti leh a. Kum 1982 khan ‘Club Getafe Promesas’ nen infinin a hmaa kan sawi tak ‘Club Getafe Deportivo’ thlaktu atan officially a pawm an ni a, kum 1983 khan ‘Getafe Club de Futbol’ tia invuahin an khel chho ta a ni.

Anni hi an jersey rawng hmingchawiin Azulones (Blue) tih an ni.

7. Granada :
La liga a chanchin nei tlem ber an ni ngei ang. Kum 1931 khan ‘Recreativo de Granada’ tia din a ni a. A hnu reilote ah Granad Club de Futbol S.A.D tih a ni ta.

El Grana (club hming) emaw, Rojiblancos – Castilian tawnga Red-White tihna bawk khan koh an ni thin.

8. Levante:
Levante Union Deportiva S.A.D: hi 1909 khan ‘Levante Futbol Club’ tia din a ni a, kum 1909 kuma din ve tho ‘Gimnastico Futbol Club’ nen kum 1939 khan infinin ‘Union Deportiva Levante-Gimnastico’ tih a ni a. Kum 1941 atang khan tuna an hming hi an hmang tan a ni.

Anni hi Granotas tia koh an ni a. A awmzia chu ‘Frog’ tihna a ni. Levante khuaa tuipui kama Uchang tam vanga phuah a ni.

9. Malaga :
Malaga Club de Futbol S.A.D hian chanchin maksak tak mai an nei a. A makin a ngaihnawm hle a ni.

Kum 1948 khan ‘CD Malaga’ chuan Reserve Team an mamawh avangin ‘CD Santo Tomas’ chu leiin ‘Club Athletico Malgueno (CA Malagueno)’ tiin a hming an thlak nghal a. Tichuan, Spain a an tih thin dan angin Reserve Team zawk CA Malagueno chuan division hniam lamah an khel ve ta a.

Tichuan le, kum 1959-60 chuan thil buaithlak tak a rawn thleng ta a. Spanish league 3rd level a CD Malaga an khelh laiin CA Malagueno chu an rawn kai chho ve ta mai a. Parent club leh Reserve team league division khata khelh dun phal a nih loh avangin CA Malagueno chu division hniam lama let leh tur an ni a, mahse, chu chu duh lovin CA Malagueno chu indang in Club puitling angin a ding ve ta a ni.

Kum 1992 a lo thlen chuan CD Malaga zawk chu sum lam harsatna avangin a tawp ta mai a. CA Malagueno chuan an club history leh record engkim kalsan in CD Malaga chu an rawn fin leh ta a, (a nihna takah chuan an thlak hlawk a ni.) Tichuan, kum 1994 ah Malaga Club de Futbol S.A.D tia hming thlakin an khel zawm ta zel a ni.

Anni hi Los Boquerones tih an ni a. A awmzia chu The Anchovies tihna a ni. A chhan chu Malaga hi Anchovy tamna hmun a nih vang a ni. Tin, Blanquiazules an ti bawk a. Hei hi Castilian tawnga White-Blue (an jersey rawng) sawina a ni.

10. Real Mallorca
An hming tak Real Club Deportivo Mallorca S.A.D hi kum 1916 khan ‘Junta Directiva del Alfonso XIII Futbol Club’ tih hming pu in din a ni a. Kum 1917 ah ‘Real Sociedad Alfonso XIII’ tia thlak a ni leh a. Kum 1931 ah ‘Club Deportivo Mallorca’ tia thlak leh in kum 1949 a ‘Royal Patronage’ an hmuh hnu ah ‘Real Club Deportivo Mallorca’ tia thlak leh a ni.

Sociedad = Society

Anni hi Els Barralets tia koh an ni a. A awmzia chu ‘Barrel’ tihna a ni. Mallorca logo/badge hian barrel a an em vangin hetia koh hi an ni. Tin, Los Bermellones an ti bawk a. Hei hi Catalan tawng a Vermillions tihna a ni a, an jersey rawng vanga phuah an ni.

Hei bakah hian La Ensaimada Mecanica tih an ni leh a. Hei hi Mallorca ropui zia tarlanna pakhat a ni. Ensaimada hi Mallorca chhang tui leh lar tak a ni a. Mecanica chu Machince sawina a ni. Tichuan, Mallorca chu Machine ang maia organise taka khel thin an nih zia (an infak ve na a nih chu) tarlan nan leh an chhang chhuan em em fakna atan an inphuah ta a ni.